Tugmachali telefonlar

Tugmachali telefon – ishonchlilik va munosib narx uyg‘unligi

Tugmachali oddiy telefon hech qachon o‘z dolzarbligini yo‘qotmaydi. U kamroq funksiyalar to‘plamiga ega oddiy apparat hisoblanadi. Bunday modellarni aynan aloqadan – qo‘ng‘iroqlar va SMSlardan foydalanuvchi kishilar tanlashadi.

Tugmachali telefon kimga kerak?

Tugmachali devayslarni ko‘pincha zamonaviy smartfonlarning funksionalini uncha tushunavermaydigan keksalar uchun olishadi. Elektronika ishlab chiqaruvchilar hatto yoshi ulug‘lar uchun alohida qurilmalar turkumlarini ham taqdim etishadi. Xalq tilida ularni “buvifon” ham deyishadi. Aksariyat hollarda mazkur turkumga yirik tugmachali gadjetlar kiradi.

Ota-onalar o‘z farzandlariga ham, bola ko‘chada payti u bilan aloqada bo‘lib turish uchun shunaqa oddiy gadjetlar olib berishadi. Axir, harakatli o‘yinlar paytida bola smartfonni sindirib qo‘yishi mumkin – mazkur devays asfaltga tushsa zarbaga dosh bermaydi. Tugmachali telefon esa bunaqa to‘qnashuvlarga chidamli. Uning arzonligini hisobga olsak, apparat sinib qolsa ham cho‘ntakka aytarli ziyon yetmaydi; smartfonning sinishi esa qimmatga tushadi.

Kamerasiz va sensor ekransiz oddiy gadjetlardan foydalanuvchi yana bir necha toifa kishilar bor. Masalan, harbiylarga xizmat burchi yuzasidan yonida smartfon olib yurish taqiqlangan. Maxfiy muhofaza tashkilotlari xodimlari uchun ham shunday taqiq amalda.

Tugmachali telefonlarning afzalliklari

Bunday apparatlar ayrim jihatlariga ko‘ra chindanam texnologik yuksak smartfonlardan ustun turadi. Klaviaturali gadjetlarning afzalliklari:

• Arzon narx – tugmachali devays sensor ekranli qurilmadan sezilarli farq bilan arzon turadi. Bu omil uning terilishi soddaligi va kam miqdorda mikrosxemalar qo‘llanishi bilan bog‘liq.

• A’lo darajali aloqa – smartfonlarda asosiy e’tibor qo‘ng‘iroqqa emas, balki veb-serfing va kamera kuchliligiga qaratiladi. Shuning uchun, hatto ilg‘or flagmanlarda ham zaif tomoni aloqa bo‘lishi mumkin. Sensor ekransiz apparatlar esa hatto kuchsiz signalni ham ushlay oladi. Shuning uchun antennasi kuchli devayslarni turistlar ham tanlashadi – ular bir necha kunni aholi yashash joylaridan uzoqda o‘tkazishlariga to‘g‘ri keladi.

• Avtonomlik – tugmachali telefon bir necha kun davomida zaryadni ushlab turadi. Baquvvat batareyali modellarni haftasiga bir martadan ko‘p quvvatlash talab etilmaydi. Bular esa mazkur devayslarning smartfonlardan ko‘ra kamroq ishlatilishi bilan bog‘liq.

• Shaxsiy ma’lumotlar xavfsizligi – tugmachali telefonlarning o‘ta kam qismi Android tizimida ishlaydi. Ko‘pincha bunlay devayslarda operatsion tizim bo‘lmaydi. Soft yo‘qligi esa shaxsiy ma’lumotlarning xavfsizligini oshiradi. Xakerlar istalgan platformani buzib kirib, qimatli ma’lumotlarni o‘g‘irlashlari mumkin. Shuning uchun davlat xizmatchilari ko‘pincha smartfon emas, balki klaviaturali telefon ishlatishadi.

• Boshqarish qulayligi – tugmachali telefonlarning funksionalini istalgan kishi tushuna oladi. Qo‘ng‘iroq qilish yoki xabar jo‘natish uchun bir nechta tugmachani bosish kifoya.

• Ixchamlik – bu devayslarda ichki qismlar ham kam, shuning evaziga o‘lchamlari ham kichik bo‘ladi. Tugmachali gadjet istalgan cho‘ntakka sig‘adi, uning vazni sezilmaydi ham.

• Chidamlilik – apparat ko‘p yillar mobaynida xizmat qiladi va eskirmaydi. Smartfonlar turkumi esa muntazam yangilanib turadi. Binobarin, sensor displeyli smartfonlarning oldingi modellari tez eskirib qoladi.

