TOP
  • Mijoz tanlovi

  • Yuqori reyting va yaxshi sharhlar

BOYA BY-M1 mikrofoni
BOYA BY-M1 mikrofoni
BOYA BY-M1 mikrofoni
BOYA BY-M1 mikrofoni
1 ta sharh
179 000 so'm
21 800 so'm x 12 oy

Mikrofonlar haqida nimalarni bilish kerak

Mikrofonsiz ishi bitmaydigan bir necha kasblar sohiblari mavjud – mazkur qurilmalar ularga ovozni yozib olish va kuchaytirish uchun kerak. Bular – boshlovchilar, diktorlar, musiqachilar, jurnalistlar, ovoz rejissyorlari va shu kabilardir. Professionallar mazkur qurilmaning turlari va xususiyatlarini yaxshi bilishadi. Yangi ishlatmoqchi bo‘lganlar esa mikrofonlarning turlari ko‘pligi tufayli boshi aylanib qolishi ham hech gapmas. Shuning uchun, xarid qilishdan avval, uni qay maqsadda ishlatishingizga aniqlik kiriting. Axir, musiqachiga va blogerga boshqa-boshqa turdagi mikrofonlar kerak-da.

Mikrofonlar turlari

Mazkur qurilma tovush signalini keyinchalik ishlov berish va boshqa saqlagichga yozib olish maqsadida elektrik signalga aylantirib berish vazifasini bajaradi. Tovush to‘lqinlarini elektromagnit tebranishlariga aylantirish tamoyiliga ko‘ra apparatlarni uchta yirik guruhga ajratish mumkin:

  • Dinamik – eng ommabop modellar. Ularning talabgirligi siri universalligidadir. Bunday qurilmalarning afzalliklari qatorida mustahkamlik, tuzilishining ishonchli ekanligi va hamyonbop narxini ham sanab o‘tish kerak. Ularni shovqinli joylarda ham qo‘llasa bo‘ladi, tag‘in bu apparatlar fantom quvvat olib turishni talab etmaydi. Bunday mikrofonlar ko‘pincha karaoke hamda jonli chiqishlar uchun olinadi.

  • Kondensatorli – asosan professional studiyabop modellar. Ular tovush palitrasini maksimal darajada batafsil uzatishga qodir. Bunday variantlar fantom quvvat olib turadi, bu usulda kondensatorda elektrik maydon bo‘lishi kerak. Mazkur tur mikrofonlar ko‘plab ustunliklarga ega. Ular yuksak sezgirligi va har qanday o‘zgarishlarga tezkor reaksiya ko‘rsatishi bilan ajralib turadi; bu esa ovozni chuqur va batafsil yozib olish imkonini beradi. Biroq buning salbiy jihati ham bor. Yuqori sezgirlik tufayli begona shovqinlar ham yozuvga aralashib qolishi mumkin.

  • Lampali – eng qimmat modellar, ular o‘ziga xos vishillash bilan ovoz bera oladi. Bunday qurilmalarni retro toifasiga qo‘shish mumkin. Shunga qaramasdan, ular juda ommabop. 

  • Lentali – kondensatorli mikrofonlar ommalashuvi sabab lentali modellarga talab tobora kamayib bormoqda. Ularda kondensator o‘rniga tasma qo‘llanadi, modifikatsiyaning nomi ham shundan kelib chiqqan. Bunday mikrofonlar ko‘pincha gitara bilan birga qo‘llanadi. Ular ovozning tabiiy yumshoq yangrashini ta’minlaydi.

Mikrofonlarning boshqa turlari

Ulanish usuliga ko‘ra mikrofonlar ikki turga bo‘linadi:

  • Simli – ovozni yozib oluvchi apparaturaga yoki dinamiklarga kabel yordamida ulanadi. U uzilishlarsiz sifatli aloqani ta’minlaydi. Simli mikrofonlar qo‘shimcha quvvatlash manbai talab etmaydi. Uning vazifasini kabel ulangan apparat bajaradi. Ammo simli modellar hamisha ham qulay emas, ayniqsa – jonli chiqishlarda va raqsli shoularda. Bunda mikrofon foydalanuvchisining harakatlari o‘ta cheklangan bo‘ladi, u kabelni bosib olishi ehtimoli bor.

  • USB – oddiy va universal modellar. Bu ulanish interfeysi ko‘plab qurilmalarda ko‘zda tutilgan. USB-mikrofonlarni ko‘pincha kompyuterlar uchun sotib olishadi. Ular sozlash va qurilma bilan ishlash osonligi bilan ajralib turadi. Mikrofonni kompyuterga ulash kifoya – ovoz yozishni boshlasa bo‘laveradi.

