Smart-soatlar

Smart-soat – bilagingizdagi texnologiyalar

Intellektual smart-soatlar yil sayin tobora ommalashib bormoqda. Mazkur gadjet nafaqat vaqtni kuzatib borish imkonini beradi, bemalol aytish mumkinki, u – qo‘lingizdagi haqiqiy kompyuterdir. Bu qurilma bosib o‘tilgan qadamlar miqdorini sanaydi, budilnik o‘rnini bosadi, jismoniy mashqlar jadvalini tuzadi, tomir urishini va arterial qon bosimini o‘lchaydi, ko‘proq vaqt harakatsiz o‘tirib qolganingizni eslatadi. Bular hali aqlli soatlar imkoniyatlarining to‘liq ro‘yxati emas – ularda yana boshqa ko‘plab foydali funksiyalar bo‘lishi mumkin. Bu gadjetlarni istalgan yosh va jinsdagi kishilar xarid qiladi:

• bolalar – ular uchun GPS modulli maxsus rusumlar chiqariladi – shuning evaziga ota-onalar o‘z farzandlarining qayerda ekanini kuzatib bora olishadi;
• sportchilar – mazkur devays jismoniy mashg‘ulotlarning individual dasturlarini tuzadi, unga yugurish, suzish, kuch mashqlari va hokazolar uchun dasturlar kiritilgan;
• keksalar – qo‘lga taqiluvchi gadjet dorini ichish yoki sayrga chiqish vaqti kelganini eslatib boradi.

Sensor ekranli elektron Smart Watch’lar hozir urfga kirgan. Ular chiroyli ko‘rinadi, bunday devayslar uchun ko‘p turdagi aksessuarlar ishlab chiqariladi. Modellarning juda ko‘pligi esa o‘z uslubiga mos eng yaxshi variantni tanlash imkonini beradi.

Smart-soatlarning afzalliklari

Ushbu devayslar ichki tuzilmasining murakkabligi bilan mexanik va elektron soatlardan farq qiladi. Ular tegishli operatsion tizim, smartfon yoki planshet bilan ulanish uchun Bluetooth va boshqa datchiklar bilan ta’minlanadi. Soat funksiyalarini kengaytirish uchun foydalanuvchi o‘z mobil qurilmasiga ishlab chiqaruvchining maxsus ilovasini o‘rnatib olishi kerak. Unda faollik jadvallarini tuzish, arterial qon bosimi, puls, harorat ko‘rsatkichlarini qayd etib borish mumkin. Bulardan tashqari, ilovada uyqu sifati, batareya quvvati haqidagi ma’lumotlar ham aks etadi. Ayrim modellarda esa ob-havo prognozi ham ko‘zda tutilgan.

Smart-soatlarning yana bir foydali funksiyasi – smartfon bilan Bluetooth-ulanishdir. Aqlli soat ekranida kiruvchi qo‘ng‘iroqlar yoki SMS’lar haqidagi ma’lumot aks etadi, shuningdek, messenjerlar yoki ijtimoiy tarmoqlardan kelgan xabarlarni ham unda o‘qiy olasiz. Xabarlar manbalarini ilovada sozlasa bo‘ladi. Masalan, siz ijtimoiy tarmoqlardan keluvchi bildirishnomalar funksiyasini o‘chirib qo‘yishingiz mumkin.

Shunday qilib, aqlli soatlarning afzalliklari:

• ko‘pfunksionallik – siz turli-tuman masalalar yechimi uchun texnologik yordamchiga ega bo‘lasiz;
• original dizayn – devayslar o‘ziga xos ko‘rinishga ega, ular sizning qiyofangizga munosib qo‘shimcha bo‘ladi;
• ixchamlik – siz o‘z bilagingizdagi bu aksessuarning og‘irligini sezmaysiz ham.

Smart Watch nimalarga qodir

Trekerlarning funksionali unga muayyan datchiklar o‘rnatilganligi bilan bog‘liq. Intellektual elektronika mahsulotlarini ishlab chiqaruvchilar quyidagi variantlarni taklif etishadi:

• Kunduzgi faollik nazoratiga ega – foydalanuvchi me’yorni belgilaydi, qurilma esa bu yuklamaning bajarilishi hajmini kuzatib boradi.
• Qadam o‘lchagichli – kun davomida bosib o‘tilgan qadamlar miqdorini hisoblaydi. Ilovada haftalik yoki oylik grafikni tuzish mumkin.
• Termometrli – tegishli sensor tana haroratini o‘lchab boradi. Foydalanuvchi biror kasallikni, tanasi haddan tashqari qizib yoki sovib ketayotganini o‘z vaqtida aniqlay oladi.
• Barometrli – atmosfera bosimini o‘lchaydi. Mazkur funksiya ob-havo o‘zgarishlariga ta’sirchan kishilarga asqatadi.
• Kaloriya hisoblagichli – bu imkoniyat o‘z vaznini nazoratda tutishni istovchilarga zarur. Qurilma tanaga qabul qilingan va sarflangan kaloriyalar miqdorini hisoblaydi. Uning yordamida o‘zingizning ovqatlanish va faollik rejimingizni nazorat qila olasiz.
• Tonometrli va pulsoksimetrli – qon bosimini va yurak zarblari sonini o‘lchaydigan modellar. Bunday Smart Watch’lar gipertoniya, gipotoniya, taxikardiya va boshqa kasalliklari bor kishilarga zarur. Siz salomatligingiz muammosini o‘z vaqtida aniqlashingiz va hal etishingiz mumkin.
• Kislorod datchikli – bunaqa smart-soatlar qondagi kislorod miqdorini o‘lchaydi va ma’lumotlarni ekranga chiqaradi. Ayrim xastaliklarda bu juda kerakli opsiyadir.
• Glyukometrli – qandli diabeti bor kishilar mana shu datchigi tufayli aqlli soat oladilar. Maxsus sensor qondagi glyukoza darajasini o‘lchaydi.

Boshqa funksiyalar

Smart-soatlarga ko‘pincha boshqa aksariyat imkoniyatlar ham joriy etilgan. Ommabop devayslar quyidagicha bo‘lishi mumkin:

• GPS’li – foydalanuvchi o‘zining joylashuvini kuzatishi va xarita bo‘ylab yo‘nalishlar tuzishi mumkin.
• SIM-kartali – qo‘ng‘iroq funksiyali qurilma. U ko‘p hollarda telefon o‘rnini bosadi. Mazkur opsiya ko‘pincha bolalar gadjetlariga tatbiq etiladi, farzand uning yordamida ota-onasi bilan muntazam aloqada bo‘lib turadi. Bola o‘z ota-onasi va yaqinlari bilan tezkor bog‘lana olishi uchun Smart Watch xotirasiga bir nechta telefon raqamlarini kiritib qo‘yish mumkin.
• Kamera va mikrofonli – videoqo‘ng‘iroq imkoniyatli devayslar. Siz smartfonni qo‘lga olmasdan turib yaqinlaringizni ko‘rib gaplasha olasiz.
• Aqlli budilnikka ega – foydalanuvchi o‘zini uyg‘otish kerak bo‘lgan muddatni belgilaydi. Aksessuar esa uyg‘onish uchun eng maqbul uyqu fazasini aniqlaydi va titrashni boshlaydi. Bunday uyg‘onish ta’sirida kishi organizmida oddiy budilnik orqali uyg‘onishdan ko‘ra stress kamroq bo‘ladi.
• NFC’li – kontaktsiz to‘lov qilish imkoniga ega smart-soatlar. Xaridlar va xizmatlar to‘lovi uchun bank kartasini yoki smartfonni chiqarishga hojat yo‘q. Intellektual aksessuarning o‘zi kifoya.

Bulardan tashqari, aqlli texnika jihozlari ishlab chiqaruvchilar quyidagi qo‘shimchalarga ega smart-votchlar ham taqdim etishadi:

• internetga kiruvchi;
• kalkulyatorli;
• pleyerli va simsiz quloqchinli;
• kompasli;
• qo‘lchiroqli.

Aqlli soat qanday tanlanadi

Bilakka taqiluvchi bu gadjet xaridida faqatgina funksionaliga qarash to‘g‘ri emas. Boshqa ko‘plab parametrlari ham muhim:

• Foydalanuvchining jinsi va yoshi – erkaklarga va ayollarga mo‘ljallab bunday aksessuarlar taqdim etilgan. Birinchilari – katta o‘lcham va sipo dizaynga ega, ayollarbop variantlar esa nafisroq bo‘ladi. Shuningdek, brendlar o‘smirlar va bolalar uchun ham o‘ziga xos gadjetlar chiqarmoqda. Ularda ota-ona nazorati, GPS, tezkor chaqiruv va boshqa funksiyalar mavjud.
• Ekran turi – AMOLED-displeyli va sensor panelli qurilmalar bo‘ladi. Siferblat rangli va monoxrom bo‘lishi mumkin. Bundan tashqari, brendlar gibrid – milli modifikatsiyalarni ham taklif etishayotir.
• Operatsion tizim – smart-votchlar odatda Android tizimli qurilmalarga muammosiz ulanadi. Apple qurilmalari esa faqat iOS tizimini qo‘llab-quvvatlaydi. Shunday qilib, agar telefoningiz iPhone bo‘lsa, unda faqat Apple aqlli soatini olganingiz ma’qul – shunda o‘zaro moslikda muammo kelib chiqmaydi.
• Form-faktori – gadjetlar dumaloq, kvadrat va to‘g‘ri to‘rtburchak shaklida bo‘ladi. Bu parametr individual tarzda – egasining xohishiga ko‘ra tanlanadi.

