Ishlab chiqaruvchi

Fitnes-bilaguzuk – sizning intellektual murabbiyingiz

Trekerlar yoki fitnes-bilaguzuklar yildan-yilga ko‘proq ommalashmoqda. Dastlab ular professional sportchilar uchun ishlab chiqilgan edi, ammo oxir-oqibatda bunday aksessuarlar keng ommaga ham tarqaldi. Buning hayron qoladigan joyi yo‘q, axir, mazkur ixcham qurilma bir qator vazifalarni bajaradi: bosib o‘tilgan qadamlarni va sarflangan kaloriyalarni hisoblaydi, pulsni va arterial qon bosimini o‘lchaydi, jismoniy mashqlar jadvalini tuzadi va uzoq vaqt harakatsiz o‘tirib qolganingizni eslatib turadi. Shu bilan birga, fitnes-soatlar arzonroq ham turadi. Modellarning o‘ta ko‘pligi hamda turli-tumanligi kishiga uni ishlatish maqsadiga va mablag‘iga mos variantni tanlash imkonini beradi.

Intellektual smart-bilaguzuk smartfonga yoki planshetga o‘rnatilgan ilova bilan sinxronlashadi. U yerda foydalanuvchining faolligi xususidagi batafsil ma’lumot aks etadi. Bundan tashqari, ilovada kiruvchi qo‘ng‘iroqlar va SMS’larning, messenjerlardan va ijtimoiy tarmoqlardan keluvchi xabarlarning bildirishnomalarini sozlab qo‘ysa bo‘ladi.

Aqlli bilaguzuklarning afzalliklari:

  • ko‘pfunksionallik;
  • ishlatish soddaligi va osonligi;
  • qulaylik;
  • sport uslubidagi original dizayn.

Fitnes-bilaguzuk kimlarga kerak

Trekerlar shunchalik ommalashganki, ularni har qanday jins va yoshdagi kishilar xarid qilishadi. Ularni eng ko‘p sotib oluvchilar:

  • Sportchilar – bilakka taqiluvchi gadjet kishining faolligini o‘lchaydi va jismoniy mashg‘ulotlar uchun shaxsiy jadval tuzadi. Qurilmaning o‘ziga bir nechta maxsus dasturlar o‘rnatilgan bo‘lishi mumkin: suzish, yugurish, kuch mashqlari va hokazolar uchun.
  • Faol turmush tarzi olib boruvchi kishilar – ular o‘z qadamlari sonini, sarflangan kaloriyalar miqdorini, bosib o‘tilgan masofani va boshqalarni bilib borishlari lozim. Sayohatchilarga GPS va xaritalar mavjudligi asqatadi. Keng modellar tanlovi kishiga o‘z turmush tarzidan kelib chiqqan holda zaruriy jihozlar to‘plamiga ega bo‘lgan devays tanlash imkonini beradi.
  • Bolalar – ular uchun SOS funksiyali hamda GPS modulli maxsus smart-bilaguzuklar xarid qilishadi. Bulardan birinchisi yordamida bola mushkul vaziyatlarda ota-onasiga qo‘ng‘iroq qila oladi. GPS hamda trekerni smartfonga ulash imkoni tufayli esa kattalar o‘z farzandining qayerda ekanini bilib turishadi.
  • Keksalar – qanchalik g‘alati eshitilmasin, aqlli bilaguzuk aynan ularga o‘ta zarur. Mazkur gadjet qariyalarga dori ichish yoki sayr qilish vaqti kelganini eslatib boradi. Lekin asosiysi – bu aksessuar o‘z salomatligini nazoratda tutishga yordam beradi. U tana haroratini, arterial qon bosimini, qondagi kislorod miqdorini, glyukoza darajasini va boshqalarni o‘lchay oladi. Ushbu o‘lchashlar tufayli salomatlik muammolarini tezda aniqlash va choralar ko‘rish mumkin.

