Soch olish mashinkalari va trimmerlar: turlari, tanlash mezonlari

Zamonaviy soch olish mashinalari va trimmerlar – sartaroshning ko‘p funksiyali yordamchilari hisoblanadi. Ular har qanday soch turmagini yasashga yordam beradi. Bundan tashqari, mazkur uskunalar soch chekkalarini tekislash, soqol-mo‘ylovni kuzash, chakka qismlarni silliqlash, ensa qismini qirtishlash, soqolni silliqlash va boshqa ko‘p ishlarda qo‘shimcha yordamchidir. Trimmerlar esa butun tanadagi turli tuklarni qirqishga mo‘ljallangan. Ular qo‘ltiq ostidagi, ko‘krak qafasidagi, chov qismidagi, oyoqlardagi va boshqa har qanday joylardagi ortiqcha tuklarni samarali hamda og‘riqsiz olib tashlaydi. Shunday qilib, har xil turdagi aksessuarlarga ega qurilmani xarid qilish orqali siz nafaqat soch, soqol va mo‘ylovingizga g‘amxo‘rlik qilishingiz, balki butun tanangizning estetikasini saqlab qolishingiz mumkin.

Ushbu qurilmalarning afzalliklari:

  • Ko‘pfunksionallik – bir nechta qo‘shimchalar yordamida siz butun tanangizdagi ortiqcha tuklardan xalos bo‘lishingiz mumkin.
  • Foydalanish qulayligi – hatto professional qurilmani ham maxsus ma’lumotga ega bo‘lmagan istalgan kishi tez anglab yetadi. Keraksiz tuklarni olish uchun uni tananing tegishli qismlari bo‘ylab yuritish kifoya.
  • Og‘riqsizligi – trimmerlar tuklarni ehtiyotkorona tarzda kesadi, bu esa hech qanday noqulaylik tug‘dirmaydi.
  • Modellarning keng assortimenti – tananing turli joylarini tuklardan tozalashga mo‘ljallangan uskunalar mavjud. Qurilmani o‘z ehtiyojlaringizga qarab tanlashingiz mumkin.

Soch olish mashinkalari va trimmerlarning turlari

Maqsadiga qarab ushbu barcha vositalarni bir necha turga bo‘lish mumkin:

  • Standart qurilmalar – sartaroshning odatiy yordamchilari hisoblanadi. Ko‘pincha ular erkaklarning kalta soch turmagi uchun mo‘ljallangan. To‘plamga turli uzunlikdagi 5-7 ta nasadka ham kiradi.
  • Bodigrumerlar – tana uchun trimmerlar bo‘lib, qo‘ltiqlar, ko‘krak va oyoqlardagi tuklarni og‘riqsiz olib tashlashga mo‘ljallangan. Maxsus aksessuarlari bo‘lsa, ular nozik joylarni parvarishlash uchun ham mos keladi. Ko‘pincha, bu modellar suv o‘tkazmaydigan korpusda chiqariladi, bu esa dushda qo‘llash imkonini beradi.
  • Soqol-mo‘ylov kuzash uskunalari – bunday qurilmalardan sartaroshlar foydalanadi. Biroq, agar xohish bo‘lsa, ularni ishlatishni mustaqil ravishda o‘rganib olish mumkin. Bunday devayslar yuzdagi tuklarni tartibga solishga yordam beradi. Ularning yordamida soqol va mo‘ylovlarni kerakli uzunlikda saqlab qolish qulay.
  • Gigiyena apparatlari – burun va quloqlarga mo‘ljallangan. Shuningdek, tegishli aksessuarlari bo‘lsa, ular sochning chakka qismini tekislashga ham imkon beradi.
  • Universal to‘plamlar – soch olish mashinkasi va ba’zi bir nechta tig‘larni o‘z ichiga oladi.

