Wi-Fi kuchaytirgichlari

Wi-Fi kuchaytirgichlari: turlari, asosiy xususiyatlari

Repiterlar yoki Wi-Fi kuchaytirgichlari internetga simsiz ulanish nuqtasini kengaytirishga mo‘ljallangan. Ular asosiy routerning quvvati yetarli bo‘lmagan holatlarda qo‘llanadi. Ba’zan yuklamalarga routerning kuchi yetmay qoladi, ayniqsa katta ofis binosi yoki jamoat tashkiloti hududiga simsiz internet tarqatish kerak bo‘lsa. Bundan tashqari, internet-ulanish muammolari ko‘p qavatli uylarda ham uchrab turadi, signal ko‘p sonli burchaklar va to‘siqlarni aylanib o‘tishi kerak bo‘ladi. Signalga xalaqit beruvchi boshqa sabablar:

• routerning quvvati pastligi;

• joy maydoni kattaligi;

• ulangan gadjetlar ko‘pligi;

• temir-beton to‘siqlar.

Simsiz internet qamrovi maydonini kengaytirish uchun qo‘shimcha marshrutizator o‘rnatsa ham bo‘ladi. Biroq muammoning bunaqa yechimi ko‘proq xarajat talab qiladi, shuning uchun Wi-Fi signali retranslyatori olgan yaxshiroq.

Wi-Fi kuchaytirgichining afzalliklari

Mazkur qo‘shimcha jihoz quyidagi ustunliklarga ega:

• Samaradorlik – qudratli retranslyator signal radiusini 5 kilometrgacha kengaytira oladi. Siz simsiz internetni tarqatish uchun ikkinchi marshrutizator xarid qilishingiz yoki qo‘shimcha tarzda simsiz signal tarqatish nuqtasini ulashingiz shart bo‘lmaydi.

• Sozlash soddaligi – repiterni o‘rnatish har qanday yuzerning qo‘lidan keladi.

• Funksionallik – texnika simsiz ma’lumot almashishdan boshqa ishlarni ham bajaradi. Ayrim modellarda kompyuterlarni kabellar yordamida ulash uchun LAN-portlar ham ko‘zda tutilgan.

• Universallik – retranslyator uyda va ko‘chada tarmoq yaratishga juda qulay. Unga istalgan gadjetni ulash mumkin. Bunday uskuna noutbuk, planshet, smartfon, televizor, o‘yin pristavkasiga birdek tushadi. Odatda muvofiqlik borasida muammo kelib chiqmaydi.

• Ixchamlik – bu devays ham standart router kabi o‘lchamga ega. Ba’zi modellari hatto ulardan ham ixchamroq. Qurilma uyda ko‘p joy egallamaydi. Uning ishlashi uchun rozetka bo‘lsa kifoya.

• To‘g‘ri narx – signal kuchaytirgich qimmat turmaydi. Har qanday holatda ham, u qo‘shimcha tarmoq tashkil etishdan arzonga tushadi.

Wi-Fi kuchaytirgichlarining vazifalari va turlari

Aslida, retranslyator signalni nusxalab, uzoqroqqa uzatuvchi peredatchik hisoblanadi. Bu moslama internet tezligini oshirmaydi, shunchaki uni uzatib beradi. Devays mavjud tarmoqni kengaytirish uchun ham, alohida kirish nuqtasi yaratish uchun ham mos keladi. Bulardan ikkinchisida boshqa login va parol sozlash kerak bo‘ladi. Ammo bu hamisha ham qulay emas, chunki ayrim hollarda Wi-Fi’ni qo‘lda o‘chirib-yoqishga to‘g‘ri keladi.

Repiterlar ikkita katta guruhga bo‘linadi:

• Faol – eng keng tarqalgan modellar. Ular signalni ushlab olib, uzoqroq masofaga tarqatadi, bu bilan qamrov maydonini kengaytiradi.

• Nofaol – uncha ommalashmagan variantlar, ularni buster deb ham atashadi. Bunday qurilmalar maxsus kabel yordamida bevosita routerga ulanadi.

