TOP
  • Mijoz tanlovi

  • Yuqori reyting va yaxshi sharhlar

Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
Honor X9b 8/256GB Qora Smartfoni
0 ta sharh
4 039 000 so'm
491 500 so'm x 12 oy

Smartfon – zamonaviy insonning tengsiz yordamchisi

Bizning davrimizga kelib deyarli har bir kishida smartfon bor. Bu qurilma “must have” – ega bo‘lish shart hisoblanuvchi buyumga aylangan. Qo‘ng‘iroq va SMS funksiyalari allaqachon ikkinchi darajali toifaga o‘tgan. Bugun mazkur devays ko‘pincha fotoapparat, raqamli kamera, geympad sifatida qo‘llanadi. Yana bir asosiy funksiyasi – bu veb-serfing. Smartfon yordamida har qanday kontentni ko‘rish qulay. Matn, suratlar, video – devaysning “tishi o‘tmaydigan” format yo‘q. Bundan tashqari, ko‘plab foydalanuvchilar mobil telefonni moliyaviy operatsiyalar uchun ham ishlatishadi. Uning xotirasida foydalanuvchi haqidagi muhim axborotlar saqlanadi: turli fotosuratlardan tortib bank kartasi ma’lumotlarigacha. Maxsus ilovalar esa smartfonni shaxsiy dietologga va fitnes-trenerga aylantira oladi. Shu tariqa, mazkur gadjetni zamonaviy kishining intellektual shaxsiy yordamchisi, deya bemalol ayta olamiz.

Smartfonlarning afzalliklari

Shaxsiy cho‘ntak kompyuterining hamda uyali telefonning funksionallarini o‘zida uyg‘unlashtirgan qurilmalarni ishlab chiqish ishlari 1990-yillarda olib borilgan. «Smartfon» atamasining o‘zini Ericsson kompaniyasi 2000 yili, o‘zining navbatdagi telefoni uchun qo‘llagan. Biroq imkoniyatlari bo‘yicha u hozirgi gadjetlardan ancha orqada edi. Dastlab kommunikatorlar klaviaturali qilib chiqarilgan, buning ustiga ular oddiy mobil telefonlardan katta o‘lchamda edi. Bu yo‘nalishda haqiqiy burilish esa ilk klaviaturasiz qurilma – iPhone chiqishi bo‘ldi. Mazkur texnologiyani boshqa kompaniyalar ham ilib olishgan. Bugunga kelib bozorda bunday gadjetlar o‘ta ulkan tanlovda taqdim etilgan. Ular protsessor samaradorligi, xotira hajmi, kamera imkoniyatlari bilan o‘zaro farqlanadi. Ammo barcha smartfonlar quyidagi kabi afzalliklarga ega:

  • Yengil vazn – gadjet cho‘ntakka yoki ayollarning kichkina sumkachasiga joylashadi. Shuning uchun foydalanuvchi devaysni yonida olib yurish masalasida ikkilanib o‘tirmaydi. U hamma joyda egasining hamrohiga aylanadi: ishda va o‘qishda, uyda va dam olishda.

  • Kuchli kamera – imkoniyatlariga ko‘ra u raqamli fotoapparatlar bilan bemalol bellasha oladi. Smartfon kamerasi turli quvvatdagi bir nechta ob’ektivga hamda fotochaqnoqqa ega. Kattaytirish va kichraytirish funksiyalari, portret uchun va tungi s’yomka rejimlari bor. Bu kamera yordamida video yozib olish va hatto kliplar suratga olish mumkin.

  • Ko‘pfunksionallik – hattoki qimmat bo‘lmagan smartfonlarning ham imkoniyatlari cheksiz. Siz unda ovozli va videoqo‘ng‘iroq orqali muloqot qilishingiz, musiqa tinglashingiz, internetga kirishingiz, filmlar tomosha qilishingiz, o‘yinlar o‘ynashingiz, xaridlar hamda xizmatlar uchun haq to‘lashingiz, o‘z sog‘lig‘ingizni nazorat qilib borishingiz va boshqa ko‘plab ishlarni qilishingiz mumkin. Qurilmaga boshqa devayslarni, masalan, fitnes-bilaguzuklarni ulasa bo‘ladi. Bunda siz jismoniy mashqlarning individual dasturlarini tuza olasiz.

Smartfon qanday tanlanadi – operatsion tizim

Aqlli mobil telefonlar paydo bo‘lganidan beri ular uchun ko‘plab operatsion tizimlar yaratilgan. Ammo ularning barchasini bozordagi yetakchilar – Android hamda iOS siqib chiqargan. Har ikkala platformaning o‘ziga yarasha ijobiy va salbiy jihatlari bor. Android tizimining afzalliklari:

  • Ochiq tizim – mazkur dasturiy ta’minot mobil telefonlardan boshqa tur gadjetlarga ham tushadi. Android planshetga, noutbukka, televizorga o‘rnatilishi mumkin. Soft ishlab chiquvchilar Android asosida betakror platformalar yaratishadi. Masalan, Xiaomi, Huawei va Samsung o‘zlarining smartfonlarini Android bazasida yaratilgan o‘z grafik qobiqlari bilan chiqarishadi.

