Sichqoncha va klaviaturalar – kompyuterning asosiy qurilmalari

Sichqoncha va klaviaturasiz kompyuterning ishlashini tasavvur qilib bo‘lmaydi, bular – buyruqlarni berish va ma’lumotlarni kiritish uchun mas’ul bo‘lgan periferik qurilmalardir. Noutbukning o‘zi sensorli panel va tugmalar bilan jihozlangan, ammo statsionar kompyuter me’yorida ishlashi uchun qo‘shimcha aksessuarlar talab qiladi. Elektronika bozorida ushbu qurilmalar katta tanlov bilan taqdim etilgan. Ular funksionalligi va narxi bo‘yicha bir-biridan juda farq qiladi, shuning uchun sotib olishdan oldin qurilma oldiga o‘zingiz qo‘yadigan vazifalarni aniqlab olishingiz kerak.

Klaviatura va sichqoncha qanday tanlanadi – umumiy tavsiyalar

Kompyuter bilan ishlashda tashqi qurilmalar katta ahamiyatga ega. Funksiyalardan foydalanishning va yozishning qulayligi unga bog‘liq. Agar sichqoncha va klaviatura noqulay bo‘lsa, siz tezda charchaysiz. Ularni tanlashda ayrim umumiy tavsiyalarga amal qilishingiz kerak:

  • Ish uchun – qanchalik sodda bo‘lsa, shuncha yaxshi. Hamyonbop segmentning simli aksessuarlarini tanlang. Shu bilan birga, klaviaturada raqamli tugmachalar bloki mavjudligiga e’tibor bering va sichqonchada qo‘shimcha 1-2 tugma bo‘lishi mumkin.
  • Uy uchun – bir qator qo‘shimcha tugmalari bo‘lgan multimedia qurilmalari mos keladi. Qo‘shimcha qurilmalarni tanlashdan oldin kompyuter stolidagi bo‘sh joyni o‘lchang. Aksessuarlar uzunligi va kengligi unga to‘liq mos kelishi kerak.
  • ko‘p vaqtingizni kompyuter oldida o‘tkazadigan bo‘lsangiz – eng ergonomik tashqi qurilmalarni xarid qiling. Shunda kompyuterda bir necha soat ishlagandan keyin ham qo‘l charchamaydi.
  • Safarlarda foydalanish uchun – sayohatlarda noutbukni yonga olib olish qulay, u standart holatda ish uchun kerakli barcha narsalar bilan jihozlangan. Ammo o‘rnatilgan tugmachalar va sensorli paneldan foydalanish hammaga ham qulay emas. Agar sizga safarda sichqoncha va klaviatura kerak boʻlsa, ixcham simsiz modellarni tanlang.
  • O‘yinchilar (geymerlar) uchun – yuksak sifat xususiyatlariga ega va tezkor javob beradigan kompyuter tashqi qurilmalari kerak.

Klaviatura turlari

Bu qurilmalar turlicha dizayn va maqsadlarga ega. Avvalo, siz klaviaturaning turi borasida qaror qabul qilishingiz kerak. Bu jihatdan quyidagicha variantlar mavjud:

  • To‘liq o‘lchamli – kundalik vazifalar uchun standart variantlar. Ular uyda va ofisda foydalanish uchun juda yaxshi. Ko‘pincha bunday modellarda raqamli tugmachalar bloki taqdim etiladi. Shuningdek, qurilmalar multimediaga mo‘ljallangan klavishlar to‘plamiga ega bo‘ladi.
  • Ixcham – kichik o‘lcham va yengil vaznga ega. Ular statsionar kompyuterlari uchun sotib olinadi. Bundan tashqari, o‘zidagi klaviatura har doim ham qulay bo‘lmagan noutbuk egalari ham shunday variantlarni tanlashadi. Mini tashqi qurilmalar simli yoki simsiz bo‘lishi mumkin. Ikkinchi holda, ulanish interfeysi sifatida bluetooth ishlatiladi.
  • Oʻyinbop – geymerlarga moslangan, ko‘p hollarda tagidan yoritiluvchi klaviatura va sichqoncha. Ular kibersport jadal rivojlana boshlaganida elektronika bozorida paydo bo‘ldi. Bunday modellar ergonomik dizaynga ega bo‘lib, mustahkamligi bois yuqori yuklamalardan qo‘rqmaydi. Biroq, bu – o‘yinbop aksessuarlarni oddiy, odatiy gadjetlardan ajratib turadigan yagona narsa emas. Geymerlar aksessuarlarida funksionallik va reaksiya yaxshilangan. Ular bir qator foydali qo‘shimchalarni oladi. Lekin asosiysi – tugmachalar bir zumda javob beradi, bu esa o‘yinda juda muhimdir.
  • Orolcha turidagi – odatiy tashqi qurilmalar, farqi faqat tugmalarning bir-biridan ma’lum masofada joylashganida. Bu adashib boshqa tugma bosish holatlarini kamaytiradi.

