Bluetooth-garnitura – harakatlarning to‘liq erkinligi

Simsiz Bluetooth-garnitura mobil gadjetlar egalari orasida juda ommalashgan. Mohiyatiga ko‘ra bular – mikrofonli quloqchinlardir. Ular harakat erkinligini cheklamaydi, bunday aksessuarlarni taqib olib, bemalol mashina boshqarish yoki sport bilan shug‘ullanish mumkin. Siz qo‘lingiz band bo‘lsa ham telefon qo‘ng‘irog‘iga javob bera olasiz. Bundan tashqari, smartfon qo‘shni xonada quvvatlanayotgan bo‘lsa ham telefonda muloqot qilishingiz mumkin. Simsiz texnologiyalar zamonaviy kishining turmushini ancha yengillashtiradi.

Bluetooth-garnituralarning afzalliklari

Ushbu simsiz aksessuarlar quyidagi singari ijobiy jihatlarga ega:

  • Qulaylik – endi, qo‘ng‘iroqqa javob berish yoki musiqa tinglash uchun siz chuvalashib qolgan simlarni yechishingiz shart emas. Quloqchin kabeli kiyimning ilgagiga yoki biror begona buyumga ilinib qolishidan cho‘chimasangiz ham bo‘ladi.

  • Ta’sir radius kattaligi – quloqchin bir necha metr masofadan ham signal qabul qiladi. Siz smartfoningizni qo‘shni xonada qoldirib, oshxonada ovqat tayyorlash jarayonida ham telefonda gaplasha olasiz. Bluetooth kanali to‘siqlar va burchaklardan qo‘rqmaydi. Aloqa barqaror va uzilishsiz bo‘ladi.

  • Ixchamlik – simlari yo‘qligi evaziga Bluetooth-garnitura kabelli analoglaridan ancha kichkina. U har qanday cho‘ntakka sig‘adi.

  • Avtonomlik – quloqchin quvvati bir necha soatga yetadi. Siz uning zaryadi to‘satdan tugab qolishidan cho‘chimasdan, bemalol telefonda gaplashishingiz va musiqa tinglashingiz mumkin.

  • Puxta o‘ylangan tuzilish – Bluetooth-garniturada qo‘ng‘iroqqa javob berish tugmachasi ko‘zda tutilgan. Shuningdek, pleylistni boshqarish elementlari ham bo‘lishi mumkin.

  • O‘ziga xos dizayn – aksessuarlar konfiguratsiyasi va rangiga ko‘ra keng tanlovda chiqariladi. Siz o‘z qiyofangizga eng mos tushadiganini tanlab olishingiz imkoni mavjud.

Bluetooth-garnituralarning turlari

Ushbu tur aksessuarlar ikki yirik guruhga bo‘linadi:

  • An’anaviy blyutuz-garnitura – mono-versiya. U maxsus ilgak yordamida quloq chig‘anog‘iga mahkamlanuvchi bitta ambushyurdan iborat. Bunday devayslar asosan qo‘ng‘iroqlarga mo‘ljallangan. Ular faqat bitta – mono aloqa kanaliga ega. Bu tur quloqchinlarda ham musiqa tinglasa bo‘ladi, ammo tovush sifati unchalik emas. Ular ko‘proq haydovchilarga va hamisha harakatda bo‘ladigan kishilarga to‘g‘ri keladi.

  • Stereo – bu modellar musiqa tinglashga mo‘ljallangan. Ular sifatli va chuqur ovozni ta’minlay oladi. Bunday Bluetooth-garnitura o‘zining asosiy funksiyasini ham ajoyib uddalaydi. Mazkur aksessuar orqali telefonda gaplashish ham qulay. Ko‘pincha ularning ambushyurlari quloq kanaliga tiqib qo‘yiluvchi bo‘ladi, bu esa shovqinlarni yaxshi to‘sadi. Bu tur modellarning yagona salbiy tomoni – o‘lchamida: ular mono-versiyalardan kattaroq.