Umuman olganda, fitnes-brasletlar urfga kirgan. Ularni hatto yuqorida sanab o‘tilgan toifalarga mansub bo‘lmagan kishilar ham xarid qilishmoqda. Axir, bu devays o‘z egasining hayotini sezilarli darajada yengillashtiradi.

Aqlli bilaguzuk nimalarga qodir

Trekerlarning funksionali aql bovar qilmas darajada keng. Quyidagi xossalarga ega bo‘lgan devayslar keng qo‘llanadi:

  • Tonometrli – arterial qon bosimini o‘lchaydi. Bu funksiya gipertoniklar va gipotoniklarga o‘ta zarur, u qon bosimi bilan bog‘liq muammolarni o‘z vaqtida aniqlash va tegishli choralar ko‘rish imkonini beradi.
  • Pulsometrli – bu datchik pulsni o‘lchaydi. U yurak faolligiga bog‘liq holda yuklamalar intensivligini o‘zgartirish uchun zarur. Bundan tashqari, yurak maromini kuzatib borish talab etiladigan yurak xastaliklarida ham pulsometr kerak bo‘ladi. Bunday hollarda kardiogrammali fitnes-bilaguzuk juda asqatadi.
  • Oksimetrli – qondagi kislorod miqdorini aniqlovchi qurilmalar. Mazkur funksiya jismoniy mashg‘ulotlar jadalligini oshirish yoki pasaytirish uchun kerak bo‘ladi. Bundan tashqari, bu o‘lchashlar salomatlikning ayrim muammolarida ham o‘tkaziladi.
  • Tana haroratini o‘lchovchi – buning uchun qurilmaga termometr o‘rnatilgan. U tana qizib yoki sovib borayotganidan ogohlantirib, kasallikni o‘z vaqtida aniqlash imkonini beradi.

Boshqa funksiyalar

Aqlli gadjetlar ishlab chiqaruvchilar, bulardan tashqari, yana quyidagi imkoniyatlarga ega bo‘lgan fitnes-bilaguzuklarni ham taklif etishadi:

Kaloriyalarni hisoblovchi – bu opsiya sport bilan shug‘ullanuvchi, ovqatlanish rejimiga rioya etuvchi yoki ozishni istovchi kishilarga foydali. Uning yordamida siz o‘z ratsioningiz hamda faolligingizni tuzatishingiz mumkin.

  • Masofa trekerli – kishi muayyan vaqtda qancha yo‘l bosib o‘tganini aniqlaydi. Ilovada o‘lchov birligini mustaqil tarzda tanlash mumkin.
  • Sekundomerli – vaqtga qarab jismoniy mashqlar bajaruvchilar uchun foydali funksiya.
  • Harakat tezligi datchikli – yuguruvchilar uchun o‘ta foydali qo‘shimcha. Qanday tezlik bilan chopayotganingizni bilib borasiz.
  • Qadam o‘lchagichli – bu sensor kun davomida bosib o‘tilgan qadamlar miqdorini hisoblaydi. Ilovada kunlik, haftalik yoki oylik grafikni tuzish mumkin.
  • Aqlli budilnikka ega – fitnes-bilaguzuk uyqu fazalarini kuzatib bora oladi. Foydalanuvchi o‘zini uyg‘otish kerak bo‘lgan muddatni belgilaydi. Budilnik esa uyg‘onish uchun eng maqbul uyqu fazasini aniqlaydi va yengil titrash bilan uyg‘otadi. Bunday uyg‘onish ta’sirida kishi organizmida oddiy budilnik orqali uyg‘onishdan ko‘ra stress kamroq bo‘ladi.

Intellektual texnika jihozlarini ishlab chiqaruvchilar quyidagicha qo‘shimcha foydali imkoniyatlarga ega bo‘lgan gadjetlarni taqdim etishadi:

  • quloqchinli;
  • kontaktsiz to‘lovli;
  • ko‘krakka taqiluvchi datchikli;
  • o‘zidagi mikrofonli;
  • zinapoyalarni sanovchi;
  • yorug‘lik datchikli;
  • simsiz quvvatlanuvchi.

