Dazmollar

Dazmol – uy bekasining tengsiz ko‘makchisi

Zamonaviy kvartirani dazmolsiz tasavvur qilib bo‘lmaydi. Ushbu jihoz pechka, muzlatgich va kir yuvish mashinasi qatori, ega bo‘lish shart hisoblangan buyumlar toifasiga kiradi.

Kiyimlarni tekislovchi birinchi moslama 18-asrda ixtiro qilingan. O‘shanda bu o‘choqda isitiladigan, qo‘lda yasalgan metall mahsulot edi. Hozirgi vaqtda bunday qurilmalar ishlatilmaydi. Zamonaviy dazmollar – elektr energiyasi bilan ishlaydigan ko‘p funksiyali qurilmalardir. Ular quyidagi afzalliklarga ega:

• tez isitish;
• ko‘pfunksionallik;
• narsalarga ehtiyotkorona munosabat.

Dazmollar narxlari bo‘yicha keng tanlov asosida taqdim etilgan. Narxlar qurilma turiga, rejimlar soniga, o‘rnatilgan funksiyalariga, ost yuzasining materialiga, qo‘shimcha imkoniyatlariga va aksessuarlariga bog‘liq. Shu bois, sotib olishdan oldin uning xususiyatlarini diqqat bilan o‘qib chiqishingiz va qurilma nimaga kerakligini o‘zingiz uchun aniqlab olishingiz lozim.

Dazmol turlari

Ushbu qurilmalar tuzilish turi va qo‘llanish maqsadiga ko‘ra farqlanadi. Bu xususiyatlariga ko‘ra ularni quyidagi turlarga bo‘lish mumkin:

• Bug‘li – suv idishi (rezervuari) bo‘lgan standart jihozlar. U kichik hajmga ega, ammo bu yubka yoki ko‘ylakdagi g‘ijimlarni tekislash uchun yetarli. Odatda, bug‘li dazmol jamlanmasida maxsus o‘lchov idishi bo‘ladi, uning yordamida idishni suv bilan to‘ldirish qulay. Suv yuqori harorat ta’sirida bug‘ga aylanadi. Foydalanuvchi uning ta’minoti intensivligini sozlashi mumkin.
• Safarga mo‘ljallangan – sayohatlarda olib olish uchun buklanadigan tutqichli ixcham modellar. Ularda suv idishi yo‘q, shuning uchun bunday variantlar kichik o‘lchamlarga ega. Ular sizning yuklaringiz orasida ko‘p joy egallamaydi va mehmonxonada dazmollash tizimi bo‘lmasa, tartibni saqlashga yordam beradi. Talabalar va tez-tez xizmat safarlariga boradigan odamlarga mini-dazmolsiz qiyin bo‘ladi. Modellarning afzalliklari aniq – bu o‘lchamlari kichikligi va arzonligi. Kamchiliklar orasida funksionali cheklanganligini ta’kidlash kerak.
• Simsiz – bu modifikatsiyalar o‘z nomiga to‘liq mos kelmaydi. Ular, aslida, dazmol va uning va tayanch tagligidan iborat. Taglikning rozetkaga ulanadigan vilkali simi bor. Qurilma taglikdan quvvat olib qiziydi, shundan so‘ng siz dazmollashni boshlashingiz mumkin. Ammo simli modellardan farqli o‘laroq, bunday qurilma ish paytida soviydi. Uni isitish uchun vaqti-vaqti bilan taglikka qo‘yib turish kerak. Simsiz model bolalar kiyimlarini dazmollashga juda mos keladi, lekin uni parda yoki choyshab uchun ishlatish qiyin.
• Bug‘ generatorli – bunday tizimlar dazmol va unga ulangan qozoncha – boylerdan iborat. Qozoncha yuqori bosim ostida bug‘ni yetkazib beradi, bu esa zich matolardagi murakkab burmalarni tekislash imkonini beradi. Bug‘latuvchi nafaqat dazmollaydi, balki narsalarni dezinfeksiya qiladi. Nozik matolarni unda vertikal holatida dazmollash mumkin.
• Dazmollash tizimlari – dazmol, bug‘latgich va dazmol taxtasini o‘z ichiga olgan to‘liq to‘plam. Bunday qurilmalar yuqori quvvati va katta o‘lchamlari bilan ajralib turadi. Ularni kvartiralar uchun sotib olmaslik kerak, ko‘pincha bu tizimlar professional maqsadlarda ishlatiladi.Ular atelyelar, mehmonxonalar, teatrlar va boshqa muassasalar uchun xarid qilinadi.

