Fotoapparatlar

Fotoapparatlar – suratlarning aql bovar qilmas jonliligi

Havaskorlar uchun baquvvat kamerali smartfonlar allaqachon raqamli fotoapparatlarni bozordan siqib chiqargan. Biroq, professional fotosuratchilar hali ham ulardan foydalanishadi, chunki hech qanday telefon, hatto eng kuchli obyektivlisi ham, kameralar suratga oladigan tasvirlar sifatiga yetmaydi. Shu sababli, ushbu qurilmalar hali ko‘p yillar davomida dolzarb bo‘lib qoladi.

Agar siz fotografiyani xobbi yoki kasb deb hisoblasangiz, maxsus jihozlar sotib olish haqida o‘ylashingiz kerak. Professional kameralarning afzalliklari:

• yuqori sifatli fotosuratlar va videolar;
• katta hajmdagi xotira;
• ko‘pfunksionallik;
• avtonomlik;
• sozlash osonligi.

Fotoapparatlarning turlari

Elektronika bozorida quyidagicha qurilmalar taqdim etilgan:

• Bir zumda chop etuvchi – bunday qurilmalar haqida gap ketganda, birinchi navbatda Polaroid brendi esga tushadi. Aynan u 20-asrning oxirida bunday qurilmalarni ishlab chiqarishni boshlagan. O‘shanda ular bozorni “portlatib” yuborgan edi. Biror kishini suratga olish, kartani cho‘ntagingizga solib qo‘yish va bir necha daqiqadan so‘ng tayyor rasmni olish kifoya edi. Tezkor chop etuvchi kameralar hozirgi vaqtda ko‘proq kamyob buyum sifatidagina qiziqishga loyiq. Raqamli dunyoda Polaroid o‘z ahamiyatini yo‘qotdi, lekin kolleksionerlar va tarixiy fotosuratlarni sevuvchilar unga hali ham qiziqadi.
• Ixcham – ular xalq orasida "sovun idishlari" deb ham ataladi. Bunday mini-kameralar o‘tgan asrning oxirida ham bozorni “portlatib” yubordi. O‘shanda ular uchun plyonkali kartrijlarni sotib olish kerak edi. Bugungi kunda raqamli ixcham fotoapparatlar ishlab chiqarilmoqda.Ular havaskor suratkashlarning talablariga javob beradi. Ko‘pincha bunday kameralar smartfonlarga qaraganda yuqori sifatli tasvirlarni taqdim etadi. Shu bilan birga, qurilmalar kichik o‘lchamli, ular ko‘ylak cho‘ntagiga yoki sumkachaga sig‘ib ketaveradi.
• Ko‘zgusiz – bunday modellarda yorug‘lik to‘g‘ridan-to‘g‘ri matritsaga tushadi. Nomidan ko‘rinib turibdiki, ularning oynasi yo‘q. Bu holat dizaynni arzonlashtiradi, shuning uchun bunday qurilmalar ko‘pincha yarim professional syomka uchun sotib olinadi. Ulardan professional fotograflar ham foydalanadilar. Ko‘pchilik ishonmasa-da, fotoapparatdagi ko‘zgu yakuniy rasmga ta’sir qilmaydi. Bu ko‘proq mutaxassisning kamera va yorug‘lik bilan ishlash mahoratiga bog‘liq. Ko‘zgusiz kameraning kamchiligi shundaki, uni fokuslash uchun uzoq vaqt ketadi.
• Ko‘zguli – eng qimmat modellar. Ulardan o‘z sohasining haqiqiy professionallari va badiiy fotografiya ishqibozlari foydalanadilar. Uning tuzilishi asosida yorug‘likni tasvir izlagichga yo‘naltiruvchi ko‘zgu yotadi. Rasmga tushirish sifati eng yuqori darajada bo‘ladi. Biroq, ko‘zguli fotoapparatga ko‘nikish biroz vaqt talab etadi. Avvalo, siz u bilan ishlash nazariyasini o‘zlashtirishingiz va o‘rnatilgan rejimlar bilan tanishib chiqishingiz kerak. Odatda, ularda avtomatik syomka ham ko‘zda tutiladi, ammo unda sifat eng yuqori darajada bo‘lmaydi. Ko‘zguli modifikatsiyalarning asosiy kamchiliklari – bu narxi balandligidir.

