TOP
  • Mijoz tanlovi

  • Yuqori reyting va yaxshi sharhlar

Biryusa 120 sovutgichi
Biryusa 120 sovutgichi
Biryusa 120 sovutgichi
Biryusa 120 sovutgichi
Biryusa 120 sovutgichi
Biryusa 120 sovutgichi
Biryusa 120 sovutgichi
0 ta sharh
3 699 000 so'm
450 100 so'm x 12 oy
TOP
  • Mijoz tanlovi

  • Yuqori reyting va yaxshi sharhlar

Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
Midea MDRM691MIE46 sovutgichi
1 ta sharh
12 349 000 so'm
1 502 500 so'm x 12 oy

Sovutgichlar oziq-ovqat mahsulotlarini past haroratlarda saqlashga mo‘ljallangan jihozlardir. Zamonaviy modellar mahsulotlarni muzlatib tashlamasdan, tez va bir xil sovishini ta’minlaydi, elektron boshqaruvga ega va ortiqcha shovqin chiqarmaydi. Takliflarning ko‘pligi bois, sovutgich sotib olishdan oldin, ularnng xususiyatlari va tasnifi bilan tanishib chiqish kerak.

Kameralar soni

Kameralar va eshiklar soniga qarab, sovutgichlarning 4 turi mavjud:

  1. Bir kamerali – uskunada bitta umumiy eshik, katta sovutish kamerasi va ichki eshik bilan yopilgan kichik o‘lchamli muzlatgich mavjud. Bunday modellar 2-3 kishilik oila uchun javob beradi. Ular kichik oshxonalarda tokchada yoki ish stoli ostida o‘rnatilishi mumkin.
  2. Ikki kamerali – ikkita mustaqil bo‘lmali modellar, ularning har biri alohida eshikka ega. Ulardagi muzlatgichning o‘lchami bir kamerali modellardagiga qaraganda ancha katta. U yuqorida yoki pastda joylashgan bo‘lishi mumkin. Bundan tashqari, muzlatgichi yanada yaxshi muzlaydi va ko‘pincha rejim sozlamalari mavjud.
  3. Side-by-Side (qo‘sh tabaqali) – yonma-yon eshikli katta birliklar. Ulardagi muzlatgich hamda sovutgich kameralari o‘zaro parallel ravishda vertikal joylashgan.
  4. Ko‘p eshikli – uchta yoki to‘rtta bo‘lmali modellar, ularning har birida alohida eshik mavjud. Boshqa sovutgichlardan farqli o‘laroq, bunday dizaynlar juda ko‘p joy talab qiladi.

Agar siz ixcham va hamyonbop modelini sotib olishni istasangiz, bitta kamerali qurilmaga e’tibor bering. U sizga kerak bo‘lgan hamma narsani o‘z ichiga oladi. Umumiy foydali hajmi 160-300 litrni tashkil qiladi. Agar sizga katta oila uchun sovutgich kerak bo‘lsa, unda siz ikki kamerali va ko‘p eshikli modellarga qarashingiz kerak. Ular funksionallik va katta kamera hajmi bilan ajralib turadi – 300 dan 700 litrgacha.

Qo‘llanish vazifasi

Ishlatishdan ko‘zlangan maqsad bo‘yicha sovutgichlar quyidagi turlarga bo‘linadi:

  • Sharob saqlash uchun – qurilmalarda harorat sozlamalari va begona hidlardan himoya qilish uchun uglerod filtrlari mavjud. Ulardagi shishalar gorizontal holatda joylashtiriladi.
  • Muzlatgichsiz – oziq-ovqat mahsulotlarini uzoq muddatli muzlatish talab etilmaganda, dala hovlida foydalanish uchun eng yaxshi variant.
  • Muzlatgichlar – sovutgich kamerasiga ega bo‘lmagan va oziq-ovqat mahsulotlarini uzoq muddatli saqlashga mo‘ljallangan, shkaf ko‘rinishidagi modellar.
  • Yotiq muzlatgichlar – yarim tayyor mahsulotlarni saqlash uchun katta o‘lchamli qurilmalardir. Do‘konlar, oshxonalar va restoranlarga mos keladi.
  • Mini sovutgichlar – mehmonxonalarda ko‘p uchraydigan ixcham, bir kamerali modellardir. Tez-tez sayohat qiladigan, lekin qulay yashash sharoitlarini afzal ko‘radiganlar uchun yaxshi variant.

Asosiy funksiyalarga qo‘shimcha ravishda, zamonaviy sovutgichlarning ko‘pchiligida qo‘shimcha imkoniyatlar mavjud. Bularga kameralarning antibakterial qoplamasi, ovozli signal, tezlashtirilgan muzlatish rejimi kiradi. Ba’zi modellar tozalik hududi bilan jihozlangan – u yerda harorat har doim 0°C atrofida saqlanadi.

