Mirach Chag‘ri Oqtosh Top 5 kitobi har bir kitobxon uchun kerak bo'lgan

  Mirach Chag‘ri Oqtosh Top 5 kitobi

1. Mirach Chag'ri Oqtosh: Hayot yutqazgan joyingdan boshlanar

Ushbu kitob asarida muallif muqaddas Qurʼoni Karimdagi suralar, payg‘ambarlar hayotidan ibratli voqealardan misollar, jahonga tanilgan ko‘plab mutafakkirlar, donishmand allomalarning purmaʼno fikrlaridan iqtiboslar keltirib, falsafiy mushohada yuritadi. U insonlarni ezgulikka, xayru saxovat ko‘rsatishga, doimo yaxshilik qilish va kek saqlamaslikka chorlab, sabr-qanoatli bo‘lishga undaydi; hayotdagi qiyinchiliklar Allohning bir sinovi ekani, ular oldida esankiramay, muammolarga yechim izlash, doimo olg‘a intilish zarurligini uqtiradi, o‘quvchida shukronalik tuyg‘ularini uyg‘otadi. Kitob keng kitobxonlar ommasiga mo‘ljallangan.

2. Mirach Chag‘ri Oqtosh: To‘siqlarga qaramay sevdik

Butun Turkiyada o‘zining minglab muxlislariga ega bo‘lgan Mirach Chag‘ri Oqtosh hozirda ham o‘qish, ham o‘z mualliflik kitoblarini ommaga taqdim qilish bilan mashg‘ul va mashhurdir.  "To‘siqlarga qaramay sevdik” yozuvchining eng talabgor va eng ko‘p adadda chop etilgan kitoblaridan sanaladi.
 

3. Mirach Chag‘ri Oqtosh: "Seni sevaman" dema, his ettir

Ushbu kitob sevishdan ham muhimroq narsalar bordir. His ettirish, iforidan bahra olib, o‘pish kabi... Baʼzan sevilishdan ko‘ra ko‘proq sevgan insoningizning borligini his etishni istaysiz. Borligini his eta olmagan insoningizni seva olmaysiz. Ayollar sevilganini eshitishdan ko‘proq buni his etishni istaydilar. Sevgan insonining sevgisini his etgan go‘zalroq ayol yo‘qdir dunyoda. Sevgan ayoliga sevgisini his ettiradigan erkakning ishqiga to‘yib bo‘lmaydi. Men bu kitobda o‘zimni senga his ettirish uchun yozdim. Men sevganim sari buni his ettirdim, sen his etganing sari uzoqlashding. Vaholanki, sen qalbimning go‘zal holati kabi... Va o‘sha kuni shunday ketdingki, men o‘zimni his etmay қўйдим.... Va shu qalb bilan seni sevishda davom etdim. Borligini his eta olmagan insoningizni seva olmaysiz...
 

4. Mirach Chag‘ri Oqtosh: O‘zingga xush kelding

Senga o‘zingdan boshqa hech kim kerak emas. Eng yomon kuningni esla: "Men yoningdaman", deganlar ko‘p edi, lekin o‘sha og‘ir kunlarda yolg‘iz qolib ketmadingmi? Yiqilgan payting yana o‘zingga suyanib, o‘rningdan turmadingmi? To‘yib ketgan paytlaring yolg‘iz yig‘lamadingmi? Sendan so‘rayapman, nomunosib odamlar uchun o‘zingga nisbatan yetarlicha nohaqlik qilmadingmi? Odamlar keladi va ketadi. Qoladigani esa faqat sensan. O‘zingga o‘zing uchun g‘amxo‘rlik qil. O‘zingni o‘zing uchun ehtiyot qil. Hamma ketadi, sen qolasan. Yiqilsang, o‘zing oyoqqa turasan. Yaralansang, yarangni o‘zing davolaysan. Har doimgidek senga “Yoningdaman” deydiganlar bo‘ladi va yana shuncha dardni bir o‘zing yengib o‘tasan. Kimdir seni quchib taskin berishiga ehtiyoj sezasan va atrofga boqasan. Tevarak atrofingda bunday kimsaga ko‘zing tushmaydi, yana o‘zingni bag‘ringga bosasan

5. Mirach Chag‘ri Oqtosh : Senga O‘xshashi yo‘q

Hayotingizga kirib kelgan insonlar hamda boshdan o‘tkazganlaringizning barchasi birma-bir hayotingiz oqimida o‘tib ketaveradi. Hammasining oxirida siz o‘zingiz bilan yana yolg‘iz qolasiz. Dard chekkaningizda, xursandchilik onlaringizda va yolg‘iz qolganingizda o‘zingizni yana-da yaxshiroq taniy boshlaysiz.

Shunda astoydil qilgan mehnatlaringizning, ko‘rsatgan muhabbatingizning hamda siz loyiq bo‘lgan hurmatning naqadar qiymatli ekanini anglaysiz.

Ana shuning uchun ham sevishni, avvalo, o‘zingizdan boshlang. Zero hayotingiz davomida eng uzun va qadrli munosabatni o‘zingiz bilan qurib borasiz. Olayotgan har bir nafasingiz, o‘tib borayotgan har bir oningiz aslo qaytib kelmaydi. Hayotingiz davomidagi bo‘shliqlarni esa faqatgina vaqt bilan to‘ldira olasiz. Buni aslo unutmang!