Oshxona plitalari

Uydagi maishiy texnikaning eng ko‘p ishlatiladigan turi – oshxona plitalaridir. Mazkur jihozni to‘g‘ri tanlash esa taom tayyorlashni qulay mashg‘ulotga aylantiradi. Bu uskunalar katalogida har yili yangi funksiyalar va boshqaruv interfeyslari bilan takomillashtirilgan modellar paydo bo‘ladi.

Oshxona plitalarning tasnifi va ularning xususiyatlari

Bu qurilmaning ko‘plab variantlari mavjud, jumladan, o‘rnatilgan modellar, plita yuzasi va bug‘xonasi (duxovkasi) alohida bo‘lgan jihozlar. Lekin alohida turuvchi va bug‘xonasi o‘zida bo‘lgan modellar foydalanuvchilar uchun klassik tanlovdir. Ular gazda yoki tokda ishlaydi, shunga mos ravishda maxsus shlang yoki sim yordamida ulanish uchun quvvat manbai – gaz trubkasi yoki elektr rozetkasiga yaqinligiga e’tibor qaratgan holda oshxonaning istalgan joyiga o‘rnatilishi mumkin.

Ta’minot turiga va tuzilish xususiyatlariga qarab, qurilmalar quyidagilardir:

1. Gazda ishlovchi – pishirish uchun maishiy texnikaning klassik versiyasi. Gazning arzonligi tufayli uning tejamkor iste’moli xizmat ko‘rsatishda hamyonbop hisoblanadi. Konforkalarning isitish tezligi yuqori bo‘lgani tufayli taomlar tez tayyor bo‘ladi. Bunday qurilmalar uyda elektr bo‘lmasa ham ishlaydi, isitishning intensivligini sozlash imkonini beradi.
2. Elektrda ishlovchi – keramika yoki cho‘yan isitgichlar bilan jihozlangan, bu esa uskunadan qulay foydalanishga yordam beradi. O‘rnatishning soddaligi, har qanday sharoitda elektr ta’minotiga ulanish imkoniyati bilan farqlanadi. Kuyish xavfi minimal ekanligi tufayli foydalanish xavfsiz. Ular ish haroratini aniq tartibga solishga imkon beradi, ko‘pincha o‘chirish taymeriga ega.
3. Induksion – magnit oqimining o‘tishi natijasida yuzaga keluvchi elektromagnit induksiyasi asosida ishlaydi. Tashqi qoplamaning isitilmasligi issiq elementlar bilan aloqa qilish ehtimolini yo‘q qiladi, issiqlik sensorlari esa sirt yetarli darajada sovutilmaganligi haqida xabar beradi. Idish induksion plitadan olinganida, u avtomatik ravishda o‘chadi. Ba’zi modellar suv qaynayverib tugab qolishidan himoya funksiyasi bilan jihozlangan, bu esa foydalanishni yanada xavfsizroq qiladi.
4. Shisha-keramikali – gofrirovka qilingan kamarlarni isitish orqali ishlaydi ulardan idishning pastki qismiga issiqlik uzatiladi, lekin atrofdagi qoplamaning haroratini o‘zgartirmaydi. Ovqat pishayotganda isitishning intensivligi va lokalizatsiyasini o‘zgartirish imkonini beruvchi funksiya tufayli har qanday diametrli idishlardan foydalanish mumkin.
5. Kombinatsiyalangan – gazda ishlovchi va elektrda ishlaydigan turlarning kombinatsiyasi. Bu kombinatsiya elektr quvvati yo‘q bo‘lganda yoki ballondagi gaz tugashi bilanoq, bir energiya manbasini boshqasiga o‘zgartirish imkonini beradi.

Muayyan turni tanlash byudjetingizga, didingizga va qurilmaning texnik xususiyatlariga bog‘liq bo‘ladi.

Pechkalarning muhim xususiyatlari: nimalarga e’tibor berish kerak?

