Smart TV uchun qo‘shimcha komponentlar

Smart TV pristavkalari – televizoringizni multimedia markaziga aylantirishning oddiygina usuli

Mediapleyer yoki Smart TV pristavkasi oddiy qurilma bo‘lib, oddiy televizorni u Internet resurslari, videoxosting, ijtimoiy tarmoqlar, onlayn o‘yinlar va boshqa ko‘plab internet xizmatlariga kirish imkoniga ega bo‘lgan multimedia markaziga aylantiradi. Televizorlarning hammasi ham Smart TV funksiyasi bilan jihozlangan emas. Ammo uning yo‘qligi sababli yangi televizor sotib olish shart emas. Onlayn xizmatlarga kirish uchun oddiy modernizatsiya ham kifoya qiladi. Shu bilan birga, siz mediapleyerni tanlashga oqilona yondashmog‘ingiz kerak, shunda haqiqatan ham aqlli texnologiyaga ega bo‘lasiz.

Smart TV funksiyalari

Mediapleyer televizor uchun ko‘plab yangi imkoniyatlarni ochadi:

• Eng so‘nggi ma’lumotlarni olish – foydalanuvchi Internetda yangiliklar lentalarini aylanib chiqish, ob-havo ma’lumotlarini kuzatish, e’lonlar va tahliliy materiallarni o‘qish imkoniyatiga ega bo‘ladi.
• Onlayn do‘konlarga kirish – siz televizoringiz orqali mahsulot va xizmatlarga buyurtma bera olasiz. Shu bilan birga, tovarlar tavsiflarini o‘qish va suratlarini ko‘rish uchun katta ekran ancha qulay.
• Filmlar va seriallarni onlayn tomosha qilish – endi siz telekanallarning translyatsiya tarmog‘iga bog‘lanib qolmaysiz. Serialning yangi qismini yoki teleko‘rsatuvning yangi sonini istalgan vaqtda ko‘rishingiz mumkin.
• Google xizmatlariga kirish – taniqli onlayn xizmat ko‘rsatuvchi bu kompaniya o‘yinlar va ilovalarga ega do‘kondan ko‘ra ko‘proq narsani taklif qiladi. Unda musiqa va kino xizmatlari ham mavjud.
• Ijtimoiy tarmoqlarni qo‘llab-quvvatlash – Smart TV yordamida siz Facebook tarmog‘ida muloqot qilish, Instagramda fotosuratlarni ko‘rish va TikTokda videolarni tomosha qilish kabi imkoniyatlarga ega bo‘lasiz. Qulaylik uchun televizor panelida elektron klaviatura taqdim etilishi mumkin. Shuningdek, siz maxsus portlar yordamida tashqi qurilmalarni ulay olasiz.
• Video chat – smartboks Skype orqali suhbatlashish imkonini beradi. Siz doimo yaqinlaringiz bilan aloqada bo‘lasiz.

Smart TV pristavkasi qanday tanlanadi – operatsion tizim

Mediapleyer sotib olayotganda siz operatsion tizimga e’tibor berishingiz kerak. Platformadan foydalanish qulayligi va televizor bilan mosligi shunga bog‘liq. Qurilmalar quyidagi operatsion tizimlarda ishlaydi:

• Android – dunyodagi eng mashhur dasturiy ta’minot. Ushbu platformada faqat mobil gadjetlar ishlaydi, deb noto‘g‘ri o‘ylashadi. Aslida, Android ko‘plab boshqa qurilmalarni, jumladan, mediapleyerlarni ham qo‘llab-quvvatlaydi. Bu tizimning ochiqligi bilan bog‘liq. Har bir ishlab chiquvchi platformani o‘z ehtiyojlariga mos ravishda yangilashi mumkin. Android tizimining afzalliklari orasida Google xizmatlaridan foydalanish imkonini, qulay interfeysni va apparatga qo‘yiluvchi talablar yuqori emasligini ta’kidlash kerak. Android tizimida ishlovchi Smart-televizorlarda oldindan oʻrnatilgan ilovalar boʻladi: brauzerlar, aloqa xizmatlari, ijtimoiy tarmoqlar va boshqalar.
• Windows – kamroq mashhur platforma. Bu esa tizimning protsessorga va tezkor xotiraga qo‘yadigan talablari bilan bog‘liq. Mazkur dasturiy ta’minotning afzalliklari orasida kengaytirilgan funksiyalar to‘plamini ta’kidlash kerak. Matn muharrirlari Smart TV pristavkasida oldindan o‘rnatiladi.