Fotoapparatrning asosiy xususiyatlari

Kamera sotib olayotganda, uning turidan boshqa jihatlarini ham hisobga olish kerak. Quyidagi kabi ko‘plab parametrlar muhim:

• Matrisa – qurilmaning yuragi bo‘lib, u eski fotoapparatlardagi plyonkaning o‘rniga yangilarida qo‘llanmoqda. Suratga olingan materialning sifati ko‘p jihatdan unga bog‘liq. Bunga matritsaning o‘lchami ta’sir qiladi.To‘liq o‘lchamli, APS-C va 1 dyuymlik modullar mavjud. To‘liq kadrli matritsalar professional fotoapparatlarga xos hisoblanadi. Havaskor fotografiya uchun ular amalda foydasiz.
• Megapiksellar soni – bu xususiyat qanchalik yuqori bo‘lsa, tasvir shunchalik yaxshi bo‘ladi. Qisman shunday. Biroq, kameraning boshqa sifat xususiyatlarini yo‘qotib, megapiksellar ortidan quvmaslik kerak.
• Kattalashtirish (Zoom) – u suratga olinayotgan sahnani yaqinlashtirish va kattalashtirish uchun javobgardir. Agar siz uzoqdan suratga olishni rejalashtirgan bo‘lsangiz, bu xususiyat katta ahamiyatga ega. Yaqinlashtirish optik va raqamli bo‘ladi. Birinchi holda, linzalarning holati ramkani kattalashtirish uchun o‘zgaradi. Optik zoomli qurilmalar tasvirni sifatini yo‘qotmasdan kattalashtiradi. Raqamli kattalashtirish kadrni kattalashtirmaydi, balki uni faqat tasvir izlagichda cho‘zadi. Bu esa tasvirni biroz xiralashtiradi. Mazkur texnologiya juda takomillashmagan. Qimmat professional fotoapparatlar eng katta optik zoom bilan chiqariladi. Arzon yarim professional kameralar esa kamroq, ammo yuqori sifatli yaqinlashtirish imkoniga ega.
• Barqarorlashtirish (stabilizatsiya) – deyarli barcha kameralar bu funksiyani qo‘llab-quvvatlaydi. Ishlab chiqaruvchilar inson omilini hisobga olishadi, chunki rasmga olish paytida qo‘l qaltirashi mumkin, keyin esa fotosurat xira chiqadi.

Tanlashning boshqa mezonlari

Ko‘pchilik kameralar video yozishni ham qo‘llab-quvvatlaydi. Bunday holda siz formatga e’tibor berishingiz kerak. Bu Full HD va 4K bo‘lishi mumkin. Bulardan birinchisi eng keng tarqalgan standart bo‘lib, u yuqori sifatli videoni taqdim etadi. 4K megapiksellar soniga ko‘ra Full HDdan ikki baravar yuqori, lekin buning uchun qo‘shimcha pul to‘lashingiz kerak bo‘ladi. Biroq 4K hali keng yoyilmagan. Fotoapparatni tanlayotganda, u birinchi navbatda video yozish uchun emas, balki rasmlar olish uchun mo‘ljallanganligini yodda tutishingiz kerak. Agar sizga yuqori sifatli videoyozuv kerak bo‘lsa, professional videokamera sotib olgan ma’qul.

Video suratga olishdan tashqari, ko‘plab boshqa rejimlar va qo‘shimcha imkoniyatlar taqdim etilishi mumkin. Quyidagicha fotokameralar mavjud:

• suv ostida suratga olish uchun;
• makrosyomka uchun;
• obyektivsiz;
• aylanuvchi ekranli;
• almashtiriladigan optikali.

Kamerani sotib olayotganda, interfeyslarni hisobga olish kerak, qurilmaning shaxsiy kompyuter bilan mosligi ularga bog‘liq. Ishlab chiqaruvchilar bunday qurilmalarni ishlab chiqaradilar:

• HDMI portli;
• USB portli;
• Wi-Fi interfeysli.

Brend katta ahamiyat kasb etadi. Asaxiy internet-do‘konida siz quyidagi markadagi fotoapparatlarni xarid qilishingiz mumkin:

• Canon;
• Nikon;
• Olimp;
• Sony.

O‘zbekiston bo‘ylab yetkazib berish bir necha kun ichida amalga oshiriladi. Toshkentda esa buyurtmalar bepul eltib beriladi.