Ost yuza materiali – dazmolni tanlashda muhim mezon

Uskunaning narxi, vazni, parvarishlash qoidalari va matoga munosabat ost yuzaning qaysi materialdan tayyorlanganiga bog‘liq. Bu – kiyim bilan aloqa qiladigan ish yuzasining nomi. Variantlar:

• Zanglamaydigan po‘lat – arzon va mustahkam metall bo‘lib, kiyimdagi tugma, ilgak yoki zanjirsimon yopqichlarga teginishdan, tushib ketishlar va mexanik ta’sirlardan qo‘rqmaydi. Po‘lat qatlamning boshqa afzalliklari – bu munosib narxi va mato ustida oson sirpanishidir. Agar siz arzon dazmol izlayotgan, lekin juda og‘ir bo‘lishiga tayyor bo‘lsangiz, bu variant aynan mos keladi. Uzoq vaqt dazmollaganda qo‘l charchashi mumkin.
• Alyuminiy – yana bir arzon variant. Po‘lat tagli modellardan farqli o‘laroq, bu dazmollar yengil vaznga ega. Kamchiliklardan mato uzra sirpanishi unchalik silliq emasligi va mexanik ta’sirlarga nisbatan zaiflikni ta’kidlash kerak. Anodlangan alyuminiy yuzasiga po‘lat qoplangan bo‘lsa, qurilma mustahkamroq bo‘ladi.
• Keramika – dazmol tagiga mukammal silliqlik baxsh etadi. Bunday modellar nozik matolardan tayyorlangan kiyimlar uchun juda yaxshi. Ular material ustida silliq sirpanadi. Ammo keramika tagli modellar juda mo‘rt – ular birinchi tushib ketishdayoq sinadi. Shuning uchun bunday qurilmalar kichkina bolalar va uy hayvonlari bo‘lgan xonadonlarga mos emas.
• Titan – kuchli va bardoshli. Bu metall o‘z-o‘zidan yopishmaydigan ta’sirga ega. Ammo tagi titanli dazmollarning qizishi uzoq vaqt oladi va ular ancha og‘ir vaznga ega.
• Teflon – undan taglikning qo‘shimcha qoplamasi ishlanadi, shuning evaziga dazmol kiyim ustida osongina yuradi va hatto nafis matolarga ham yopishmaydi. Teflon qoplamali modellar juda kuchli va bardoshli, ammo ular oson tirnaladi.

Tanlashning boshqa mezonlari

Dazmollash uchun ushbu kichik maishiy uskunani sotib olayotganda siz quyidagi xususiyatlarni hisobga olishingiz kerak:

• Quvvat – o‘rtacha holatda, bu ko‘rsatkich 1500-3000 vatt orasida o‘zgarib turadi. Bu ko‘p jihatdan modelga bog‘liq. Safarbop variantlari kamroq quvvatga ega, dazmollash mashinalarida esa quvvat yanada yuqori.
• Harorat rejimlari soni – ular pereklyuchatelda nuqtalar bilan belgilangan. O‘rtacha holatda qurilmalarda 5 tagacha rejim mavjud. Professional tizimlar yuqoriroq harorat diapazoniga ega bo‘lishi mumkin.
• Rezervuar hajmi – odatda qurilmalar sig‘imi 1 litrdan kam bo‘lgan idishlar bilan jihozlangan. Qurilmaning o‘lchami ushbu parametrga bog‘liq.

Texnikani tanlashda qo‘shimcha funksiyalarga e’tibor bering. Asaxiy onlayn do‘konida siz quyidagi xususiyatlarga ega dazmollarni sotib olishingiz mumkin:

• bug‘ zarbali;
• avtomatik o‘chuvchi;
• tagligi olinadigan;
• nozik matolar uchun nasadkali;
• vertikal bug‘latuvchili;
• purkash tizimli.

Brend katta ahamiyat kasb etadi. Asaxiy quyidagi brendlarning dazmollarini taqdim etadi:

• Braun;
• Philips;
• Bosch:
• Tefal.

O‘zbekiston bo‘ylab eltib berish bir necha kun ichida amalga oshiriladi. Toshkentda esa butkul bepul yetkazib beriladi.