Kompressor turi

Sovutgichlarni tayyorlashda ishlab chiqaruvchilar har xil kompressorlardan foydalanadilar. Eng mashhur turlarga quyidagilar kiradi:

  • An’anaviy – oddiy dizaynga ega va tarmoqdagi kuchlanish sakrashlariga chidamli pistonli kompressor. Uzoq muddatli uzluksiz ishlashga dosh beradi. Puflaydigan va so‘radigan klapanlari ta’sirida tizim xladagentni harakatga keltiradi, bu esa sovutgich kamerasida past haroratni ta’minlaydi. Qurilmaning kamchiliklari – shovqinning yuqori darajasi, ish paytida titrash, buzilib qolsa ta’mirlash qiyinligi.
  • Liniyali – yuqori samarador kompressor, belgilangan parametrlarga erishilganda o‘chadi. Agar harorat yuqoriroq bo‘lsa, u sovutish rejimiga o‘tadi. Sensor bu vaqtda haroratni nazorat qiladi. Agar parametr belgilangan qiymatga tushib qolsa, qurilma o‘chadi. Liniyali kompressor kuchlanishning keskin o‘zgarishiga chidamli, ammo jiddiy kamchilikka ega – shovqin darajasi yuqori.
  • Invertorli – motor chastotasi sozlanuvchi valga ega va o‘chmasdan to‘liq quvvat bilan ishlaydi. Belgilangan haroratga yetgach, dvigatel tezlikni minimal darajaga tushiradi, bu esa harorat rejimini keskin o‘zgarishlarsiz saqlashga imkon beradi. Ular ko‘proq bardoshli qurilmalar hisoblanadi. Ularda shovqin darajasi past.

Sovutgich kamroq elektr energiyasini iste’mol qilishini istasangiz, invertorli dvigatelli qurilmani tanlang. Chiziqli turdagi qurilmalardan farqli o‘laroq, u 20% gacha kamroq elektr energiyasini iste’mol qiladi.

Sovutish turi

Sovutish turi bo‘yicha sovutgichlar 3 xil:

  1. Statik – bir yoki ikkita dvigatelga, muzlatish va sovutish kamerasi uchun alohida konturlarga ega. Sovutish prinsipi – kerakli haroratga erishilgunga qadar sovutish konturida gaz harakatlanadi.
  2. Dinamik – sovutish prinsipi statik turga o‘xshaydi. Faqatgina farq – sovutgich kamerasida ventilyator mavjudligi. Bu sovuqning bir tekis taqsimlanishini ta’minlaydi va oziq-ovqatning sarxil turish vaqtini uzaytiradi. Dinamik va statik tizimlar yiliga 1-2 marta qo‘lda muzdan tozalanishi kerak.
  3. No Frost – tizim yangi avlod sovutgichlarida qo‘llaniladi. U qo‘lda muzdan tozalashni talab qilmaydi, sovuqni hosil qilmaydi va oziq-ovqatni muzlashdan himoya qiladi. Xonadagi havo aylanishi tufayli optimal harorat doimo saqlanadi.

Sovutgichni muzdan tozalashga vaqt sarflashni xohlamasangiz, No Frost tizimiga ega modelni tanlang. Ushbu qurilma quruq sovutish prinsipi asosida ishlaganligi sababli, unga yangi sabzavot va mevalarni joylashtirishdan oldin ularni plastik o‘ram bilan o‘rab oling. Shunday qilib, ular qurib ketmaydi va ko‘rinishni uzoqroq saqlaydi.

Mashhur brendlar

Sovutgichning ishonchliligi va chidamliligi, texnik yechimlari, dizayni brendga bog‘liq. Mijozlarning sharhlariga ko‘ra, eng yaxshi sovutgich ishlab chiqaruvchilari quyidagilarni o‘z ichiga oladi:

  • Bosch;
  • Samsung;
  • LG Electronics;
  • Candy;
  • Hofmann;
  • Midea.

Bosch brendi assortimenti bir yoki ikkita kamerali, No Frost tizimli va No Frost tizimsiz, mustaqil va o‘rnatilgan modellarni o‘z ichiga oladi. Kompaniya, shuningdek, barcha standart funksionallikdan tashqari, namlikni nazorat qilish tizimi, muz generatori kabi yangi imkoniyatlarga ega yirik Side-by-Side qurilmalarni ishlab chiqaradi.

Samsung nafaqat sovutgichlarning ishonchli ishlashi, balki turli dizayn va ranglari bilan ham xaridorlarni xursand qiladi. Qurilmalar ishlab chiqarishning barcha bosqichlarida qattiq nazoratdan o‘tadi.

LG Electronics brendining sovutgichlari nisbatan arzon, ammo funksional va sifatli. Ular innovatsion Total NF tizimi bilan jihozlangan, buning yordamida qurilma muzdan tozalashni talab qilmaydi. Kompressorlar juda jim va energiya tejamkor.

Candy, Hofmann va Midea sovutgichlari turli dizayn va o‘lchamlarda taqdim etilgan. Zamonaviy shovqin izolyatsiyalovchi materiallar tufayli ular ayniqsa jim ishlaydi. Tez sovutish funksiyasi eng qisqa vaqt ichida yangi ovqatni sovutish imkonini beradi.

Toshkentda sovutgich sotib olish

“Asaxiy” internet-do‘koni jahonning yetakchi ishlab chiqaruvchilari sovutgichlarini arzon narxlarda taklif etadi. Uskunalarga veb-sayt yoki Telegram kanali orqali buyurtma berishingiz mumkin. Toshkent shahri aholisi uchun tovarlarni ombordan o‘zingiz olib ketish imkoni ham mavjud. Buyurtmani O‘zbekistonning boshqa shaharlariga transport kompaniyasi orqali yetkazib berish mumkin. Agar sizda biron bir savol bo‘lsa, menejerga telefon orqali murojaat qilishingiz mumkin.

Qo`llab-quvvatlash xizmati
Chat turini tanlang!