Repiter qanday tanlanadi

• Bu jihoz xaridida quyidagi parametrlarini hisobga olish kerak:

• Quvvati – joy maydonidan kelib chiqib tanlanadi. Bino qanchalik katta bo‘lsa, internet signalini kuchaytirgich ham shuncha baquvvat bo‘lishi lozim.

• Qo‘llanuvchi tarmoq standarti – apparatlar ko‘pincha 802.11n standartida ishlaydi. Ayrim modellar undan uch karra yuqori bo‘lgan 802.11ac standartini qo‘llab-quvvatlaydi. Biroq texnika xaridi jarayonida faqat repiter ishlaydigan standartga qarash yaramaydi. Dastlab marshrutizator xususiyatlariga ham nazar solish va har ikkala qurilma bir xil aloqa parametrlariga ega ekaniga ishonch hosil qilish kerak.

• Chastotalar diapazoni – tarmoq uskunasi 2.4 yoki 5 gigagerslik chastotada ishlaydi. Shuningdek, ikki diapazonli qurilmalar ham bor, ularda chastotani almashtirish funksiyasi ko‘zda tutilgan. Yaxshisi – aynan shunaqa modelidan olgan ma’qul, chunki marshrutizator faqat bitta diapazonni qo‘llab-quvvatlaydigan bo‘lishi mumkin.

• Ma’lumot uzatish tezligi – bu jihati routerning xuddi shu ko‘rsatkichiga qarab tanlanadi. Marshrutizator tezligidan yuqori tezlikda ishlovchi retranslyator olishdan ma’no yo‘q.

Retranslyatorlarning funksional o‘ziga xosliklari

Peredatchiklar albatta antennali bo‘ladi. Ular tashqi yoki ichki bo‘lishi mumkin. Tashqi antennali variantlar quvvatliroq. Yashirin (ichki) antennali modellar esa lo‘nda dizayni va ixchamligi bilan ajralib turadi, ammo signalni unchalik kuchli uzata olmaydi.

Repiter tanlashda devaysning funksionalini yaxshilovchi va qo‘llashni qulaylashtiruvchi qo‘shimcha xususiyatlariga e’tibor qaratish kerak. Quyidagicha qurilmalar mavjud:

• LAN-portli – kabel orqali kompyuterlar va noutbuklarni ulashga mo‘ljallangan;

• SIM-kartali – mobil internetga kirish imkonini beradi;

• indikatsiyali – qurilmaning ish qobiliyatini hamda funksiyalarini kuzatib borish imkonini beradi.

Brendlar

Elektronika jihozi xaridida ishlab chiqaruvchi asosiy rol o‘ynaydi. Tarkibiy qismlarning va terilishining sifati unga bog‘liq. Asaxiy internet-do‘konidan siz quyidagi kabi dunyoga mashhur brendlarning Wi-Fi kuchaytirgichlarini xarid qilishingiz mumkin:

• TP-Link;

• Xiaomi;

• Tenda.

Do‘kon katalogi muntazam yangilab va yangi-yangi tovarlar bilan to‘ldirib borilmoqda. Binobarin, kelajakda boshqa markalarning mahsulotlari ham assortimentda bo‘ladi.

Retranslyator ham interyerning bir qismi bo‘ladi, shuning uchun uning dizayniga ham e’tibor qaratish kerak. Mazkur moslama har xil shakl va konfiguratsiyalarda taqdim etilgan. Shuningdek, ular korpus rangiga ko‘ra ham farqlanadi – u oq, qora, ko‘k va hokazo tuslarda bo‘lishi mumkin.

Bunday xilma-xillik xonaning interyeriga mos tushuvchi variant tanlashda qo‘l keladi.

O‘zbekiston bo‘ylab eltib berish bir necha kun mobaynida amalga oshiriladi. Toshkentda esa bir sutkadayoq yetkazish imkoni mavjud. Eltib berish haqida batafsil ma’lumotni saytning tegishli bo‘limidan olishingiz mumkin.