Kir yuvish mashinasi qanday tanlanadi

Uy yumushlarini yengillashtiruvchi qurilmalar orasida birinchi o‘rinda kir yuvish mashinasi turadi. Ushbu texnika jihozi tufayli kir yuvish jarayoni ikkita oddiy harakatdan iborat bo‘lib qoladi: yuviladigan kiyimlarni unga solish va olish. Zamonaviy kir yuvish agregatlari juda ko‘p miqdordagi funksiyalar bilan ta’minlangan bo‘lishi mumkin: talab etiladigan kir yuvish vositasi miqdorini avtomatik aniqlashdan tortib qaynoq bug‘, muvozanat buzilishini nazorat qilish va suvni tejashgacha.

Bu maishiy texnika bir necha yil ishlatishni ko‘zlab olinadi, shu boisdan uni tanlashda barcha nozik jihatlarini hisobga olib, jiddiy yondashish darkor. Texnik parametrlarini o‘rganib chiqishdan erinmagan ma’qul, aks holda tanlovda adashib qolish, ya’ni eskirgan yoki keraksiz funksiyalar bilan to‘ldirib tashlangan modelidan olib qo‘yish hech gapmas.

Bu mahsulot turi, o‘lchami, yuviladigan kirlarni yuklash usuli, elektr energiyasi sarfi, dvigateli va boshqa xususiyatlariga ko‘ra tasnif qilinadi.

Kir yuvish mashinalarining tuzilishi: xossalari, farqlari, parametrlari

Garchi har xil turlari ko‘p, eng ommabop ishlab chiqaruvchilar taklif etayotgan assortimenti keng bo‘lsa-da, kir yuvish mashinalarining konstruksiyasi (tuzilishi) bir nechtagina, xolos:

  • Tor – chuqurligi 40 sm.gacha bo‘lgan agregatlar; ular kichkina vannaxonaga yoki oshxonaga yaxshi o‘rnashadi.

  • To‘liq o‘lchamli – chuqurligi 60 sm.ni tashkil etadi, eni 60–85 sm.ga, balandligi esa 85–90 sm.ga boradi; bunday modellar keng joylarga mo‘ljallangan.

  • Ixcham – balandligi klassik va nostandart (70 sm.gacha) bo‘lishi mumkin, chuqurligi esa cheklangan bo‘lib, 34 sm.dan oshmaydi.

  • O‘rnatiluvchi – bevosita mebelning korpusi ichiga o‘rnatiladi, bu bilan uning fasadini yashirish imkoni tug‘iladi.

Kir yuvish mashinasining kiyimlarni yuklash usuli bo‘yicha bir qarorga kelishdan avval, unga ajratilgan maydonga aniqlik kiritib oling. Xonalarda katta o‘lchamli texnikaga joy hamisha ham topilavermaydi. Ba’zida esa hatto kir yuvish mashinasini o‘rnatishning yagona varianti – faqat tor modelini olish bo‘lib qoladi. Ayrim hollarda oldidan yuklanuvchi mashinaning eshigi ochilganida, xonadan qo‘shimcha 40 sm bo‘sh joy talab etadi va uni shunchaki ochish uchun joy yetishmaydi. Bunday vaziyatda yuqorisidan yuklanuvchi kir yuvish mashinasini tanlash yo‘li so‘nggi yechim bo‘ladi.

Yuviladigan narsalarni yuklashning turlari turlicha bo‘lgan mashinalarning ishlashida farq bor, degan xato tushuncha mavjud. Aslida esa har ikki turdagilari kirlarni bir xilda yaxshi yuvadi, xizmat qilish muddati ham taxminan bir xil. Ikkala variantdan har biri o‘ziga xos ijobiy va salbiy jihatlarga ega:

  • Oldidan yuklanuvchi – ushbu segmentda eng ommabop hisoblanadi, tuzilmaning o‘ziga xos uslubdagi dizayni va mebel ichiga o‘rnatish imkoni – mazkur formatning asosiy afzalliklaridir.

  • Ustidan yuklanuvchi – ancha ixcham qurilmalar: chuqurligi 60 sm.dan oshmaydi, eni 40–45 sm.lar keladi; bu esa joyni tejash imkonini beradi.

