TOP
  • Mijoz tanlovi

  • Yuqori reyting va yaxshi sharhlar

TCL 65P745 LED 4K Smart TV televizori
TCL 65P745 LED 4K Smart TV televizori
TCL 65P745 LED 4K Smart TV televizori
0 ta sharh
8 169 000 so'm
993 900 so'm x 12 oy

Televizorlar – fantastika ostonasidagi texnologiyalar

Zamonaviy televizor allaqachon telekanallarni translyatsiya qilish doirasidan tashqariga chiqqan. Bizning davrimizda u haqiqiy multimedia markaziga aylangan. TV-panel ham endi operatsion tizimga ega va internetga kira oladi, natijada uning funksionali kompyuter imkoniyatlariga yaqinlashgan. Endi katta displeyda YouTube roliklarini ko‘rish, ijtimoiy tarmoqlardagi tasmangizni varaqlash, videoqo‘ng‘iroq orqali muloqot qilish va hatto o‘yinlar o‘ynash mumkin. Bunday imkoniyatlarni yigirma yillar avval – plazmali yassi televizorlar endigina bozorga chiqqan paytlarda tasavvur qilish ham qiyin edi. Bugun esa ular yengillashgan ham, tag‘in shu yupqa korpusida aql bovar qilmas texnologiyalarni jamlagan.

Televizorlarning afzalliklari

Televideniye XX asr o‘rtalariga kelib faol tarzda ommalasha boshlagan. Ammo o‘shanda texnologiyalarning bunchalik yuksalishini tasavvur qilish ham imkonsiz bo‘lgan. U yillari televizion dasturlar translyatsiyasini o‘lchami katta, lampali qurilmalar amalga oshirgan. Dastlab tasvirlar oq-qora bo‘lgan, keyinroq esa rangli televideniye yaratilgan. Hozirgi suyuq kristalli TV-panellar quyidagi singari ustunliklari bilan maqtana oladi:

  • Ranglarning o‘ta aniq berilishi – ekranda hattoki eng mayda detalni ham batafsil ko‘rsa bo‘ladi. Displeylar barcha ranglar spektrini bera oladi, natijada surat maksimal darajada jonli chiqadi.

  • Hajmli tovush – audio jo‘rligisiz ekrandagi voqealarga to‘liq sho‘ng‘ish imkonsiz. Elektronika ishlab chiqaruvchilari yupqa korpus ichiga baquvvat dinamiklar qo‘yishni uddalashmoqda, ular ovozlarni bor bo‘yicha bera olaji.

  • Ko‘pfunksionallik va texnologik yetuklik – televizorlarga bir qator ilg‘or funksiyalar tatbiq etilgan. Ular dasturiy ta’minotga ega bo‘ldi, shuning evaziga veb-serfing hamda videokontentni onlayn ko‘rish imkoniyatlari mavjud. Endi tomoshabin televizion uzatishlar vaqtiga bog‘lanib qolmagan. Sevimli filmni yoki serialning navbatdagi qismini o‘ziga qulay paytda ko‘ra oladi.

  • Oddiy boshqaruv – bunga masofadan boshqaruv pulti mas’ul. Uning funksionalini istalgan kishi tezda o‘rganib oladi.

  • Ixchamlik – TV-panel yengilligi bilan ajralib turadi. Uning o‘lchami ekranning diagonalidan kelib chiqadi. Har qanday holatda ham plazmali televizor lampalisidan ancha yengil.

Ekran diagonali – tanlovning bosh mezoni

Ko‘pchilik “eng katta ekranli televizor olishni eng yaxshi yechim”, deb o‘ylaydi. Ammo shunday qilganlar oxir-oqibatda tasvirni noto‘g‘ri qabul qilish holatiga va ko‘rish borasida muammolarga duch kelishadi. Shuning uchun aynan sizning xonangizga qanday diagonalli displey kerakligini yaxshilab o‘ylab ko‘ring. Bu ko‘rsatkichni televizorni qayerga o‘rnatishingizdan kelib chiqib tanlash kerak:

  • 24 dyuymlik – eng ixcham variant, u maydoni kichkinaroq ovqatlanish xonasiga a’lo darajada mos keladi. Agar namdan himoyalangan bo‘lsa, shunaqa o‘lchamli televizorni yuvinish xonasiga ham o‘rnatsa bo‘ladi. Diagonali 32 dyuymgacha bo‘lgan modellarning korpus o‘lchami ixchamligi bilan ajralib turadi. Ular maydoni kichkina bo‘lgan xonalarga juda mos. Birok kichkina o‘lcham barcha texnologik potensialni joriy etish imkonini bermaydi. Bunday televizorlar analogli yoki kabelli televideniyeni tomosha qilishga mo‘ljallangan.

