Yuz uchun niqoblar – har qanday turdagi teri uchun samarali parvarish

Yuz uchun kosmetik niqob o‘z-o‘zini parvarish qilish uchun eng samarali vositalardan biridir. Tarkibiga qarab, u yuz terisini namlaydi, oziqlaydi, tirqishchalarni tozalaydi, ajinlarni tekislaydi, charchoqni ketkazadi. Uning go‘zallik protseduralaridan asosiy farqlari – qo‘llash usuli va intensiv ta’sir etishidadir. Yuz niqobi atigi 20 daqiqada teriga chiroyli va parvarishli ko‘rinish baxsh etadi. Agar teri muammosi bo‘lmasa, bu vositani 25 yoshgacha qo‘llamaslik kerak. Agar yuz terisida tiqilib qolgan tirqishchalar, akne, husnbuzar va boshqa toshmalar bo‘lsa, teri parvarishini ertaroq boshlayvergan ma’qul.

Umuman olganda, yuz niqoblarini ikkita keng toifaga ajratish mumkin:

  • Professional – ular go‘zallik salonlarida kosmetologlar tomonidan qo‘llaniladi. Bunday vositalarni mutaxassisning retseptisiz ishlatmaslik kerak. Professional kosmetika yuqori samaradorlik va shunga mos narxi bilan ajralib turadi. Bu kuperozda, pigment dog‘larida va professional aralashuvni talab qiluvchi boshqa sog‘liq muammolarida yordam beradi.
  • Uyda parvarish qilish uchun – o‘zingiz tanlashingiz mumkin bo‘lgan arzon seriyalar. Bular detoks, namlash, foydali elementlar bilan to‘yintirish va boshqalarga mo‘ljallangan kosmetikadir.

Yuz niqoblarining turlari

Ta’siriga qarab, ushbu vositalarni quyidagi guruhlarga bo‘lish mumkin:

  • Namlantiruvchi – bunday kosmetikani universal deb bemalol aytsa bo‘ladi. Bu me’yordagi teriga ham, yog‘lilikka yoki po‘st tashlashga moyil bo‘lgan joylarga ham mos keladi. U namlik tanqisligining o‘rnini to‘ldirishga va terini foydali moddalar bilan to‘yintirishga yordam beradi. Dengiz bo‘ylariga sayohat qilganda, kosmetika sumkangizda namlovchi yuz niqobi bo‘lishi kerak. Quyosh, shamol va sho‘r suv ta’sirida teri elastikligini va sog‘lom ko‘rinishini yo‘qotadi. Ushbu vositalar yozda, hatto dengizga bormasangiz ham, ishlatilishi kerak, chunki quyosh epidermis holatiga salbiy ta’sir qiladi. Maxsus kosmetika esa uni salbiy ta’sirlardan himoya qiladi.
  • Tozalovchi – tirqishchalari tiqilib qolishiga va qora nuqtalar yuzaga kelishiga moyil bo‘lgan yog‘li hamda aralash teri turlari uchun tengsiz kosmetika. U ortiqcha yog‘ni olib tashlaydi, tirqishchalarni kamaytiradi va teriga bir tekis rang beradi.
  • Yallig‘lanishga qarshi – toshmalarga moyil bo‘lgan muammoli teri uchun zarur. Ular qizarish va yallig‘lanishni yo‘q qiladi. Umuman olganda, bunday yuz niqoblari tinchlantiruvchi ta’sirga ega.
  • Oziqlantiruvchi – quruq va sezgir teri uchun. Bunday vositalar teridagi tortililish hissini yo‘q qiladi va elastiklikni tiklaydi. Ular epidermisni vitaminlar va foydali mikroelementlar bilan intensiv ravishda to‘yintiradi.
  • Tinchlantiruvchi – ayrim zararsiz narsalar, masalan, menyudagi yangi mahsulot yoki krem ​​tufayli tanada noqulayliklar yuzaga kelishi mumkin. Agar sizda allergik reaksiyalarga moyillik bo‘lsa, bunday yuz niqobi har doim yoningizda bo‘lishi kerak. U yallig‘lanishga qarshi ta’sirga ega va retseptorlarning sezgirligini normallashtiradi.
  • Keksayishga qarshi – yoshi kattalar uchun yoshartiruvchi lifting vositalari. Ular ajinlar va yoshga bog‘liq boshqa o‘zgarishlardan xalos bo‘lishga yordam beradi. Shuningdek, faol moddalar epidermisning mayda g‘adir-budurlarini tekislaydi va uni avvalgi sog‘lom porlash holatiga qaytaradi.
  • Oqartiruvchi – pigment dog‘lari va sepkillar uchun krem ​​va gellar. Bundan tashqari, qizlar badanni oftobda toblashdan keyin ulardan foydalanishadi. Bunday vositalar epidermisga yorqinlik bag‘ishlaydi, bu esa tashqi ko‘rinishdagi ba’zi nuqsonlarni yashirish imkonini beradi.