Mediapleyerlarning asosiy xususiyatlari

Televizorning internet bilan ishlash imkoniyati nafaqat operatsion tizimga bog‘liq. Boshqaruv usuli katta ahamiyatga ega. Bunda quyidagicha variantlar mavjud:

• Ovozli boshqaruv – bu televizordan foydalanish qulayligini sezilarli darajada oshiradigan ilg‘or texnologiya. U ovozni tanib olishni o‘rgandi. Endi kerakli kanal yoki dasturni yoqish uchun unga gapirishingiz kifoya.
• Masofadan boshqaruv pulti yordamida – u sichqoncha va klaviatura funksiyalarini oladi. Bu – eng qulay texnologiya.
• Smart TV pristavkasini sotib olayotganda siz quyidagi texnik parametrlarga e’tibor berishingiz kerak:
• Protsessor – ushbu xususiyatni ko‘zdan kechirishda, undagi yadrolar soni muhim ahamiyatga ega. Mazkur parametr qurilmaning ishlash samaradorligini ko‘rsatadi. Mediapleyerlar 4 va 8 yadroli protsessorlarda ishlaydi. Ikkinchi variant samaraliroq bo‘ladi, lekin buning uchun ko‘proq to‘lash kerak bo‘ladi. Agar siz videolarni Full HD va 4K formatida tomosha qilmoqchi bo‘lsangiz, busiz bo‘lmaydi.
• Tezkor xotira (RAM) – ko‘p vazifali rejimda qurilma tezligi shunga bog‘liq. Uning minimal hajmi 1-2 GB bo‘ladi. Biroq, o‘rtacha holatda, bu ko‘rsatkich 4 GBni tashkil qiladi. Smart-boks ma’lumotlar oqimini tezda qayta ishlashi uchun shu ko‘rsatkich yetarli. RAM miqdori katta ahamiyatga ega, chunki bu ko‘rsatkich minimal bo‘lsa, Smart TV pristavkasi ancha sekin ishlaydi.
• Ichki xotira – o‘yinlar va ilovalarni saqlash uchun zarur. Agar mediapleyerda kartrider bo‘lsa, saqlash joyini xotira kartasi yordamida kengaytirish mumkin.

Form-faktor va ulanish interfeyslari

Qurilmalar shakli jihatidan farq qiladi. Ular quyidagicha bo‘lishi mumkin:

• Flesh-devayslar – ular fleshkalarga o‘xshaydi. Ushbu Smart televizorlar USB portlariga ega va Wi-Fi interfeysini qo‘llab-quvvatlaydi. Ular aksariyat zamonaviy televizorlarga mos keladi.
• Quti (boks) shaklidagilar – marshrutizator (router) o‘lchamida. Bunday modellar televizor paneliga VGA, HDMI va USB ulagichlari orqali ulanishi mumkin. Ushbu modifikatsiyalar ko‘pincha sovitish tizimiga ega bo‘ladi, bu esa qurilmaning bir necha soat davomida uzluksiz ishlashini ta’minlaydi. Yorqin misol – x96 mini rusumli smart-boks.

Moslik portlarga bog‘liq. Hozirgi vaqtda analog VGA chiqishli qurilmalar tobora kamroq ishlab chiqarilmoqda. Bu standartning o‘rniga DVI va HDMI raqamli interfeyslari ommalashgan.

Asaxiy internet-do‘konidan siz O‘zbekiston bo‘ylab yetkazib beriluvchi smart-pristavka xarid qilishingiz mumkin. Toshkentda esa xaridingiz butunlay bepul eltib beriladi. Do‘kon turli xil to‘lov usullarini taqdim etadi – naqd pulda, naqd pulsiz, onlayn, kredit kartasi orqali