  • Simsiz – bu turlarida kabel bo‘lmaydi. Apparatura bilan ulanish uchun simsiz aloqa kanali qo‘llanadi. Bu borada radiomikrofonlar ko‘proq uchraydi. Ular bir qator afzalliklarga ega: ishonchli, uzluksiz, ta’sir radiusi katta, xalaqit beruvchi signallar va yot shovqinlar yo‘q. Bulardan tashqari, radiosignal uchun devorlar va turli g‘ovlar qo‘rqinchli emas. Yana bitta talabgir aloqa kanali – Bluetooth. Uni barcha zamonaviy devayslar qo‘llab-quvvatlaydi: noutbuklar, smartfonlar, planshetlar va hokazo. 

 

Quvvat olish turiga ko‘ra mikrofonlar quyidagi turlarga bo‘linadi:

  • fantom – miksherdan yoki usiliteldan quvvat olib ishlaydi;

  • batareykali;

  • akkumulyatorli.

 

Qo‘llanish sohasiga ko‘ra mikrofonlar quyidagi turlarga ajratiladi:

kompyuter uchun o‘yinbop;

  • telefon uchun;

  • karaoke uchun;

  • strim uchun;

  • studiya uchun. 

Mikrofonlarning xususiyatlari

Bu qurilmani sotib olayotganda quyidagi parametrlariga qarash kerak:

  • Chastota – mikrofon qabul qiluvchi diapazonni anglatadi. Inson qulog‘i qabul qiladigan minimal ko‘rsatkich 20 gersni tashkil etadi. Maksimali esa 20 mingga yetadi. Musiqa asboblarida diapazon kengroq. Bunda tovush chastotasi musiqa asbobining turiga bog‘liq. Shunday ekan, mikrofon olayotganda uni nimada qo‘llashdan kelib chiqib chastotasini to‘g‘ri tanlash kerak. Vokal va musiqa yozib oluvchi mikrofonlarda chastota ancha farq qiladi. Agar universal qurilma olishni mo‘ljallagan bo‘lsangiz, unda mikrofonni maksimal diapazonlisidan tanlayvering.

  • Amplituda-chastota xususiyatlari – mikrofonning sezgirligini anglatadi. Ovoz uzatishning batafsil bo‘lishi shunga bog‘liq. AChX mikrofonning tuzilish xususiyatlaridan kelib chiqadi: membrananing vazni va materiali, ichki bloklar va zanjirlarning turi.

  • Sezgirlik – mazkur parametr tovush balandligini mikrofon qanchalik kuchaytirib bera olishini bildiradi. Bu xususiyatini mikrofon qo‘llanadigan muhitni hisobga olgan holda tanlash kerak. Studiya uchun sezgirligi baland mikrofonlar tanlash lozim. Odam gavjum joyda esa mazkur parametr uncha katta ahamiyat kasb etmaydi.

Qo‘shimcha funksiyalari va ommabop brendlar

Mikrofon narxiga uning jihozlanishi katta ta’sir ko‘rsatadi. Quyidagicha modellar taklif etilgan:

  • kolonkali;

  • shovqin to‘suvchi;

  • ilgak bilan mahkamlanuvchi.

Qismlarning va ular terilishining sifati ishlab chiqaruvchiga bog‘liq. Shuning uchun texnika jihozi xaridida markani tanlashga katta e’tibor beriladi. Imkon qadar mashhur ishlab chiqaruvchilarning elektronika mahsulotlarini olgan ma’qul. Shunda terilish ishonchli, ovoz esa sifatli bo‘lishi ta’minlanadi. Asaxiy internet-do‘konidan siz ushbu brendlar mikrofonlarini olishingiz mumkin:

  • Razer;

  • Hyperx;

  • Fifine;

  • Shure;

  • Razer Seiren;

  • Sennheiser.

Internet-do‘konda to‘lovning har xil usullari yo‘lga qo‘yilgan – onlayn, naqd pulda, naqd pulsiz, bank kartasi bilan. O‘zbekiston bo‘ylab yetkazib berish bir necha kun ichida amalga oshadi. Toshkentda esa buyurtma kunining o‘zidayoq tovarni qo‘lga olishingiz mumkin.

Qo`llab-quvvatlash xizmati
Chat turini tanlang!