Biz haqimizda

Agar siz katta biznes faqat katta sarmoya bilan boshlanadi deb o'ylasangiz, siz adashasiz. Buning yorqin namunasi Asaxiy.uz. Qanday summa bilan biz do'konimizni ochganimizni taxmin qiling.

Qanday raqamlar hozir xayolingizda paydo bo'lmasin, 99% ehtimol bilan ular noto'g'ri. To'g'ri javob esa – 400$. Endi esa hammasi haqida batafsil.

Asaxiy boshlanishi

Asaxiy.uz O'zbekistonda maishiy texnika va elektronika savdosi sohasida elektron savdo pionerlaridan biri hisoblanadi. Do'kon yaratish g'oyasi ilk bor 2014-yilda Firuz Allayevga Yevropada ta'lim olayotgan paytda kelgan. O'sha paytda chet el mamlakatlarida onlayn-do'konlar oddiy holat edi, biroq bizning mamlakatimizda bu bozor deyarli bo'sh edi.

Firuz o'z g'oyasi bilan do'sti – kompaniyaning kelajakdagi hammuassisi Eldor G'afurov bilan o'rtoqlashgan. O'shanda assortimentni maishiy texnika bilan to'ldirish qarori qabul qilingan edi. Mijozlarning qulayligi uchun kompaniya tovarlarni xaridor ko'rsatgan manzilgacha yetkazib berish amaliyotini yo'lga qo'ydi. Dastlab Toshkent bo'ylab, keyinchalik butun mamlakat, shu jumladan olis hududlarga ham yetkazib berish imkoniyati yaratildi.

Pandemiyaga qaramay, kompaniya vaqt o'tishi bilan rivojlandi va sifatli xizmat, keng assortiment va arzon narxlar tufayli xaridorlar ishonchini qozondi.

Asaxiy.uz bugungi kunda

Bugungi kunda barcha yo‘nalishlarda sifatni oshirish ustida ish faqat davom etibgina qolmay, balki avvalgidan ham ko‘proq intensiv olib borilmoqda. Aynan shunday yondashuv internet-do‘konga o‘zining bozordagi pozitsiyalarini saqlab qolishga imkon berdi. Aksariyat raqobatchilar pandemiya davrida mijozlar tanlovi yo‘qligidan foydalanib, mijozlarning ehtiyojlarini qondirish uchun kuch sarflamadi, aksincha, cheklangan assortiment va ko‘pincha yuqori narxlarni taklif qildi.

Shu vaqtning o‘zida Asaxiy.uz data-analitika tizimini joriy qildi, bu esa mijozlarni yaxshiroq tushunishga yordam berdi. Shuning uchun bugungi kunda kompaniya nafaqat eng qadimgi, balki O‘zbekistondagi eng mijozlarga yo‘naltirilgan internet-do‘konlardan biri hisoblanadi.

Hozirgi vaqtda Asaxiy mijozlarga quyidagilarni taklif qilmoqda:
– qulay muddatli to‘lov imkoniyatlari;
– xaridlar uchun bonuslar;
– sifatli sotuvdan keyingi xizmat;
– bayramlarda sovg‘alar va chegirmalar.

Bugungi kunda Asaxiy.uz kompaniyasining mijozlari bir milliondan ortiq kishini tashkil qiladi. Ko‘pchilik uchun aynan shu onlayn-do‘kon internet orqali birinchi marta xarid qilish imkoniyatini yaratdi. Bu shuni anglatadiki, do‘kon bir milliondan ortiq kishining hayotini osonlashtirdi va ko‘plari uchun qulay yashash sharoitlari yaratdi.

Vaqt o‘tishi bilan nafaqat sayt assortimentidagi mahsulotlar kengaytirildi. Bugungi kunda bu yerda nafaqat maishiy texnika va gadjetlar, balki turli xil xo‘jalik tovarlarini ham sotib olish mumkin. Shu bilan birga, kompaniya qamrab olgan soha ham kengaydi va asta-sekin Asaxiy Books, Asaxiy Kitchen hamda Asaxiy Mebel kabi bo‘limlardan iborat bo‘lgan yirik konsentrlardan biriga aylandi. Asaxiy nafaqat onlayn-do‘kon, balki tashrif buyurishga qulay bo‘lgan offlayn nuqtalar hamdir.

Asaxiy.uz internet-do‘konida shuningdek, «Asaxiy Woman» va «Asaxiy Murobaha» nomli loyihalar ham mavjud.
Asaxiy Woman – bu 2021-yilda ishga tushirilgan loyiha bo‘lib, idish-tovoq, kosmetika va ayollar kundalik hayotda foydalanadigan boshqa mahsulotlarni sotadi. Loyiha hali ham muvaffaqiyatli faoliyat yuritmoqda.

Asaxiy Murobaha – o‘sha yili ishga tushirilgan yana bir loyiha bo‘lib, xaridorlarga Asaxiy.uz saytida tovarlarni bo‘lib-bo‘lib to‘lash imkoniyatini beradi.

Har yili kompaniya yuz minglab mijozlarga xizmat ko‘rsatadi. Bundan tashqari, u mamlakatimizda o‘z faoliyati uchun bir necha bor Hukumat tomonidan taqdirlangan. Mukofotlar orasida «Tahsin» mukofoti, yozuvchi Javlon Jovliyevga berilgan «Kelajak bunyodkori» medali, loyihaning asoschilariga topshirilgan «Mustaqillikning 30 yilligi» nishoni va «Shuhrat» medali bor.

Shuni aytish mumkinki, Asaxiy biznes modeli Amazon va Ozon modellariga o‘xshaydi.

Asaxiy Books

Asaxiy Books doirasida kitoblar o'zbek tiliga tarjima qilinib, nashr etiladi va sotiladi. Bundan tashqari, elektron va audiokitoblar ham sotuvda mavjud. Ushbu sohada Asaxiy o'ziga xos kashshofdir. Bugungi kunda klassik asarlar bilan birga zamonaviy bestsellerlar ham muvaffaqiyatli tarjima qilingan.

Asaxiy missiyasi

Asaxiy.uz asoschilarining asosiy maqsadi O'zbekiston uchun o'ziga xos innovatsion loyiha yaratish edi. Shuningdek, loyiha aholining xizmat ko'rsatish, yetkazib berish va narx siyosatiga bo'lgan qarashlarini o'zgartirishga qaratilgan edi. Bugungi kunda, bu maqsadlar 100% amalga oshgani haqida bemalol aytish mumkin.

Asaxiy – kelajak sari qarash

Hozirda kompaniya asoschilari va xodimlari birgalikda O‘zbekistonning eng olis hududida yashovchi odam ham o‘zbek tilidagi mashhur kitoblar va istalgan tovarlarni 1-5 kun ichida yetkazib berish imkoniyatiga ega bo‘lishi uchun ish olib bormoqda. Shu maqsadda butun mamlakat bo‘ylab muntazam ravishda yangi filiallar va buyurtma berish punktlari ochilib, buyurtmalar bepul yetkazib berilmoqda.

Asaxiy yakunlari

Xulosa o‘rnida aytmoqchimizki, har bir inson bizning mamlakatimizda katta mablag‘, aloqalar yoki investorlarni jalb qilish imkoniyatisiz ham muvaffaqiyatlarga erishishi mumkin.

Orzu qiling, o‘ylang, amalga oshiring! Sizda albatta hammasi yaxshi bo‘ladi.

"Asaxiy Books" MChJ
Ro'yxatga olish raqami: 646439
INN: 305829008
Direktor: Allayev Firuz Abdunasimovich