  • 32 dyuymlik – bunday modelni yotoq xonasi uchun olishadi, agar tomoshabingacha 1,3-2 metrlik masofa qolishi ta’minlanadigan bo‘lsa. Ko‘pincha diagonali 40 dyuymlikkacha bo‘lgan TV-panellarni monitor sifatida o‘yin pristavkasiga ulashadi. Kerakli interfeyslari mavjud bo‘lsa, ular kompyuterga ham tushadi.

  • 42 dyuymlik – uy uchun eng talabgir panel o‘lchami. U mehmonlarga mo‘ljallangan xonaga ajoyib tarzda mos keladi. Bunday televizor xarid qilayotib, tomoshabin bilan orada 2-3 metrlik joy bo‘lishini ta’minlash lozim. Diagonali 50 dyuymgacha bo‘lgan televizorni istalgan xonaga o‘rnatish va ko‘zga ziyon yetkazmasdan, tasvir sifatini yo‘qotmasdan tomosha qilish mumkin. Bunda katta o‘lcham televizorning boy funksionalidan to‘liq foydalanish imkonini beradi.

  • 55 dyuymlik – bunday yirik televizorni katta zallar uchun olishadi, chunki tomoshabin va ekran oralig‘i 2-5 metr bo‘lishi lozim.

Ishlab chiqaruvchilar diagonali yanada katta televizorlar taklif etishadi:

  • 65 dyuymlik;

  • 75 dyuymlik;

  • 85 dyuymlik.

Matritsa

Videoqatorlar sifati ayni shu xarakteristikaga bog‘liq. Matritsa – bu ekranning asosi. Hozirda bu borada quyidagi texnologiyalar dolzarb:

  • LED – bunday matritsa yorug‘lik-diodli yoritiluvchi yarimo‘tkazgich kristallardan tashkil topgan. Unda uchta tayanch rang qo‘llanadi – qizil, ko‘k va yashil. Ularning turli miqdordagi aralashmalari boy rang palitrasini ta’minlaydi. LED-ekranlarning asosiy afzalligi – ixcham o‘lchami va munosib narxidir.

  • OLED – ilg‘or texnologiya, uning asosida organik yorug‘lik-diodlar yotadi. Ular o‘zlari nur chiqaradi va qo‘shimcha yoritishni talab qilmaydi. OLED-ekranlar keng ko‘rish burchaklariga hamda hayratlanarli kontrastlikka ega, bu esa tasvirni chiroyli va jonli chiqaradi. Bunda videoning chaplanishi minimum darajagacha tushirilgan, natijada istalgan formatda filmlarning tomoshasidan zavq olish mumkin.

  • QLED – Samsung kompaniyasining o‘z texnologiyasi. Bunday ekranlar kvant nuqtalari asosida ishlaydi. Mazkur matritsa boshqa tur televizorlarga nisbatan 30% kamroq elektr energiyasi talab qiladi. QLED ranglarning istalgan tusini aniq berishi, a’lo darajadagi kontrastligi hamda videoqatorlar buzilishining minimal darajada ekani bilan maqtana oladi.

Ekran aniqligi

Bu – uzatiluvchi tasvir sifatiga kuchli ta’sir qiluvchi yana bir xarakteristikadir. Hozirda televizorlarda quyidagi formatlar joriy etilgan:

  • HD – hamyonbop variant, ixcham TV-panellarda qo‘llanadi. Bunday aniqlikdagi katta displey esa videoni sifatsizroq uzatadi. HD formatli qurilmalar analogli televideniyeni hamda eskirgan DVD kontentini tomosha qilishga mos keladi.

  • Full HD – zamonaviy displeylardagi eng ommalashgan format. U o‘rtacha o‘lchamdagi panellarga a’lo tarzda mos keladi. Bunda ranglarning aniq uzatilishi, yorqinlik va kontrastlik ta’minlanadi. Katta miqdordagi videokontentlar Full HD aniqligida suratga olinadi: dasturlar, filmlar, seriallar.

