Diktofon: qachon kerak va qanday tanlanadi

Turli vaziyatlarda diktofon kerak bo‘lib qoladi, bu – nutqni yozib olish va keyinchalik uni tinglash imkonini beruvchi kichkina qurilmadir. Bu devaysni jurnalistlar, blogerlar, talabalar ishlatishadi. Agar uzoq nutqni tinglash va uning har bir detalini eslab qolish kerak bo‘lsa, diktofonsiz qiyin. Aslida-ku, diktofon funksiyasi hozir hatto arzon telefonlarda ham bor. Ammo smartfon busiz ham turli dasturlar bilan liq to‘la. Nutqni yozib olish jarayonidan uni chalg‘ituvchi omillar ham ko‘p. Masalan, kiruvchi qo‘ng‘iroq yoki xabar haqidagi bildirishnoma jarayonni bo‘lib qo‘yishi mumkin. Agar tez-tez birovlarning so‘zlarini yozib olishingizga to‘g‘ri keladigan bo‘lsa, buning uchun alohida qurilma olganingiz ma’qul.

Qonunchilikka ko‘ra, har bir inson yashirin yozib olish moslamasidan bemalol foydalanishi mumkin. Ammo audiomateriallarni ishtirokchilar ruxsatisiz tarqatish taqiqlangan.

Diktofonlarning afzalliklari

Bu apparatlar bir qator ijobiy jihatlarga ega:

  • Mobillik – ixcham bu devayslar kichik o‘lchamlari bilan ajralib turadi. Aksariyat modellar smartfondan kichkina. Bozorda hatto har qanday cho‘ntakka sig‘uvchi – ruchka-diktofonlar ham bor.

  • Funksionallik – bu texnikaga ko‘plab opsiyalar tatbiq etilgan. Shovqin to‘sgichli, ovoz fokusirovkasiga ega, to‘xtalishlarni olib tashlovchi, stereotovushli va hokazo modellar mavjud. Aksariyati MP3 hamda flac formatlarini qo‘llab-quvvatlaydi. Ular USB portiga ega, shuning evaziga ularni noutbukka yoki kompyuterga ulash oson.

  • Ta’sir radius kattaligi – apparatlarda ovoz yozish masofasi 15-20 metrni tashkil etadi. Bunda tovushning yuksak sifatli bo‘lishi ham ta’minlanadi. Unda har bir so‘zni farqlay olasiz.

  • Hamyonboplik – diktofon shu funksiyaga ega bo‘lgan smartfondan arzon turadi. Arzon modellari professional musiqani eplay olmaydi. Ammo asosiy imkoniyatlar to‘plamini qo‘llab-quvvatlaydi.

Diktofon qachon kerak bo‘ladi

Bu qurilma – quyidagi kasblar vakillari uchun zaruriy atributdir:

  • jurnalistlar;

  • blogerlar;

  • xususiy detektivlar;

  • yozuvchilar.

Bundan tashqari, ovozni yozib olish vositasi talabalar va o‘qituvchilarga ham asqatadi. Uni leksiyalarni yozib olish uchun qo‘llashadi. Bu qurilma hamkorlar bilan muzokaralarning barcha tafsilotlarini yozib olishi kerak bo‘ladigan tadbirkorning maxfiy quroli vazifasini o‘tashi mumkin. Ijod ahli – yozuvchi va shoirlarga ham bunday yordamchisiz ishlash qiyin. Mazkur gadjetlar ularni ilhomlantiruvchi dohiyona g‘oyalarni yozib qo‘yishda qo‘l keladi.

 

Diktofon ishlatishning boshqa, unchalik ko‘zga tashlanmaydigan usullari:

  • Nutqni yaxshilash – o‘z nutqingizni yozib olib tinglash yordamida siz parazit-so‘zlardan, ortiqcha to‘xtalishlardan, juda past yoki baland ovozda gapirishdan qutulishingiz mumkin.

