Wi-Fi adapterlari: turlari, tanlash mezonlari

Wi-Fi tarmoq adapteri – kompyuter tizim platasi elementi bo‘lib, simsiz signalni qabul qilishga mo‘ljallangan. U ma’lumotlar to‘plamlarini shisha tolali marshrutizatordan va SIM-kartali routerdan qabul qiladi. Agar kompyuterning o‘zida simsiz internetga ulanish funksiyasi ko‘zda tutilmagan bo‘lsa, mazkur peredatchikdan xarid qilishadi. Bundan tashqari, uni apgreyd maqsadida, ya’ni kompyuterni takomillashtirish uchun ham o‘rnatishadi. Eskirgan standart yuqori tezlikdagi internetni qo‘llab-quvvatlamasligi mumkin, shu detalni almashtirish bilan muammo hal bo‘ladi. Noutbuklar, planshetlar va smartfonlarga yangi modul o‘rnatish kamdan-kam hollarda talab etiladi. Odatda ularning o‘z detallari yuqori tezlikda trafik qabul qilishga qodir. Lekin bu muammo faqat kompyuterlargagina xos emas. Mazkur peredatchik o‘yin pristavkalariga va televizorlarga ham o‘rnatiladi.

Wi-Fi adapterining afzalliklari

Ushbu moslama quyidagi ustunliklarga ega:

  • Simsiz internetga ulanish imkoni – agar kompyuteringiz mazkur funksiyaga ega bo‘lmasa, muammoni shu element hal qiladi. Ayniqsa, eski tizim bloklari uchun bu juda dolzarb. Bizning davrimizda bu juda muhim, chunki barcha kvartiralarda marshrutizatorlar mavjud. To‘g‘ridan-to‘g‘ri simli internetdan foydalanuvchilar kam.

  • Kompyuterni apgreyd qilish – texnologiyalar bir joyda to‘xtab qolmagan, ular jadal rivojlanmoqda. Internet yil sayin tezlashayotir. Eski kompyuterlar yangi aloqa standartlarini qo‘llab-quvvatlamasligi mumkin. Wi-Fi adapteri xarid qilish vaziyatni o‘nglaydi.

  • Keng tanlov – istalgan tur qurilma uchun Wi-Fi priyomniklarining ko‘plab modellari taklif etilmoqda: kompyuterlar, leptoplar, mobil gadjetlar, televizorlar, pristavkalar va hokazo. Siz talab etiluvchi tezlikdan va adapter ulanadigan texnika turidan kelib chiqib tanlashingiz mumkin.

  • Universallik – Wi-Fi adapterlarini kompyuter yoki leptop modeliga ko‘ra tanlash shart emas. Ularni istalgan qurilmaga ulash mumkin. Asosiy talab – mos slotning mavjudligi.

  • Sozlash soddaligi – modulni ishga tushirish uchun dasturni va drayverni o‘rnatish lozim. Bu ko‘p vaqt olmaydi, sozlashni esa istalgan bir o‘rta darajadagi kompyuter foydalanuvchisi uddalay oladi.

  • Nisbatan hamyonbop narx – siz uncha katta bo‘lmagan xarajat evaziga apgreyd qilishingiz mumkin.

Wi-Fi adapterlarining turlari

Mohiyatiga ko‘ra, bu modul ham aynan router funksiyalarini bajaradi. U signalni qabul qilib, qurilmaga uzatadi. Ammo, marshrutizatordan farqli ravishda, bu element avtonom ishlay olmaydi. U faqat Wi-Fi texnologiyasini qo‘llab-quvvatlaydigan qurilma bilan birgalikdagina ishlay oladi.

Kompyuterlar uchun aksessuarlar ishlab chiqaruvchilar Wi-Fi adapterlarining har xil turlarini taqdim etishadi:

  • USB – fleshkaga o‘xshash tashqi universal modellar. Ular kompyuterlarga ham, noutbuklarga ham tushaveradi. USB-modellar antennali ham bo‘lishi mumkin. Bunday variantlarning asosiy ustunligi – o‘rnatish osonligidir. Priyomnikni qurilmadagi USB-portga tiqish kifoya. Zarurat tug‘ilsa uni shunchaki sug‘urib o‘chirish mumkin.

  • PCI – ixcham ichki Wi-Fi adapterlari. Bunday elementlar noutbuk va planshetlarga mos tushadi. Statsionar kompyuterga kelsak, bunday priyomnik uning tizim platasiga o‘rnatiladi. USB-adapterlardan farqli ravishda, uni istagan paytda tez o‘rnatib yoki olib qo‘yib bo‘lmaydi. Biroq mazkur modul USB-portni band qilmaydi, bu esa tashqi ulanishlar uchun 1-2 tagina slotli qurilmalarda o‘ta dolzarb bo‘lishi mumkin.

  • M.2 – Bluetooth bilan ishlovchi eng yangi texnologiya. Bunday elementni tanlashda, oldin kompyuteringizning tizim platasida M.2 sloti mavjudligiga ishonch hosil qiling. Bu modellar jamlanmasiga ko‘pincha antenna qo‘shilmagan bo‘ladi, zarurat tug‘ilsa uni alohida sotib olish mumkin.

Wi-Fi adapteri qanday tanlanadi

Eng avvalo, adapter qaysi tur qurilma uchun kerakligi bo‘yicha bir qarorga keling. Bu priyomnik quyidagilarga o‘rnatish uchun olinishi mumkin:

  • statsionar kompyuter uchun;

  • noutbuk uchun;

  • televizor uchun;

  • pristavka uchun.

Elementlar quyidagi xususiyatlariga ko‘ra o‘zaro farqlanadi:

  • Internet tezligi – bu ko‘rsatkich moslama qo‘llab-quvvatlaydigan aloqa standartiga bog‘liq. Priyomniklar asosan 5 gigagersga mo‘ljallangan. ular 300 megabit/soniyagacha tezlikda ishlay oladi.

  • Ta’sir masofasi – bunisi antennalar soniga bog‘liq. Agar marshrutizator tizim blogidan uzoqroqda joylashgan bo‘lsa, unda tashqi antennali Wi-Fi adapterini tanlang. Ularda signalni kuchaytirish koeffitsiyenti yuqori.

  • O‘lchamlari va vazni – bular qurilmaning turiga bog‘liq. Odatda, ichki modullar tashqilaridan kichikroq. Har qanday holatda ham, Wi-Fi adapteri ixcham o‘lchamga ega.

Brendlar

Asaxiy internet-do‘konidan siz quyidagi markalarga mansub Wi-Fi adapterlarini olishingiz mumkin:

  • TP-Link;

  • Tenda;

  • Mercusys.

Buyurtmani rasmiylashtirishdan avval siz turli modullarning narxlarini taqqoslashingiz, batafsil tavsiflarini o‘qib va suratlari bilan tanishib chiqishingiz mumkin. O‘zbekiston bo‘ylab eltib berish bir necha kun ichida amalga oshadi. Toshkentda bu xizmat bir kundayoq bajarilishi mumkin. Bu borada batafsil ma’lumotni siz saytning tegishli bo‘limidan olasiz. Shuningdek, savollar tug‘ilsa konsultantdan so‘rashingiz mumkin. U bilan telefon qo‘ng‘irog‘i orqali bog‘lanish imkoni mavjud.

Qo`llab-quvvatlash xizmati
Chat turini tanlang!