  • Fayllar tizimi – siz telefon xotirasiga har qanday ob’ektni yuklab ola bilasiz, buning uchun qo‘shimcha dasturlar o‘rnatishga hojat yo‘q.

  • Xotira kartasini qo‘llash – buning evaziga fayllarni saqlash uchun joyni ancha kengaytirsa bo‘ladi.

iOS operatsion tizimi esa faqat iPhone hamda iPad turkumlari qurilmalarida ishlaydi. Bu yopiq tizim bo‘lib, boshqa brendlarga mansub qurilmalarga o‘rnatib bo‘lmaydi. Shunga qaramasdan, iPhone hanuz mobil texnika bozorida yetakchi o‘rinni egallab keladi va bunda iOS tizimining ham xizmati katta. Uning ijobiy jihatlari:

  • texnologik yetuklik;

  • foydalanuvchi ma’lumotlarining mustahkam himoyasi;

  • muntazam yangilanishlar.

Ekran o‘lchami va aniqligi

Kontentning qabul qilinishi bevosita displey xususiyatlariga bog‘liq. Ekranlar o‘zining diagonali o‘lchamiga, tasvir aniqligiga hamda matritsa turiga ko‘ra farqlanadi. Diagonaliga ko‘ra smartfonlarni uchta yirik guruhga bo‘lish mumkin:

  • Kichkina (diagonaliga 5 dyuymgacha) – eskirgan modellar. Shunga qaramasdan, ular hozirgacha bozorda mavjud. Bunday variantlar telefonni o‘zining bevosita ko‘zda tutilgan vazifasi – qo‘ng‘iroqlar va SMS-xabarlar uchun ishlatuvchi kishilarga ko‘proq mos keladi.

  • O‘rtacha (diagonaliga 5-6 dyuymlik) – eng keng tarqalgan toifa. Bunday qurilmalarni bitta qo‘l bilan boshqarish qulay. Shuningdek, diagonali 7 dyuymgacha bo‘lgan ekran o‘yin o‘ynashga ham, kino ko‘rishgayam yetarli.

  • Katta (diagonaliga 6,5 dyuymdan oshiq) – bunday o‘lchamli displey asosan flagmanlarda bo‘ladi. Ilg‘or modellarning ustunliklari orasida funksionalini ta’kidlab o‘tsa arziydi. Ammo gabariti kattaligi sababli bunday telefonni ishlatish hamisha ham qulay bo‘lavermaydi.

Displeyning aniqligi bo‘yicha poyga hozir vaqtincha to‘xtagan yoki o‘tmishda qolgan. Mobil texnologiyalar ishlab chiquvchilari bu borada eng yaxshisi – Full HD standarti, degan yakdil fikrga kelishgan. Ayrim modellar esa FHD+ yoki QHD+ ekran bilan chiqadi.

Matritsa turi

Ekrandagi tasvir sifati shu texnologiyaga bog‘liq. Smartfonlarda quyidagi texnologiyalarga mansub displeylar qo‘llanadi:

  • LCD – displeylarning eskirayotgan turi. Unda kontrastlik yaxshi emas, akkumulyator quvvatini ko‘p sarflaydi va ko‘zga salbiy ta’sir ko‘rsatadi. ijobiy jihatlaridan esa arzonligini aytib o‘tish mumkin.

  • IPS – eng ommabop standart. U yuqori kontrastligi, ranglarni jonli berishi, quvvatni kam talab etishi va teginishlarga tez javob berishi bilan ajralib turadi.

  • Super AMOLED – Samsung ishlab chiqqan matritsa. U ranglarni a’lo darajada uzatadi va quvvatni ham zo‘r tejaydi.

  • OLED – matritsaning bu turida har bir piksel yoritiladi. Shuning evaziga tasvir yorqin, aniq va kontrastligi yuksak. Mazkur texnologiya iPhone Super Retina ekranlarida qo‘llanadi.

Kamera haqida nimalarni bilish kerak

Smartfonlar ommalashgan paytda raqamli fotoapparatlarga talab keskin tusha boshladi. Buning asosiy sababi – telefonlardagi qudratli kamera modullaridir. 2021-yili ilg‘or ishlab chiqaruvchilar o‘z smartfonlarini bir nechta ob’ektiv bilan jihozlay boshlashdi. Eng katta aniqlikka asosiy keng burchakli kamera ega bo‘ladi. Qo‘shimcha ob’ektivlar uni to‘ldirishga xizmat qiladi. Shuning uchun smartfon tanlayotib kameralar sonigagina emas, balki ularning qanchalik kuchli ekaniga ham qarash kerak. Bu ko‘rsatkich piksellar soni bilan o‘lchanadi. Zamonaviy modellar allaqachon 100 piksellik dovondan oshgan. Bu esa professional s’yomka darajasida sifatli va jonli fotosuratlar olish imkonini beradi.

