Yuzni parvarishlash uchun

Yuz parvarishiga samarali va malakali yondashuv

Yuzni to‘g‘ri parvarishlash yoshlikni uzaytiradi va ko‘plab kamchiliklarni bartaraf etadi. Ko‘p ayollar kremlar, losyonlar va boshqa yuz parvarishi vositalarini 30 yoshdan keyin sotib olish kerak, deb noto‘g‘ri o‘ylashadi. Aslida esa, juda yoshlikdanoq o‘zingizga g‘amxo‘rlik qilishingiz kerak. Shunda siz ko‘p yillar davomida plastik jarrohga murojaat qilmasdan terining elastikligi va yoqimli rangini saqlab qolasiz. Agar kamdan-kam hollarda pardoz qilsangiz yoki bundan butunlay voz kechgan bo‘lsangiz ham, sizga boshlang‘ich parvarish vositalari to‘plami kerak bo‘ladi. Axir, ular birinchi navbatda salomatlikni saqlash uchun va gigiyenaga mo‘ljallangan.

Nega yuzni yoshlikdan parvarishlash kerak?

Yosh o‘tishi bilan epidermis (terining tashqi qavati) o‘z elastikligini yo‘qotadi va rangini o‘zgartiradi. U xiralashadi, yoshga va harakatlarga bog‘liq ajinlar paydo bo‘ladi. Bu jarayonni qaytarib bo‘lmaydi, lekin agar siz yoshlikdan o‘zingizyb to‘g‘ri parvarishlay boshlasangiz, uni sezilarli darajada sekinlashtirish mumkin. Bu yerda gap kosmetologga muntazam qatnash haqida emas, balki niqob va kremlarni to‘g‘ri tanlash haqida ketyapti. Sifatli kosmetika quyidagilarga yordam beradi:

• Ko‘p muammolardan xalos bo‘lish – bularga akne (yuzdagi toshma yara), husnbuzarlar, dog‘lar va boshqalar kiradi. Bu kosmetik muammolar nafaqat tashqi ko‘rinishni buzadi, balki salomatlik holatiga ham salbiy ta’sir qiladi. Bundan tashqari, qora nuqta va husnbuzar kabi ba’zi muammolar kasalliklardan va noto‘g‘ri ovqatlanishdan ham darak berishi mumkin.
• Ajinlar paydo bo‘lishining oldini olish va qarishni sekinlashtirish – bular aslida tabiiy jarayondir, ammo siz uni kosmetik va jarrohlik muolajalarga murojaat qilmasdan sezilarli darajada sekinlashtirishingiz mumkin.
• Ultrabinafsha nurlanish ta’siridan himoya – teriga quyosh zararli ta’sir ko‘rsatadi. U terini quritadi, elastiklikni pasaytiradi va ajinlarning erta paydo bo‘lishiga olib keladi. Shuning uchun yozda, hatto dengizdan uzoqda yashasangiz ham, ultrabinafsha nurlanishiga qarshi mahsulotlardan foydalanish shart.
• Teri tonusini va elastikligini oshirish uchun – to‘g‘ri yuz parvarishi tufayli siz yoshga bog‘liq ba’zi salbiy o‘zgarishlardan xalos bo‘lishingiz mumkin. Siz terining holatini hujayra darajasida yaxshilashingiz mumkin.

Yoshga qarab vositalarni qanday tanlash mumkin?

Krem va niqoblarni tanlashda yoshni hisobga olish kerak. O‘zingizni parvarishlay boshlashga hech qachon erta emas:

O‘smirlik davrida qizlar ham, o‘g‘il bolalar ham ko‘pincha teri muammolariga duch kelishadi. Ular turli toshmalar va ortiqcha yog‘lilikka qarshi kurashishlari kerak. Ko‘pincha o‘smir qizlar yuzni tozalash uchun toniklar, losyonlar, surtmalar va ko‘piklardan foydalanadilar. Akne – toshmalarning oldini olish va nazorat qilish juda muhim, chunki ular qutullish ancha qiyin bo‘lgan izlarni qoldirishi mumkin.

Yosh qizlarning yuzlariga himoyalovchi va yumshatuvchi vositalar kerak. Asaxiy onlayn do‘konida teriga sog‘lom ko‘rinish beradigan vitaminlar va mikroelementlarni o‘z ichiga oluvchi to‘laqonli majmualar ham taqdim etilgan.

O‘rta yoshdagilar kuchli ta’sirga ega komplekslarni ko‘rib chiqishsa arziydi. Ular yoshga bog‘liq ba’zi o‘zgarishlarni bartaraf etish imkonini beradi.

Katta yoshda epidermisning intensiv oziqlanishi talab qilinadi. Qarishga qarshi 60+ to‘plamlar namlovchi ta’sirga va intensiv oziqlantirish xususiyatiga ega. Ular epidermisni barcha kerakli unsurlar bilan to‘yintiradi. Bu yoshda siz ajinlarga qarshi kremlardan bemalol foydalanishingiz mumkin.