Qo‘llash usuli va tarkibi

Bu jihatiga ko‘ra yuz niqoblari quyidagi turlarga bo‘linadi:

  • Yuviladigan – eng keng tarqalgan vositalardir. Muayyan vaqtdan keyin ularni suv bilan yuvish yoki nam paxta yostiqchasi bilan olib tashlash kerak.
  • Kremsimon – teriga so‘riladi, faqat qolib ketgan qismini salfetka bilan olib tashlash kerak.
  • Gelli yoki matoli – tarkibiga faol moddalar singdirilgan niqoblar. Ular peshona, yonoq va iyak konturiga mos keladigan tayyor asosdir.
  • Gidrogelli – yopishqoq konsistensiyaga ega bo‘lib, u teriga surtilganda qiziydi hamda yonoqlarga, peshonaga va iyaklarga mahkam o‘rnashadi. Ularning asosiy tarkibiy qismi – epidermisning chuqur namlanishiga yordam beruvchi gialuron kislotasidir. Gidrogel esa unga foydali moddalarni yaxshiroq o‘zlashtirishda yordam beradi.
  • Alginatli – tez ta’sir qiluvchi niqoblar. Ularning ta’siri birinchi qo‘llashdan keyinoq seziladi. Ular namlaydi, tonlaydi, g‘adir-budurlarini tekislaydi hamda peshona va jag‘ning konturlarini tortadi. Suvda yoki zardobda eritiluvchi kukun shaklida sotiladi.
  • Pufakchali – kislorod bilan reaksiyaga kirishadigan niqoblar. Ular ajinlarni tekislaydi, pigment dog‘larini yorqinlashtiradi, ortiqcha yog‘larni olib tashlaydi va hokazo
  • Loyli – minerallar va efir moylari bilan boyitilgan tabiat hadyalari. Ushbu vositalar ozuqa moddalariga eng boyligi bilan ajralib turadi. Ular dezinfeksiyalovchi, yallig‘lanishga qarshi va tiklovchi ta’sirga ega. Loy qon aylanishini va metabolizmni faollashtiradi, elastiklikni oshiradi va tozalik beradi.
  • Gilli – noyob tabiiy xususiyatlarga ega. Samarasi gil turiga bog‘liq – u pushti, ko‘k, sariq, oq, yashil, qora va boshqacha bo‘lishi mumkin. Masalan, pushti gil himoya funksiyalariga ega, yashil gil antioksidant sifatida, sariq gil esa tirqishchalarni qora nuqtalardan tozalash uchun ishlatiladi.
  • Plyonka-niqoblar – terining qadoq qatlamini olib tashlaydi, tirqishlarni ehtiyotlab tozalaydi va umumiy tekislaydi.

Teri parvarishlovchi kosmetikaning boshqa turlari:

  • qizituvchi;
  • kislorodli;
  • organik;
  • suvo‘tlardan qilingan.

Tanlash mezonlari

Kosmetik, tozalovchi va davolovchi vositani xarid qilayotganda terining turini hisobga olish kerak. Shuningdek, ularning tarkibi bilan tanishib chiqish kerak. Asaxiy.uz do‘konidan siz quyidagi kabi yuz niqoblarini sotib olishingiz mumkin:

  • aloe verali;
  • shilliqqurt shillig‘i qo‘shilgan;
  • gialuron kislotali;
  • bodringli;
  • kollagenli;
  • keramidlar qo‘shilgan;
  • E vitaminli;
  • C vitaminli.

Asaxiy.uz internet-do‘konida Rossiya, Koreya, Belarus va oʻzbek kosmetika mahsulotlari taqdim etilgan. Turli xil to‘lov usullari mavjud – naqd, naqd pulsiz, onlayn, kredit karta orqali. O‘zbekiston bo‘ylab yetkazib berish bir necha kun ichida amalga oshiriladi. Toshkentda esa bu xizmat butunlay bepul.

 

asaxiy app image

Sizning internet do'koningiz