Smartfonning orqa tomonidagi asosiy kameradan tashqari, old kamerasi ham bor. U selfi hamda videoqo‘ng‘iroqlarga mo‘ljallangan. Odatda, selfi-kamera qudrati pastroq bo‘ladi. Undan foydalanish qulayligi ob’ektivning joylashuviga ham bog‘liq. Zamonaviy smartfonlar ekranida old kamerani o‘rnatish uchun quyidagi variantlar qo‘llanmoqda:

  • tirqish;

  • tomchi;

  • kemtik.

Tezkor va doimiy xotira

Gadjetlarning xotirasi ikki xil bo‘ladi – tezkor va ichki (doimiy). Bulardan birinchisi smartfonning ko‘p vazifalilik rejimida tez ishlashiga mas’ul. Yil sayin tezkor xotira hajmi katta bo‘lgan smartfonlar ko‘paymoqda. Bu esa mobil o‘yinlar va ilovalarning talabi bilan bog‘liq. Hozirda tezkor xotirasining hajmi bo‘yicha quyidagi variantlar mavjud:

  • 2 Gb;

  • 3 Gb;

  • 6 Gb;

  • 8 Gb;

  • 12 Gb.

Smartfonning me’yorida ishlashi uchun o‘rtacha 4-8 Gb yetarli. Agar o‘yinbop model xarid qilmoqchi bo‘lsangiz, bu ko‘rsatkichi 12-16 Gb bo‘lganlariga qarang.

Smartfonning ichki (doimiy) xotirasi esa operatsion tizim fayllarini, fotosurat va videolarni, ilovalar va boshqa ma’lumotlarni saqlashga xizmat qiladi. Elektronika ishlab chiqaruvchilari saqlagich hajmining quyidagicha variantlarini taklif etishadi:

  • 32 Gb;

  • 64 Gb;

  • 128 Gb;

  • 256 Gb.

Android tizimli smartfonlarning aksariyatiga qo‘shimcha xotira kartasi qo‘ysa bo‘ladi. U fayl saqlash joyini kengaytiradi. iPhone modellari esa bunday funksiyaga ega emas.

Smartfonlarning boshqa xususiyatlari

Aksariyat ishlab chiqaruvchilar quyidagicha funksiyalarga ega telefonlar taklif etishmoqda:

  • 2 SIM-kartali;

  • GPS modulli;

  • Bluetooth modulli;

  • NFC modulli;

  • eSIM modulli;

  • 4G LTE standartli;

  • 5G standartli;

  • egasini yuzidan tanib qulfni ochuvchi;

  • barmoq izi skanerli;

  • giroskopli.

Ba’zi modellar zarbaga chidamli va namdan himoyali korpusga ham ega bo‘ladi. Bunday variantlar sayohatchilarga, sportchilarga va ekstremal xobbi ishqibozlariga mos. So‘nggi yillarda xit bo‘lgani – simsiz quvvat oluvchi qurilmalardir.

Brend masalasiga alohida ahamiyat qaratiladi, chunki har bir marka o‘z texnikasini o‘ziga xos funksiyalar va kamera imkoniyatlari bilan ta’minlaydi. Ayrim brendlar esa operatsion tizimga ham o‘zgarishlar kiritadi. Asaxiy internet-do‘konidan siz quyidagi brendlar smartfonlarini hamyonbop narxlarda olishingiz mumkin:

  • Apple;

  • Xiaomi;

  • Samsung Galaxy;

  • Asus;

  • Honor;

  • Vivo;

  • Huawei;

  • LG;

  • Realme;

  • Meizu.

Smartfon – kishi qiyofasining bir qismidir, shuning uchun uning dizayniga ham diqqat qilinadi. Korpus quyidagi ranglarda bo‘lishi mumkin:

  • oq;

  • qora;

  • qizil;

  • ko‘k;

  • yashil;

  • zarg‘aldoq;

  • sariq;

  • pushti.

O‘zbekiston bo‘ylab eltib berish bir necha kun ichida amalga oshiriladi. Toshkentda esa buyurtma kunining o‘zida ham yetkazilishi mumkin.

2023-yilda qaysi smartfonni sotib olish kerak

2023-yilning eng zo'r o'yin telefonlari

2023 yilda qaysi iPhone sotib olish kerak

2023 yilning eng yaxshi Samsung smartfonlari

Qo`llab-quvvatlash xizmati
Chat turini tanlang!