Oldidan yuklanuvchi modellar bozorda yetakchi o‘rinni egallagan va bunday konstruksiyalar orasida tanlov katta. Aksariyat foydalanuvchilar ularning asosiy ustunliklaridan biri sifatida sig‘imdorligini ko‘rsatishadi: mazkur modellarda bu ko‘rsatkich 14 kg.gacha boradi. Eng universallari esa 9 kg.gacha bo‘lganlaridir – ular o‘rtacha oila uchun eng mos variant bo‘ladi. Kiyimlar old tomonidan solinuvchi mashinalarning salbiy jihati esa o‘lchami kattaligi hamda joylashtirish muammolaridir.

Kirlar tepa tomonidan yuklanuvchi kir yuvish mashinalarining asosiy kamchiligi esa bir xil dizayn hisoblanadi. Yana bir muhim joyi – ularning ustini narsalar qo‘yiluvchi tokcha sifatida qo‘llash imkonsiz.

Kir yuvish mashinalarining toifalari

Ishlab chiqaruvchilar modellar qatorini muntazam tarzda kengaytirib borishadi, shu boisdan o‘z byudjetingiz va talablaringizga yarasha tanlov qilish aytarli qiyinchilik tug‘dirmaydi. Lekin, agar joy bemalol, oilangiz o‘rtacha, haftasiga bir-ikki marta kir yuviladigan bo‘lsa, unda ko‘pchilikka mos keluvchi – to‘g‘ridan-to‘g‘ri uzatmali konstruksiyani tanlaganingiz ma’qul.

Kir yuvish moslamalarining toifalari:

  • Avtomat – funksiyalari ko‘pligi va zamonaviy dizayni bilan ajralib turadi; bu – barchamiz o‘rganib qolgan, yuvib-siqadigan modellar.

  • Yarim avtomat – unchalik ommabop emas, biroq markaziy vodoprovod mavjud bo‘lmagan joylarda keng qo‘llanadi.

  • Quritgichli – qo‘shma turdagi kir yuvish agregatlari ikkita qurilmani bittasida birlashtirish hamda xonada joyni tejash imkonini beradi.

  • Quritish mashinalari – alohida tur qurilmalar bo‘lib, kir yuvishning asosiy sikli tugagach, kiyimlarni sifatli quritish uchun qo‘llanadi.

Avtomat kir yuvish mashinalari

Bu toifasi bozorda eng xaridorgir bo‘lib, maishiy hayotda eng ko‘p qo‘llanadi. Uning keng funksionalga egaligi kir yuvish jarayonida inson ishtirok etmasligiga imkon beradi. Foydalanuvchi faqat uning barabaniga kirlarni joylashi, kukunni solishi va yuvish dasturini tanlashi kifoya. Avtomatik kir yuvish mashinasi quyidagi funksiyalar bilan ta’minlangan:

  • ivitish;

  • tungi kir yuvish rejimi;

  • qo‘shimcha chayqash;

  • yakuniy chayish;

  • siqish;

  • quritish (opsional).

Ko‘plab avtomatik kir yuvish mashinalari ishlatiladigan kukunni o‘zi nazorat qilish va bunda yuvish sifatini buzmaslik xususiyatiga ega. Bu toifadagilarning narxi yarim avtomat kir yuvish moslamalarnikidan baland, lekin kir yuvuvchi-qurituvchi mashinalarnikidan pastroq.

Yarim avtomat kir yuvish mashinalari

Bu toifa muayyan iste’molchilar guruhiga mo‘ljallangan. Unda kir yuvish jarayoni kishining muntazam aralashuvini talab etadi. Mashinaga yuviladigan kiyimlarni yuklashdan tashqari, nafaqat yuvish dasturini tanlash, balki qaynoq suv quyish lozim. Yuvish tugagach esa narsalarni barabandan olish va siquv bo‘lmasiga solish kerak bo‘ladi.