Teri turi – yuz parvarishi vositalarini tanlashda muhim mezon

Pardoz kerakli natijani berishi uchun kundalik vositalarni tanlashga jiddiy yondashmoq lozim. Bunda yosh toifasidan boshqa ham ahamiyatli jihatlar mavjud. Terining turini albatta hisobga olish shart. Terining to‘rt xil turi mavjud:

• Normal – tarangligi, tozaligi, ortiqcha yog‘lilik va chuqur tirqishlarning yo‘qligi bilan tavsiflanadi. Qanaqadir nuqsonlarga qarshi kurashish zarurati bo‘lmasa, bu – ideal variantdir. Profilaktika choralari ularning oldini oladi. Normal terini parvarishlash qilish oson. Siz shunchaki yuzingizni maxsus ko‘pik yordamida yuvishingiz kerak, keyin uni sovuq suv bilan chayib tashlash kerak.
• Quruq – bunaqa terilar po‘st tashlash, so‘lg‘inlik, rangpar ko‘rinish bilan tavsiflanadi. Ular yog‘ ekstraktli tonik va namlovchi vositalardan foydalanishni talab qiladi. Quruq terili yuz parvarishida spirtli vositalardan qochish kerak, u epidermisni quritadi.
• Yog‘li – yaltirab ko‘rinishi va chuqur teshiklari bilan tavsiflanadi. Ularga yog‘, chang va loy osonlikcha kirib boradi. Bunday teri majmuaviy parvarishni talab qiladi. Tirqishchalarini chuqur ifloslanishdan tozalash uchun maxsus ko‘pikdan foydalansa bo‘ladi. Keyin ularni tonik bilan artib, namlovchi krem qatlamini surish kerak. Ommabop qarashdan farqli o‘laroq, yog‘li teriga ham namlik kerak.
• Aralash – malakali yondashuvni talab qiladi. Quruq joylarni namlantirish, ularni quvvatlantirish kerak. Keyin namlovchi sut qo‘llaniladi.

Ta’sirchan terilarni alohida ta’kidlash joiz. Ular uchun maxsus gipoallergen vositalar talab etiladi.

Yuz parvarishini belgilovchi boshqa omillar

Yil fasli ham muayyan rol o‘ynaydi. Qishda yuz shamoldan quruqshaydi, shuning uchun u intensiv namlab va oziqlab turishni talab qiladi. Yozda ko‘pincha suvsizlangan teri muammo hisoblanadi. Quyosh ta’sirida u elastiklikni yo‘qotadi, shuning uchun siz maxsus himoya va namlantiruvchi maxsus vositalarni sotib olish haqida o‘ylashingiz kerak. Kuz va bahorda namlik hamda haroratning keskin o‘zgarishi teriga salbiy ta’sir qiladi. Bundan tashqari, vitamin yetishmovchiligi ko‘pincha bahorda yuzaga keladi, shuning uchun foydali mikroelementlar o‘rnini to‘ldirish choralarini ko‘rish kerak.

Kosmetik mahsulotlar brendlari qishki, yozgi va mavsumlar orasi kosmetika vositalarining butun turkumini taklif etadi. Lekin ular mavsumdan boshqa jihatlariga qarab ham farq qiladi. Kunning vaqtiga qarab bo‘linish ham mavjud. Quyidagi mahsulotlar ajralib turadi:

• tonggi;
• kunduzgi;
• tungi.

Kosmetika tanlashda yana bir muhim omil bu – jinsdir. Ishlab chiqaruvchilar erkaklar va ayollar uchun alohida-alohida to‘plamlarni taklif qilishadi.

Kundalik yuz parvarishi uchun kosmetika turlari

Asaxiy katalogida taqdim etilgan mahsulotlarni maqsadiga qarab quyidagi guruhlarga boʻlish mumkin:

• Tozalash – bu turkumga miselli suv, yuz yuvish ko‘pigi va pardozdan tozalash losyoni kiradi. Bundan tashqari, ayrim hollarda skrab va pilingdan ham foydalanish kerak bo‘ladi.
• Quvvatlantirish (tonlash) – bu turdagi kosmetika vositalari teriga parvarishlangan va toza ko‘rinish beradi. Ular teri tusini tekislaydi, qon aylanishini rag‘batlantiradi va moddalar almashinuvini tezlashtiradi. Quvvatlantiruvchi kosmetikani kundalik tarzda ham, ba’zi go‘zallik protseduralaridan keyin ham qo‘llash mumkin. Ushbu vositalar guruhiga toniklar va balzamlar kiradi.
• Oziqlantirish va namlantirish – bunga kremlar, gellar va niqoblar kiradi. Ular epidermisni foydali moddalar bilan to‘yintiradi, bu esa yoshga bog‘liq o‘zgarishlarning oldini olishga yordam beradi.
• Lifting (terini torttirish) va keksayishga qarshi kosmetika – terini mustahkamlaydi, yuz shaklini to‘g‘rilaydi, ajinlar chuqurligini kamaytiradi va ba’zi nuqsonlarni tekislaydi.

Yuzni kompleks parvarishlash deganda yonoq, peshona va iyakni tozalash, tonlash va oziqlantirish kabilardan boshqalar ham tushuniladi. Bo‘yin va ko‘krak o‘rtasi, shuningdek, ko‘z atrofidagi joylarga maxsus yondashuv zarur.

Kosmetika vositalarini sotib olayotganda, ularni qo‘llashda ishlatiluvchi qo‘shimcha narsalarning mavjudligiga e’tibor berishingiz kerak: yopishtiriluvchi plastinkalar, paxtali tayoqchalar, disklar va tamponlar.

Asaxiy internet-do‘konida siz yuz parvarishi uchun hamma narsani munosib narxlarda xarid qilishingiz mumkin. O‘zbekiston bo‘ylab yetkazib berish bir necha kun ichida amalga oshiriladi. Toshkentda bu xizmat butunlay bepul.