Kiyim quritgichlar

Kiyim quritgichlar – qulay va hamyonbop

Kvartirada kiyim quritgich – kirlarni yuvgandan keyin ilib quritadigan yig‘ma jihoz bo‘lmasa qiyin. Bu – bir nechta chiviqli ixcham moslama. Quritgichlar o‘lchami, tayyorlangan materiali, chiviqlar soni va funksional imkoniyatlariga ko‘ra farqlanadi. Shuning uchun, bir qarashda oddiy tuyulgan mazkur qurilmani tanlashga ham mas’uliyat bilan yondashish kerak.

Kiyim quritgichlarning afzalliklari

Ushbu moslamalar quyidagi ijobiy jihatlarga ega:

• Mobillik – qurilmani o‘zingizga qulay istalgan joyda qo‘ysangiz bo‘ladi: balkonda, verandada, xonada. Uni hatto kiyimlar ilingan holatida ham ko‘chirib o‘tkazish oson. Eng yirik modellari esa ko‘chirish uchun g‘ildirakchalarga ega.

• Ixchamlik – polga qo‘yiluvchi quritgich ko‘p joy egallamaydi. Yig‘ilgan holatida esa uni shkafda, omborxonada yoki mebel ortida ham saqlasa bo‘ladi.

• O‘rnatish osonligi – moslama xuddi kitobdek yoyib qo‘yiladi, buni hatto yosh bola ham uddalaydi. Ko‘pchilik modellarida balandligini sozlash imkoni ham ko‘zda tutilgan, shuningdek, ko‘tarib qo‘yiladigan bloklari ham bo‘lishi mumkin.

• Hamyonbop narx – kiyim quritgich oddiy tuzilishga ega. Binobarin, uning narxi ham baland emas. Ularning bahosi qurilmaning o‘lchami va funksional o‘ziga xosliklaridan kelib chiqadi.

Kiyim quritgichlarning turlari

Tuzilish xususiyatlariga ko‘ra bu jihozlar ikki turga ajratiladi:

• Yoyiluvchi gorizontal – eng oddiy yig‘ma variantlar. Ular bir nechta chiviqli yagona tokcha bo‘lib ochiladi. Ayrim modellarida qo‘shimchasiga yonlarida ochiluvchi bloklari ham bo‘ladi.

• Ko‘pqavatli vertikal – bunaqa tuzilmalarda tokchalar bir-birining ustida joylashadi. Ular tor xonalarga juda mos tushadi. Bunday quritgichlarning balandligi 2 metrgacha borishi mumkin. Ular bloklar soniga va kengligiga ko‘ra farqlanadi.

Quritish usuliga ko‘ra mazkur moslamalar ikki toifaga bo‘linadi:

• Odatiy quritgichlar – eng oddiy mexanik modellar, ularda kiyimlar tabiiy usulda quritiladi. Polga qo‘yiluvchi bunday quritgichlarning asosiy afzalliklari – mobilligi va arzonligidir. Ularga rozetkaning keragi yo‘q. Tuzilishining soddaligi va qizdirish funksiyasi yo‘qligi sababli ular qimmat emas.

• Elektrik quritgichlar – isitiluvchi quritgichlar. Bunday variantlarning bosh ustunligi – kiyimlarni tez quritishidir. Ularning xivichlari 50 darajagacha qiziydi. Mazkur qurilmalar mutlaqo xavfsiz, bunday isitishda kuyib qolish ehtimoli yo‘q. Qo‘shimchasiga elektrik quritgichlar ultrabinafsha rang chiroqqa yoki ionizatsiya funksiyasiga ega bo‘lishi mumkin.

Polga qo‘yiluvchi kiyim quritgich qanday tanlanadi

Ushbu tur moslama xaridida uning tayyorlangan materialiga e’tibor berish kerak. Aksariyati metalldan yasalgan, ular mustahkamligi va ishonchliligi bilan ajralib turadi. Kiyim quritgichlar alyuminiy yoki zanglamas po‘latdan qilinadi. Allyuminiy metalli vaqt o‘tishi bilan qorayish xususiyatiga ega, shuning uchun odatda uni polimer bilan qoplashadi. Agar qoplama shikastlansa, metallning qorasi chiqib kiyimlarga yuqishi mumkin. Po‘lat konstruksiyalar og‘irroq va qimmatroq, ammo bu metall namlikka chidamli. U o‘zining dastlabki ekspluatatsion xususiyatlarini ko‘p yillar mobaynida saqlab qoladi.

Qurilmaning o‘lchamlari va unda bir martada quritish mumkin bo‘lgan kiyimlar miqdori chiviqlarning soni va uzunligiga bog‘liq. Mazkur ko‘rsatkichlar qancha yuqori bo‘lsa, quritgichning o‘zi shuncha katta bo‘ladi.

Moslamadan foydalanishning qulayligi uning qo‘shimcha imkoniyatlariga bog‘liq. Asaxiy onlayn do‘konidan quyidagicha tuzilish xususiyatlariga ega quritgichlarni xarid qila olasiz:

• tasodifiy yopilishdan himoyali;

• g‘ildirakchali;

• oyoq kiyimi uchun bo‘lmali.

Asaxiy xaridlarni butun O‘zbekiston bo‘ylab bir necha kun ichida eltib beradi. Toshkentda esa bu xizmat butkul bepul.