USB fleshkalar

USB-fleshkalar: turlari, tanlash mezonlari

Bulutli xotira allaqachon USB-fleshkalar va tashqi qattiq disklarni siqib chiqargan. Shunga qaramay, olinadigan saqlagichlar hali ham katta talabga ega. Ayrimlar qimmatli xotiralarini yo‘qotib qo‘ymaslik uchun sevimli fotosuratlarining dublikatlarini fleshkalarda saqlashadi. Boshqa foydalanuvchilar Internet yo‘qligida bo‘sh vaqtlarini mazmunli o‘tkazish uchun ularga filmlarni yuklab olishadi. Haydovchilar fleshkalarni avtomagnitola uchun sotib olishadi. Shunday qilib, bu aksessuar zamonaviy insonning qimmatli yordamchisiga aylanadi. O‘z-o‘zidan, u shunday kuchli tomonlari bilan faxrlana oladi:

• Ixchamlik – qurilma kichik cho‘ntakchaga sig‘adi. Uning vaznini umuman his etmaysiz. Shuning evaziga saqlagichni istalgan joyga – ishga, sayrga, sayohatga olib chiqish mumkin.
• Katta hajm – zamonaviy variantlarga juda ko‘p ma’lumotlar sig‘adi. Siz aynan nimani saqlashni tanlashingiz shart emas – oxirgi ta’tilingizdagi fotosuratlar yoki kulgili videolar.
• Universallik – fleshkada istalgan turdagi kontentni saqlashingiz mumkin: o‘rnatiluvchi fayllar, rasmlar, videolar, musiqa, hujjatlar.
• Mo‘tadil narx – ixcham saqlagich qattiq diskdan ancha arzonga tushadi.

USB-fleshka nimaga kerak?

Fayllarni saqlashdan tashqari, qurilma ko‘pchilikning xayoliga kelmaydigan boshqa bir qator vazifalarni ham bajarishi mumkin. Undan quyidagi maqsadlarda foydalansa bo‘ladi:

• Bulutli saqlagich – uni tashkil qilish uchun kompyuter yoki routerdan foydalanishingiz mumkin. Birinchi holda saqlagichga simsiz kirish uchun maxsus dasturni o‘rnatishingiz kerak. Routerga USB-fleshka o‘rnatadigan bo‘lsangiz, unda bo‘sh USB-port mavjudligiga ishonch hosil qiling.
• Qattiq disk o‘rniga qo‘llash – HDD va SSD-disklar qimmat, xotirasi kattaroq fleshka esa ancha arzon. Fayllarning zaxira nusxalarini fleshkaga saqlashni sozlashingiz mumkin. Bunda uning davriyligini foydalanuvchi o‘zi tanlaydi.
• Maxfiy saqlash joyi – internetga ulangan bulut yoki gadjetni buzib kirish oson. Tarmoqqa ulanmagan USB-fleshka esa bunday xavfdan xoli. Bu uni moliyaviy tranzaksiyalar va bitkoin hamyonlar kabi o‘ta nozik ma’lumotlarni saqlash uchun ideal qiladi.
• Yuklash drayveri – operatsion tizim ishdan chiqishi mumkin. Keyin shaxsiy kompyuter foydalanuvchisi tizim blokini yoki noutbukni servis markaziga olib borishi kerak. Agar siz operatsion tizim tasvirini USB-fleshkaga yozib qo‘ysangiz, keyin uni o‘zingiz o‘rnatishingiz mumkin.
• Ishonchli parol – qurilmangizdan shaxsiy kompyuter yoki bulutga kirish uchun foydalanishingiz mumkin. Buning uchun tegishli sozlamalardan foydalanishingiz kerak. Drayvsiz hech kim sizning kompyuteringizdan ruxsatsiz foydalana olmaydi va bulutga kira olmaydi.