  • Chaqaloqning ilk so‘zlari – siz bolangizning eng kulgili birinchi gaplarini yozib olib saqlab qo‘yishingiz mumkin. Bundan tashqari, diktofon bola nutqining rivojlanish jarayonini kuzatib borish imkonini beradi. Zarurat bo‘lsa, bu audiomateriallar logoped uchun qimmatli ma’lumot manbai bo‘la oladi.

  • Shifokor bilan muloqot – qabul davomida ko‘plab foydali maslahatlar beriladi. Ularni esdan chiqarib qo‘ymaslik uchun ovozni yozib olgan ma’qul. 

Diktofon qanday tanlanadi

Bunday devays xaridida quyidagi xususiyatlarini inobatga olish kerak:

  • Qurilma turi – 2000-yillargacha jurnalistlar professional kassetali diktofon ishlatishar edi. Hozirda esa Wi-Fi’ni qo‘llovchi raqamli diktofonlar chiqarilmoqda. Ular keng funksiyalar to‘plamiga ega va ancha uzoq masofadan ham ovoz yozib olishga qodir.

  • Yozuv hajmi – qurilma xotirasiga qancha ma’lumot sig‘ishi. Saqlagichlarning ikki turi mavjud – ichki va tashqi. Qurilmaning ichki yoki o‘ziga o‘rnatilgan xotirasi 16 gigabaytgacha bo‘lishi mumkin. Ammo xotira hajmi kichkina modellar ko‘proq uchraydi. Katta hajmdagi xotiraga ega diktofonlar audiomateriallarni uzoq vaqt saqlash uchun kerak. Ayrim apparatlar tashqi flesh-kartani qo‘llab-quvvatlaydi.

  • Ovoz yozishining maksimal vaqti – diktofon past sifat bilan ikki ming soatgacha ovoz yozib olishi mumkin. Agar sifatli stereo ovoz yoziladigan bo‘lsa, bu ko‘rsatkich o‘n karra pasayadi. Oddiy modellarda yuqori sifatda yozib olish imkoni yo‘q.

  • Ishlash davomiyligi – akkumulyator sig‘imiga bog‘liq. U bir necha soatgacha yetishi mumkin.

  • Mikrofon – yozib olinadigan materialning sifati shu element turiga va joylashuviga bog‘liq. Mini-qurilmalar o‘ziga o‘rnatilgan mikrofonga ega. Ammo ularda ovoz hamisha ham tiniq chiqmaydi. Elektronika mahsulotlari ishlab chiqaruvchilar tashqi mikrofonli modifikatsiyalarni ham taklif etishadi, ularni ovoz manbasiga qaratish mumkin. Bunday diktofonni cho‘ntakda qo‘yib ham ovoz yozib olsa bo‘ladi.

Qo‘shimcha funksiyalari va brendlar

Diktofon narxi ko‘pincha uning jihozlanuvi va qo‘shimcha funksiyalariga bog‘liq bo‘ladi. Quyidagi kabi modellar taqdim etilgan:

  • ovozli buyruq bilan ishga tushuvchi;

  • tovush datchikli;

  • chiqariluvchi mikrofonli;

  • SIM-kartali;

  • jimlikni o‘tkazib yuboruvchi;

  • avtomatik o‘chuvchi;

  • masofadan boshqariluvchi;

  • analog portli;

  • videokamerali;

  • MP3-pleerli.

 

Asaxiy onlayn do‘konidan siz quyidagi brendlar ishlab chiqargan, ichki va ilmoqli mikrofonga ega diktofonlarni olishingiz mumkin:

  • Olympus;

  • Sony;

  • Savetek;

  • GSM.

 

O‘zbekistonda eltib berish bir necha kun mobaynida amalga oshiriladi. Toshkentda esa buyurtma kunining o‘zidayoq yetkazish imkoni mavjud

Qo`llab-quvvatlash xizmati
Chat turini tanlang!