Tugmachali telefon qanday tanlanadi

Bunday qurilma xaridida quyidagi kabi parametrlariga qarash kerak:

• Form-faktor – monoblok yoki raskladushka. Birinchi variant korpusi yaxlit bo‘ladi. Ikkinchisi esa kitobcha kabi ochilib-yopiladi.

• Tezkor xotira – u telefonning ko‘p vazifalilik rejimida tez ishlashiga mas’ul. Oddiy telefonlarga katta hajmli tezkor xotiraning keragi yo‘q, chunki ular kam funksionalga ega. Ular ko‘pi bilan 2 gigabaytlik tezkor xotira bilan chiqariladi.

• Doimiy xotira – uni ichki xotira yoki saqlagich deb ham atashadi. U qurilmada ma’lumotlarni saqlashga xizmat qiladi. Tugmachali telefonlarning imkoniyatlari aytarli ko‘p bo‘lmagani uchun, unga katta hajmli saqlagich ham kerak emas. Odatda bu ko‘rsatkich 128 gigabaytgacha bo‘ladi.

• Akkumulyator sig‘imi – bu ko‘rsatkich telefonning avtonomligini belgilab beradi. O‘rtacha holatda ular 3000 mA/soatgacha sig‘imdagi batareya bilan ta’minlanadi. Shuning o‘zi bitta quvvatda bir necha kun ishlashga kifoya qiladi.

• Kamera mavjudligi va uning kuchi – tugmachali telefonlarning ayrim modellari ob’ektivga ega. Ammo ular smartfonlar kameralari kabi kuchli emas. Shunga qaramasdan, modul fotochaqnoq va avtofokus bilan ta’minlangan bo‘lishi mumkin.

Korpus mustahkamligi uning materialiga bog‘liq. Odatda plastik yoki metall qo‘llanadi. Birinchi variant – arzon, ammo uncha mustahkam emas. Plastik turli ranglarda bo‘lishi mumkin, shundan kelib chiqib, telefonlar korpusi qora, oq, qizil, sariq va boshqa tusli variantlarda taqdim etiladi. Metall korpusli telefonlar “o‘ldirib bo‘lmas” bo‘ladi, ammo ancha og‘ir keladi.

Kommunikatsiyalar va qo‘shimcha funksiyalar

Tugmachali telefon sotib olishda uning kommunikatsiya imkoniyatlariga va funksionaliga e’tibor berish kerak. Quyidagi kabi devayslar taqdim etilgan:

• Qo‘lchiroqli – hozirda fonarik ko‘plab telefonlarda bor. Ayniqsa sayohatchilar uchun uning nafi katta.

• Ikkita SIM-kartali – siz turli operatorlar aloqalaridan foydalana olasiz. Ular har xil xizmatlar uchun sizga foydali aksiyalar taklif etib turishadi. Aytaylik, bitta operatorda xorijga qo‘ng‘iroqlar uchun manfaatli tarif, boshqasida esa arzon internet bo‘lishi mumkin.

• Wi-Fi modulli – tugmachali telefonlarning ko‘pchiligi veb-serfing funksiyasiga ega. Siz saytlarga kirishingiz, messenjerlarda va ijtimoiy tarmoqlarda muloqot qilishingiz mumkin.

• 3G standartli – telefonlar SIM-karta orqali internetga kira oladi. Tezlik esa operatorga bog‘liq.

• 4G standartli – bu tarmoq turi 3G standartini siqib chiqargan. Biroq tugmachali telefonlarning aksariyati uni qo‘llamaydi.

• Katta ekranli – bunday variantlarni katta yoshli yoki ko‘rishda muammosi bor kishilar uchun olishadi.

• Kuchli dinamikli – bular ham keksalarga qulay. Shuningdek, u musiqani quloqchinsiz tinglash imkonini ham beradi.

Boshqa foydali funksiyalar:

• Bluetooth;

• Mini-Jack;

• USB;

• FM-radio;

• qo‘shimcha displey.

Asaxiy’dan xaridning o‘ziga xosliklari

Brend muhim ahamiyat kasb etadi. Telefon qismlarining va ular terilishining sifati aynan shunga bog‘liq. Asaxiy internet-do‘konidan siz quyidagi markalarga mansub tugmachali telefonlarni olishingiz mumkin:

• Nokia;

• Samsung;

• BQ;

• Itel.

To‘lovning har xil turlari amal qiladi – onlayn, naqd pulda, naqd pulsiz, bank kartasi orqali. O‘zbekiston bo‘ylab yetkazish bir necha kun mobaynida amalga oshadi. Toshkentda esa bir kundayoq buyurtmani qo‘lingizga olishingiz mumkin.

Uyali telefon qanday tanlanadi