Yarim avtomat kir yuvish mashinalarining o‘lchamlari katta va bu holat torroq joylarda muammo bo‘lishi mumkin. Katta bo‘lsa-da, qurilmaning o‘zi yetarlicha mobillikka ega. Markaziy suv va kanalizatsiya tizimlariga ulash ehtiyoji yo‘qligi tufayli esa, uni o‘zingizga qulay bo‘lgan istalgan joyga ko‘chirib qo‘ya olasiz. Boshqaruvning mexanik turi qo‘llashda hech qanday qiyinchilik tug‘dirmaydi. Yarim avtomat kir yuvish mashinalarini ishlab chiqaruvchi brendlar ko‘pincha bir xil dizayn va ranglar gammasiga amal qilib kelishadi.

Kir yuvish-quritish agregatlari

Mablag‘ masalasida muammosi bo‘lmagan xaridorlar vannaxonada yoki oshxonada joyni tejash maqsadida shunaqa qo‘shma apparatlarni ma’qul ko‘rishadi. Bunda yuvilgan kiyimlarni quritish uchun yoyish ham, ba’zilarini hatto dazmollash ham kerak bo‘lmaydi. Quritish funksiyasi kvartirada balkon yoki kir yoyish uchun dor bo‘lmagan holatlarda juda qo‘l keladi.

Qish davrida kir yuvish va quritish rejimi kiyimlarni bir tekisda tezkor quritish imkonini beradi. Buning uchun qurilma konstruksiyasida maxsus qizdiruvchi element ko‘zda tutilgan. U havoni ma’lum darajagacha isitadi va hozirgina yuvilgan kiyimlar joylashgan bakka yetkazib beradi. Texnik jarayon ancha sodda: issiq havo mato orasiga kiradi va namlikni olib chiqib ketadi, bu namlik maxsus bo‘lmada kondensat shaklida cho‘kadi. Barabanning turli tomonlarga aylanishi esa kiyimlarning bir tekisda qurishini ta’minlaydi.

Kir yuvish mashinalarining asosiy xususiyatlari

Ushbu maishiy texnika jihozining ishlab chiqaruvchilari uning funksionalligiga ta’sir ko‘rsatuvchi to‘rtta eng muhim jihatni ta’kidlab ko‘rsatishadi. Xaridor ushbu ko‘rsatkichlarini taqqoslab, u yoki bu modelida to‘xtaydi:

  • yuklash hajmi (kg);

  • siqish tezligi;

  • bug‘ funksiyasi;

  • displey.

Asaxiy.uz onlayn do‘koni katalogida 4 kg.dan 17 kg.gacha hajmdagi modellar taqdim etilgan. Oila a’zolari sonidan kelib chiqib, baraban hajmi bo‘yicha bir qarorga kelish oson:

  • yakka kishi uchun – 4 kg.gacha;

  • 2–3 kishilik xonadonga – 4 kg.dan 6 kg.gacha;

  • ikki bolali oila uchun – 5–8 kg;

  • besh kishidan ortiq xonadon uchun – 8 kg va undan yuqorisi.

Siqishning maksimal tezligi ko‘rsatkichlari turlicha bo‘ladi:

  • mavjud emas;

  • minimal – daqiqasiga 300 dan 900 aylanishgacha;

  • o‘rtacha – daqiqasiga 1000 dan 1200 aylanishgacha;

  • yuqori – daqiqasiga 1300 dan 1600 aylanishgacha.

Kir yuvish mashinasi xarid qilish oldidan brendni tanlash, oilaning unga qo‘yadigan talablari va mablag‘ masalasiga aniqlik kiritish lozim. Ayrim hollarda kerakli modelni qanday tanlash va nimalariga e’tibor qaratish zarurligini faqat professional konsultant aytishi mumkin.

Asaxiy.uz internet-do‘konidan olishning afzalliklari

Uydan chiqmay turib Asaxiy.uz internet-do‘konidan kir yuvish mashinasi xarid qilish mumkin. Saytdagi filtrlarni qo‘llasangiz, kerakli tovarni izlash ancha oson kechadi. Savollar tug‘ilsa mijoz istalgan paytda qo‘llab-quvvatlash xizmatiga murojaat etishi va batafsil maslahat olishi mumkin. Asaxiy.uz onlayn do‘konida doimiy chegirmalar tizimi amal qiladi, shuning uchun tovarni manfaatli narxda olish imkoni mavjud. Shuningdek, maishiy texnika jihozlarining barcha turlariga muddatli to‘lov ham yo‘lga qo‘yilgan.

asaxiy app image

Sizning internet do'koningiz