Klavishlar mexanizmi va joylashuv tartibi

Bu asosda klaviaturalar ikki turga bo‘linadi:

  • Membranali – eng talabgir modellar. Ularda tugmalar ostida, rezina qopqoqlar – membranalar mavjud. Bunday qurilmalar elastikligi va qulayligi bilan ajralib turadi. Ammo ularning xizmat qilish muddati qisqa, membranalar yillar davomida eskiradi Shuning uchun bu variantlar klaviaturaga kuchli yuklama tushmaydigan ishlarda mos keladi.
  • Mexanik – yangi modifikatsiyalar. Membranalar o‘rniga ularda prujinalar qo‘llanladi. Bunday qurilmalarning o‘ziga xos xususiyati har bir tugma bosilganda eshitiladigan chertish tovushidir. Mexanik klaviaturalar tugmachani bosishlarga yaxshi javob berishi va uzoq vaqt xizmat qilishi bilan ajralib turadi. Lekin ular ancha shovqinli ishlaydi va qimmat.

Klaviatura sotib olishdan oldin uning tugmachalaridagi harflar borasida bir qarorga kelishingiz kerak. Eng talabgir variantlar:

  • ruscha-inglizcha;
  • ruscha;
  • inglizcha;
  • xitoycha.

Klaviatura tartibi foydalanuvchi bajaradigan vazifalarga qarab tanlanadi. Ofisda normal ishlash uchun inglizcha va ruscha harflar yetarli. Tarjimonlar esa muayyan tillarning harflari mavjudligiga e’tibor berishlari kerak.

Tugmachalar shaklida farqlar mavjud. Ko‘pincha to‘rtburchak yoki kvadrat shakldagi tekis klavishlarga ega klaviaturalar ishlab chiqariladi. Kamroq bo‘lsa-da, dumaloq tugmachali variantlar ham uchraydi.

Matn terish aksessuarlari foydalanish qulayligini oshiruvchi bir qator qo‘shimchalar oladi. Brendlar bunaqa qurilmalarni taklif etishadi:

  • tagidan yoritiluvchi;
  • tugmachalari sal teginishda ishlovchi;
  • tachpadli;
  • namlikdan himoyali;
  • qo‘l uchun taglikli;
  • balandligi sozlanuvchi.

Sensorli sichqoncha qanday tanlanadi

Sichqonchalar optomexanik zo‘ldirda ishlagan vaqtlar o‘tib ketdi. Endi kursorning harakati uchun optik sensor javobgardir. U ikki xil bo‘ladi:

  • Optik LED – eng talabgir texnologiya. Shu bilan birga, sichqonlar turli narx toifalarida taqdim etilgan. Bunday variantlarni tanlashda siz o‘rtacha narxlilariga e’tibor berishingiz kerak, shunda amallarni tez bajaradigan aksessuar olasiz. Optik sichqoncha ishlatiladigan sirt borasida talabchandir, shuning uchun siz gilamcha sotib olish haqida ham o‘ylash kerak.
  • Lazerli – yanada ilg‘or modellar. Ularda kursorning harakati lazer yordamida boshqariladi. Ko‘pincha o‘yinbop sichqonchalar shunaqa texnologiya bilan jihozlangan.

Sichqoncha sotib olishdan oldin, undagi “dpi” soniga e’tibor qaratish kerak. Ushbu ko‘rsatkich ekran turiga qarab tanlanadi. Oddiy displey uchun 400-800 dpi yetarli. 4K uchun esa bu ko‘rsatkichni kamida ikki barobar oshirish kerak.

 

Qo‘llash maqsadi va brendlar

Ishlatilish maqsadiga ko‘ra sichqonchalar va klaviaturalar quyidagi turlarga bo‘linadi:

  • kompyuterlar va noutbuklar uchun;
  • planshet uchun.

Gadjetlar uchun tashqi qurilmalarni tanlashda operatsion tizimni hisobga olish kerak. Ishlab chiqaruvchilar Android va iOS uchun aksessuarlar taklif etadilar.

Aksessuarlar rangi va dizayni bilan farqlanadi. Ko‘pincha ular qora va oq ranglarda ishlab chiqariladi. Ko‘k, yashil, qizil, sariq variantlar kamroq tarqalgan. Ular yorqin elementlar va abstraksiyalar bilan to‘ldirilishi mumkin.

Asaxiy internet-do‘konida siz quyidagi brendlarning tashqi qurilmalarini xarid qilishingiz mumkin:

  • Logitech;
  • Hyperx;
  • Dell;
  • Cougar.

O‘zbekiston bo‘ylab yetkazib berish bir necha kun ichida amalga oshiriladi. Toshkentda esa bu xizmat bepul.

 

asaxiy app image

Sizning internet do'koningiz