Smart-bilaguzuk qanday tanlanadi

Sport uslubidagi ushbu trekerni tanlashda funksionalidan tashqari jihatlarini ham hisobga olish kerak. Uning ko‘plab boshqa parametrlari ahamiyat kasb etadi. Masalan, mos modelni tanlashda egasining jinsi va yoshini inobatga olish darkor. Shu omillardan kelib chiqib, fitnes-bilaguzuklar uchta yirik guruhga bo‘linadi:

  • Erkaklar uchun – yirik o‘lchami va turli-tuman funksionali bilan ajralib turadi. Odatda, erkaklarga mo‘ljallangan aqlli bilaguzuklar sipo dizaynda ishlanadi va qora, ko‘k hamda kul rang tuslarda taqdim etiladi.
  • Ayollar uchun – ixcham, hashamdor modellar. Ularning vazni bilakda umuman bilinmaydi. Tasmachasi yorqin tusda bo‘lishi mumkin: qizil, pushti, zarg‘aldoq, binafsha rangli va hokazo. Bulardan tashqari, tasmachasiga naqsh yoki surat tushirilishi mumkin.
  • Bolalar uchun – ayrim maxsus funksiyalarga ega bo‘lgan kichik hajmli aqlli brasletlar. Ko‘p hollarda ularga GPS chipi hamda SOS funksiyasi joriy etiladi.

Shuningdek, tor doira uchun ixtisoslangan devayslar ham mavjud:

  • suzish uchun;
  • velosipedchilar uchun;
  • yugurish uchun;
  • suv tubiga sho‘ng‘ish uchun.

Aksessuarni xarid qilishda uning quyidagi xususiyatlariga e’tibor berish kerak:

  • korpus shakli – u to‘g‘ri to‘rtburchak, kvadrat yoki oval shaklida bo‘lishi mumkin;
  • ekran – sensorli yoki oddiy bo‘ladi;
  • namdan himoya – fitnes-bilaguzuklar suv o‘tkazmaydigan va suv sachrashiga chidamli bo‘ladi.

Dizayn va brendlar

Treker – bu kishi qiyofasining tarkibiy qismidir, shu bois mazkur aksessuarni tanlashda uning tashqi ko‘rinishiga alohida e’tibor qaratiladi. Korpus va tasmacha turli ranglarda bo‘lishi mumkin. Quyidagi tuslar ko‘proq ommalashgan:

  • qora;
  • oq;
  • kul rang;
  • yashil;
  • qizil;
  • pushti;
  • sarg‘ish.

Ishlab chiqaruvchi masalasi katta rol o‘ynaydi. Unga qurilmaning ichki olami va terilish sifatidan tashqari ham ko‘p narsalar bog‘liq, moslik – aynan brend belgisi. Trekerlar ayrim markalardagi smartfonlarga mos tushmaydi. Aksessuar tanlashda ushbu nyuansni hisobga olish shart. Asaxiy internet-do‘konida siz dunyoga mashhur quyidagi brendlarning fitnes-bilaguzuklarini xarid qilishingiz mumkin:

  • Xiaomi – Band turkumi;
  • Samsung;
  • Huawei;
  • Honor.

Buyurtma rasmiylashtirishdan oldin siz turli devayslarning narxlarini taqqoslashingiz, xususiyatlari haqidagi batafsil tavsiflarni o‘qishingiz va fotosuratlarini ko‘rishingiz mumkin. Eltib berish butun O‘zbekiston bo‘ylab amalga oshiriladi. Toshkent ahli va mehmonlariga esa tovar bir sutka davomida yetkaziladi. Yetkazib berish shartlari haqidagi batafsil ma’lumotni saytdagi tegishli bo‘limdan olishingiz mumkin.

asaxiy app image

Sizning internet do'koningiz