Ekran o‘lchamiga albatta e’tibor qaratish kerak. Foydalanish qulayligi aynan shu parametrga bog‘liq. Katta ekranli trekerlar og‘irroq ko‘rinishi mumkin, kichik displeyli qurilmalar esa sezilmaydiyam. Smart-soatlar quyidagi o‘lchamlarda chiqyapti:

• 40 mm;
• 42 mm;
• 44 mm;
• 46 mm.

Tanlashning boshqa parametrlari

Qo‘lga taqiluvchi bu aksessuar xaridida brend katta ahamiyat kasb etadi. Uning sifati va mobil gadjetlar bilan mos kelishi shunga bog‘liq. Asaxiy internet-do‘konidan siz quyidagi brendlarga mansub smart-soatlarni hamyonbop narxlarda olishingiz mumkin:

• Apple;
• Samsung;
• Xiaomi;
• Honor;
• Huawei;
• LG;
• Realme.

Aqlli soat xaridida ularning o‘ziga xosliklarini hisobga olish darkor. Ayrim qo‘shimchalar ularning narxiga katta ta’sir ko‘rsatadi. Mana bu kabi maxsus modellar taqdim etilgan:

• sport uslubida;
• dayving uchun;
• suv o‘tkazmas;
• zarbaga qarshi;
• sapfir shishali;
• metall korpusli;
• simsiz quvvatlanuvchi;
• avtonomligi katta.

Smart-votch sotib olishdan avval uni qay maqsadlarda ishlatmoqchi ekaningiz ustida yaxshilab o‘ylab ko‘rishingiz kerak bo‘ladi. Agar bu devays sizga vaqtni bilib borish uchun kerak bo‘lsa, unda istalgan arzon treker to‘g‘ri keladi. Sport mashg‘ulotlarini kuzatib borish uchun esa maxsus funksiyalarga va mustahkam himoyaga ega bo‘lgan qurilmalarga nazar solganingiz ma’qul.

Tasmacha xususiyatlari

Dizayn faqat korpus shakli va ekran o‘lchamidangina iborat bo‘lmaydi. Unga tasmachaning turi ham ta’sir ko‘rsatadi. Bu aksessuarning quyidagi variantlari taklif etilmoqda:

• Metall bilaguzukli – eng mustahkam va og‘ir modellar. Ishonch bilan aytish mumkinki, bunday Smart Watch’lar amalda “o‘lmas”dir. Metallga jismoniy ta’sirlar ham, suv va quyosh ta’siri ham qo‘rqinchli emas.
• Charm tasmachali – u o‘ziga xos va ko‘rkam ko‘rinadi. Ammo charmning asosiy afzalligi chidamli ekanligidir. U ko‘p yillar mobaynida xizmat qiladi va bunda dastlabki ko‘rinishini yo‘qotmaydi. Bundan tashqari, qo‘l terisiga charm yumshoq tegadi, u noqulaylik keltirib chiqarmaydi.
• Manitli tasmachali – foydalanuvchi o‘z bilagining yo‘g‘onligidan kelib chiqib, bilaguzukning o‘lchamini o‘zi sozlashi mumkin. Bunda magnitlar tasmachaning jips turishini ta’minlaydi.

Shuningdek, tasmacha zamshdan, kauchukdan va plastikdan ham ishlanadi. Smart-soat dizayniga bilaguzukning rangi ham kuchli ta’sir ko‘rsatadi. Eng ko‘p ommalashgan rang-tuslar:

titansimon kul rang;

• qora;
• oq;
• qizil;
• pushti;
• ko‘k;
• moviy.

Asaxiy internet-do‘konida siz butun O‘zbekiston bo‘ylab eltib beriluvchi smart-votch buyurtma qilishingiz mumkin. Toshkent ahli va mehmonlariga esa tovar bir sutka davomida butkul bepul yetkaziladi. Mamlakat bo‘ylab eltib berish muddati aholi yashash punktiga bog‘liq. Batafsil ma’lumotni saytdagi tegishli bo‘limdan olishingiz mumkin.