Bluetooth-garnitura qanday tanlanadi

Bu tur aksessuarni tanlashda quyidagi parametrlarini hisobga olish zarur:

  • Tuzilish turi – bu jihatdan qurilmalar tiqiluvchi va qoplovchi turlarga ajratiladi. Birinchi variantlar quloq kanaliga qo‘yiladi, ular ishlatishga qulay. Bunday tuzilma garnituraning mustahkam o‘rnashib turishini va shovqin to‘sishini ta’minlaydi. Qoplovchi modellar quloq ustini yopib turadi, ular og‘irroq bo‘lsa-da, zaryadi uzoqroq vaqtga yetadi.

  • Simsiz kanal turi – u telefoningiz aloqa standartiga muvofiq bo‘lishi kerak. Shunda o‘zaro moslik bo‘yicha muammo tug‘ilmaydi. Yana bir nyuans: kanal versiyasi qanchalik yuqori bo‘lsa, quloqchinning funksionali ham shunchalik baland bo‘ladi. Bluetooth 4.1 seriyasidan boshlab, aloqa chastotasini almashtirish imkoni taqdim etilgan. Masalan, LTE hamda Wi-Fi kanallari 2.4 gigagers diapazonida ishlaydi. Biroq atrofda shu chastotada ishlayotgan qurilmalar ko‘p bo‘lsa, ularning signallari xalaqit berishi mumkin. Bluetooth 4.1 va undan yuqori versiyali garniturada shu kabi holatlarda diapazonni almashtirish funksiyasi mavjud.

  • Multiport – bu qo‘shimcha kanal ikki yoki undan ortiq gadjet uchun aksessuar xarid qilganingizda kerak bo‘ladi. Bitta garnituraning o‘zi telefon, planshet, noutbuk uchun ishlatilishi mumkin. Shuningdek, multiport ikkita mobil telefon (shaxsiy va ish yuzasidan) ishlatganda asqatadi.

  • Ta’sir masofasi – 10-30 metrni tashkil etadi. Agarda telefon siz bilan bir uyda (yoki ofisda) bo‘ladigan bo‘lsa, bu boradagi minimal ko‘rsatkich ham yetarli. Masofadan ishlash uchun ta’sir radiusi maksimal uzoqqa yetadigan variantlaridan olgan ma’qul. Chunki devor va boshqa to‘siqlar bo‘lsa, ta’sir radiusi kichrayadi.

Bluetooth-garnituralarning boshqa xususiyatlari

Aksariyat Bluetooth-garnituralar telefonlarga mo‘ljallangan. Biroq boshqa maxsus modellar ham chiqqan:

  • kompyuter uchun;

  • konferensiyalar uchun;

  • yugurish mashqlari uchun.

 

Aksessuarlar bir qator foydali qo‘shimcha elementlarga ham ega bo‘lishi mumkin. Brendlar quyidagicha modifikatsiyalarni taklif etishadi:

  • bo‘yinga tashlab qo‘yiluvchi gardishli;

  • tovushni suyak orqali uzatuvchi;

  • eshitish apparati funksiyali;

  • shovqin to‘suvchi.

 

Brend muhim o‘rin tutadi. Mashhur ishlab chiqaruvchilarning mahsulotlarini tanlagan ma’qul. Ular aksessuarning tarkibiy qismlari sifatli, terilishi ishonchli bo‘lishini kafolatlaydi. Asaxiy internet-do‘konidan siz quyidagi brendlarning blyutuz-garnituralarini olishingiz mumkin:

  • Awei;

  • Xiaomi;

  • Plantronics;

  • Hoco;

  • Honor.

 

O‘zbekiston hududida yetkazib berish bir necha kun ichida amalga oshadi. Toshkentda esa bir sutkadayoq buyurtmangizni qo‘lingizga olishingiz mumkin. Eltib berish shartlari haqidagi batafsil ma’lumotlarni saytning tegishli bo‘limidan olasiz.

Qo`llab-quvvatlash xizmati
Chat turini tanlang!