Fleshka qanday tanlanadi – hajm va interfeys

Qoʻshimcha xotira sotib olayotganda, birinchi navbatda, qancha joy kerakligini hisobga olish lozim. Zamonaviy modifikatsiyalaruf 1 TBgacha sig‘ishi mumkin. Xotira qurilmaning narxiga bevosita ta’sir qiladi. Shuning uchun, uni tanlayotganda, qo‘shimcha saqlash joyi aynan nima uchun kerakligini hal qilishingiz lozim. Masalan, matnli hujjat yoki Excel elektron jadvalining hajmi o‘rtacha 300 KB keladi, 8K film uchun esa 32 GB kerak bo‘ladi. O‘rtacha shaxsiy kompyuter foydalanuvchisi uchun 16-32 GB hajm yetarli. Professional fotograf yoki geymerga esa juda ko‘p xotira kerak bo‘ladi.

Fleshka sotib olayotganda e’tiborga olish kerak bo‘lgan ikkinchi narsa – ulanish interfeysi va shtekerning shakli. Asosan USB standarti ishlatiladi, lekin uning turli versiyalari mavjud. Ma’lumotlarni uzatish tezligi aynan shunga bog‘liq. Masalan, 1.0 versiyasi maksimal 15 Mb/s tezlikka ega, 4-versiyada esa bu ko‘rsatkich 4800 Mb/s.ga yetadi. Biroq, bu hozircha nazariy standart, agar u mavjud bo‘lsa, siz o‘rnatilgan saqlagichdan butunlay voz kechishingiz mumkin. Aloqa standartini tanlash qurilmaning ishlatilish maqsadiga bog‘liq. Hujjatlar bilan ishlash uchun 2.0 versiyasi yetarli, multimedia bilan ishlash uchun esa diskni yanada takomillashtirilgan modifikatsiyasi talab qilinadi.

Tanlashning boshqa mezonlari

Elektronika bozorida nafaqat USB-fleshkalar, balki boshqacha shtekerli xotiralar ham mavjud:

• micro USB – bu Android telefon yoki planshet uchun ulagichga ega aksessuardir. Qurilma shunday slotga ega deyarli barcha brendlarning smartfonlari bilan mos keladi.
• Apple Lightning – iPhone va iPad uchun mo‘ljallangan. Ushbu standart Pro versiyalari bilan mos kelmaydi. Shuningdek, u boshqa brendlarning gadjetlari tomonidan qo‘llab-quvvatlanmaydi.
• O‘lcham ham muhim ahamiyat kasb etadi. Jimjiloq tirnog‘i o‘lchamdagi mini-fleshkalar mavjud! Biroq, ular bir necha yuz gigabaytgacha sig‘imli bo‘lishi mumkin. Oʻlchamni har kim o‘z ixtiyoriga ko‘ra tanlaydi, aksessuardan foydalanishingiz oʻzingizga qulay bo‘lishi muhim.
• Qurilmalar korpusining materialiga qarab farqlanadi. U quyidagilardan tayyorlangan bo‘lishi mumkin:
• Plastikdan – har qanday rang berish mumkin bo‘lgan yengil, arzon materialdir. Ammo u jismoniy ta’sirga chidamsiz bo‘ladi. Plastmassaning shikastlanishi oson.
• Metalldan – qattiq va mustahkam material, estetik jihatdan yoqimli va original ko‘rinadi. Ko‘pincha o‘yma naqshli sovg‘abop variantlar metalldan yasaladi.

Fleshkalarning xususiyatlari

Fleshkalar allaqachon shunchaki axborot saqlagich bo‘lmay qolgan. Zamonaviy qurilmalar o‘zlarining funksionalligini yaxshilaydigan va xavfsizlikni oshiradigan ko‘plab qo‘shimcha funksiyalarga ega. Quyidagi kabi aksessuarlar mavjud:

• ikki ulagichli – ikki tomonlama;
• parolli;
• barmoq izi skanerli;
• suriluvchi shtekerli;
• suvdan himoyali.

Asaxiy onlayn-do‘konida turli xotira o‘lchamlari va qo‘shimcha funksiyalarga ega fleshkalar taqdim etilgan. Aksessuar oldiga qo‘yilgan vazifalarga qarab mos variantni tanlaysiz. O‘zbekiston bo‘ylab yetkazib berish bir necha kun ichida amalga oshiriladi. Toshkentda bu xizmat bepul.