  • Ultra HD – 4K, nisbatan yangi texnologiya, u video uzatishning boshqa standartlarini siqib chiqarishga qodir. Bu aniqlik asosan katta ekranli televizorlarda qo‘llanadi. Agar kontent 4K formatida suratga olingan bo‘lsa, bunday televizorlar tasvirni butun realligi bilan uzata oladi. Bunday format nafaqat TV, balki PlayStation uchun ham ajoyib tanlov bo‘ladi.

  • 8K – eng yangi standart, hozircha keng tarqalmagan. U video sifati bo‘yicha boshqa formatlardan ancha ustun, ammo foydalanuvchilar bunday formatdagi kontent yetishmasligiga duch kelishlari mumkin. Chunki kontent-meykerlarning aksariyati videolarni Full HD formatida tayyorlashmoqda.

Smart TV haqida nimalarni bilish kerak

Aynan shu funksiya televizorning internetga kirishini ta’minlaydi. Smart TV funksiyasiz panellar yil sayin urfdan qolib bormoqda, chunki ularda faqat efirdagi televideniyeni tomosha qilish mumkin. Smart TV esa ko‘plab miqdorda turli imkoniyatlarni taqdim etadi. Internetga kiruvchi televizor bilan siz saytlar kontentini ko‘rishingiz, kamerasi bo‘lsa videoqo‘ng‘iroq qilishingiz, virtual yoki ulanuvchi klaviatura yordamida ijtimoiy tarmoqlarda yozishmalar olib borishingiz mumkin. Lekin asosiysi – siz teleuzatuv dasturiga bog‘lanib qolmasdan, ko‘rsatuv va filmlarni istalgan paytda onlayn tomosha qila olasiz.

Smart TV funksiyali televizor tanlashda uning operatsion tizimiga e’tibor berish kerak. Qurilmalar quyidagi platformalarda ishlaydi:

  • Android – smartfon egalari bu soft bilan yaxshi tanish. Tizimning ochiqligi dasturiy ta’minotni istalgan gadjetga, shu jumladan televizion texnikaga ham o‘rnatish imkonini beradi. Android tizimidagi apparatlarning asosiy ustunligi – sodda interfeys va Google Play ilovalar do‘koniga kira olishidir.

  • Tizen OS – bu tizimda Samsung qurilmalari ishlaydi. U texnologik yuksakligi va boshqaruvning kengaytirilgan imkoniyatlari bilan ajralib turadi. Zarurat tug‘ilsa, ekranni bir nechta qismlarga ajratish mumkin. Bunda televizor orqali bir vaqtning o‘zida kino ko‘rishingiz va messenjerda muloqot qilishingiz mumkin.

  • WebOS – mazkur platformada LG qurilmalari ishlaydi. U foydalanuvchi interfeysining soddaligi bilan ajralib turadi. Dasturlar belgichalari pastda joylashgan, ularni tartiblash va orasidan izlash oson.

Televizorlarning boshqa o‘ziga xosliklari

Mazkur qurilmalar o‘rnatish usuliga ko‘ra ham farqlanadi. Ular devorga yoki tumbaga mahkamlanadi. Texnikaning narxi esa qo‘shimcha funksiyalariga ham bog‘liq. Asaxiy internet-do‘konida quyidagi imkoniyatlarga ega televizorlar taqdim etilgan:

  • 3D;

  • Bluetooth;

  • Wi-Fi;

  • ovoz yordamida boshqaruv;

  • USB;

  • kolonka;

  • Dolby Vision;

  • yoritilish;

  • HDR;

  • ovoz yordamida qidiruv.

Bunda brend muhim ahamiyatga ega. Asaxiy do‘konidan quyidagi kabi mashhur markalar televizorlarini olishingiz mumkin:

  • Artel;

  • LG:

  • Samsung;

  • Sony;

  • Panasonic.

Asaxiy orqali xaridda to‘lovning har xil usullari amal qiladi – onlayn, naqd pulda, naqd pulsiz, bank kartasi orqali. O‘zbekiston bo‘ylab eltib berish bir necha kun ichida amalga oshiriladi. Toshkentda esa buyurtma kunining o‘zidayoq yetkazilishi mumkin.

Qo`llab-quvvatlash xizmati
Chat turini tanlang!