Ushbu kitob turkiy xalq ogʻzaki ijodining eng eski yodgorliklari, ularning badiiy tafakkur tarixida tutgan oʻrni, badiiy, gʻoyaviy-estetik xususiyatlari; turkiy yozma adabiyotning yuzaga kelishi va uning ilk bosqichlari haqida fikr yuritiladi. Turli adabiy muhitlarda, turli yozuvlarda bitilgan adabiy asarlar, tarixiy-badiiy, diniy-falsafiy bitiglar misolida qadimgi turkiy yozma adabiyotning oʻziga xos xususiyatlari bayon qilinadi.
Koʻk turk bitiglari, moniychilik va buddizm, nasroniylik davrlaridan qolgan oʻlmas yozma obidalar, ilk oʻrta asrlarda islom muhitida yaratilgan nodir asarlar, ularning mazmuni, gʻoyasi, poetologiya masalalari, qadimgi turkiy adabiyotning keyingi davrlar adabiyotiga, xususan, oʻzbek mumtoz adabiyotiga taʼsiri haqida soʻz boradi.
Darslik tolibi ilmlarga, shuningdek, ayni sohada izlanish olib borayotgan filolog-mutaxassislarga mo‘ljallangan.