Tanlangan oshxona plitasi foydalanuvchi tomonidan yuklangan barcha vazifalarni bajarishi uchun nafaqat qurilma turini, balki boshqa bir qator xususiyatlarni ham hisobga olish kerak:

1. Pishirish yuzasining qoplami materiali. Zanglamaydigan po‘lat shikastlanishga chidamli ekanligi, uzoq muddat xizmat qilishi bilan ajralib turadi. Emallangan po‘lat arzon, ammo u uzoq vaqtda isiydi va sekin soviydi. Shisha-keramika yuqori haroratga yaxshi dosh beradi va estetik jihatdan yoqimli. Toblangan shisha ajoyib ko‘rinish va kuchaygan mustahkamlikni o‘zida birlashtiradi.
2. Boshqaruv turi. Mexanik – ish rejimini sozlash klassik buragichlar yordamida amalga oshiriladi. Sensorli – barmoq yordamida teginish bilan haroratni tanlashingiz mumkin. Sensorli panelning parvarishi soddalashtirilgan – u yog ‘va boshqa kirlantiruvchi moddalarni o‘zida to‘plamaydi.
3. Bug‘xona turi – gazda yoki elektrda isitiluvchi. Elektrik duxovkalar pishirish haroratini nazorat qilish imkonini beruvchi ko‘p sonli funksiyalar bilan jihozlangan. Gazda ishlovchilari esa tannarx va resurs sarfi jihatidan ancha tejamkor hisoblanadi. Kombinatsiyalashgan modellar ham mavjud, ularda gazda ishlovchi bug‘xonada elektrik o‘t oldirgich, gril funksiyasi bo‘ladi.
4. Konforkalar soni va turi. Katta oila uchun to‘laqonli, 4 yoki 5 ta o‘choqli modifikatsiya ma’qul. Agar siz 2 konforkali modelni tanlasangiz, xaridda tejashingiz mumkin.

Oshxona plitalarining zamonaviy versiyalarida yoritilish, taymer, konveksiya rejimi, gazni nazorat qilish tizimi mavjud va ular pishirish patnislari bilan jihozlangan. Xariddan avval, o‘zingiz qo‘llashni rejalashtirayotgan funksiyalar mavxudligini albatta tekshiring.

Oshxona plitasi qanday tanlanadi?

Oshxona plitasi ishlatishga uchun qulay, funksional, xavfsiz va zamonaviy bo‘lishi kerak. Ovqat pishirishning qulayligi va oshxona ichki qismining estetikasi shu xususiyatlarga bog‘liq.

Mos keluvchi qurilmani tanlash uchun siz bir qator parametrlarni hisobga olishingiz kerak:

• ta’minot turi;
• o‘lchamlari;
• boshqaruv usuli;
• konforkalar turi va soni;
• texnikaning dizayni;
• yuza materiali;
• bug‘xonani tozalash usuli;
• ishlatish xavfsizligi;
• qo‘shimcha funksiyalar mavjudligi;
• ishlab chiqaruvchi.

Gaz, elektr yoki induksion modeli o‘rtasidagi tanlov esa, birinchi navbatda, uyda gaz quvurining mavjudligi va elektr ta’minotining barqarorligiga bog‘liq. Qurilmaning opsiyalarini kengaytiradigan variantlar orasida gaz bilan ishlaydigan uskunada elektrik o‘t oldirgich, taymer, duxovka ichida termometr, tova uchun bo‘linma mavjudligi, shuningdek patnislarni surish uchun olinuvchi yo‘naltirgichlar mavjud.

Qurilmaning o‘lchamlariga kelsak, standart versiyada parametrlar:

• kengligi va chuqurligi – 50 yoki 60 santimetr;
• balandligi – 85 sm dan 90 sm gacha.

Bunday o‘lchamlar har qanday oshxonada uskunani o‘rnatishga imkon beradi. Pishirish yuzasining kengayishi konforkalar sonining ko‘payishi bilan bog‘liq. Ishlab chiqaruvchilarning kataloglarida siz 5 yoki hatto 7 ta isitish elementi bo‘lgan plitalarni topishingiz mumkin.

Konforkalar soni qurilmada bir vaqtning o‘zida qancha taom tayyorlash mumkinligini aniqlaydi. Ularning turi esa foydalanish uchun idishlarning maksimal ruxsat etilgan o‘lchamiga va isitishning intensivligiga ta’sir qiladi.

O‘zbekiston bo‘ylab yetkazib beriluvchi oshxona plitalari

Toshkentdagi yetakchi ishlab chiqaruvchilarning estetik, funksional va zamonaviy pishirgichlariga Asaxiy internet-do‘konida buyurtma berishingiz mumkin. Katalogda narxlari va xususiyatlari bilan taqdim etilgan qurilmalarni mijozlar uchun O‘zbekiston bo‘ylab yetkazib berish imkoni mavjud.