Uskunalarning toifalari

Qo‘llanish doirasiga qarab trimmerlarni uchta katta guruhga bo‘lish mumkin:

  • Maishiy – eng oddiy arzon variantlari. Quvvati pastligi va nasadkalar soni kamligi bilan farqlanadi. Erkaklar va o‘g‘il bolalar uyda soch oldirishlariga mo‘ljallangan.
  • Professional – sartaroshlar va go‘zallik salonlari uchun chiqarilgan uskunalar. Ular qimmat, ammo shu narxiga yarasha bo‘ladi. Bunday modellar kuchli dvigatel bilan jihozlangan, shuning uchun uzoq vaqt to‘xtovsiz ishlashi mumkin.
  • Yarim professional – oldingi ikkita modifikatsiya o‘rtasida oraliq pozitsiyani egallaydi. Xususiyatlari bo‘yicha ular professional qurilmalardan biroz pastroq.

Dvigatel va quvvat turi

Dvigatel turiga ko‘ra, soch olish mashinalari ikki turga bo‘linadi:

  • Titrovchi – kam quvvatli, havaskorlarga mos modellar. Ularning asosiy afzalligi – o‘rtacha narxi. Titrovchi qurilmalar uzoq muddatli ishlashga mo‘ljallanmagan, shuning uchun ular faqat maishiy turmushda qo‘llaniladi. Yana bir kamchiligi – tebranishlar, bu esa kichik noqulaylik tug‘dirishi mumkin.
  • Rotorli – bir necha soat ishlashga bardosh beradigan, kuchli, professional jihozlar. Kuchli yuklama ostida ham qizib ketmasligi uchun bunday trimmerlar majburiy sovutish tizimi bilan jihozlangan.
  • Qurilmalarning foydalanishdagi quylayligi ularning quvvat olish turiga bog‘liq. Bu asosda ular quyidagi turlarga bo‘linadi:
  • Tarmoqqa ulanuvchi – kabel bilan jihozlangan standart simli qurilmalar. Ular elektr tarmog‘idan quvvatlanadi, shuning uchun rozetkaga ulanib turishni talab qiladi. Kabel sartaroshning harakatlanish erkinligini cheklaydi, shuning uchun tarmoq uskunasini tanlashda simning uzunligini hisobga olish kerak.
  • Akkumulyatorli – sartaroshning to‘liq harakat erkinligini ta’minlaydigan simsiz variantlar. Salbiy tomoni shundaki, bunday qurilmalarni vaqti-vaqti bilan tarmoqdan zaryadlab turish kerak. USB ulagichi bo‘lsa, simsiz qurilmalarni shaxsiy kompyuter yoki poverbankdan ham zaryadlash mumkin.
  • Batareyali – amaliy foydasi eng kam modellar. Kuchli mashinka bitta batareya quvvati bilan besh daqiqa ham ishlamaydi. Bunday quvvatlash turi eng oddiy qurilmalarda qo‘llanladi.

Tig‘larning turlari va materiali

Qurilmaning narxi uning to‘plamiga qanday nasadkalar kirishiga bog‘liq. Trimmerga quyidagi tig‘lar biriktirilishi mumkin:

  • soch olish uchun;
  • soqolni kuzash uchun;
  • soqolni qirtishlash uchun;
  • burun ichi uchun;
  • ajratilgan soch uchlari uchun;
  • nozik joylar uchun;
  • quloqlar uchun;
  • qo‘ltiq osti uchun;
  • oyoqlar uchun;
  • ensa va chakkalar uchun.

Tig‘larning xizmat qilish muddati ular tayyorlangan materialga bog‘liq. Quyidagicha variantlar mavjud:

  • Titan – bardoshli gipoallergen nasadkalar. O‘z-o‘zidan o‘tkirlanuvchi tig‘li aksessuarlar ko‘pincha shu metalldan tayyorlanadi. Bu nasadkalarning asl xususiyatlarini yo‘qotmasdan ko‘p yillar davomida ilshashini kafolatlaydi.
  • Zanglamas po‘lat – o‘z-o‘zidan bu material mustahkam va ishonchli. U namlikdan qo‘rqmaydi, bu esa uning yordamida ho‘l sochlarni qirqish yoki qirtishlash imkonini beradi. Salbiy tomoni – muntazam charxlab turish zarurati. Ko‘pincha bunday tig‘lar havaskorlarga mo‘ljallangan uskunalarda qo‘llanadi. Zanglamaydigan po‘latdan yasalgan tig‘lar olmos yoki titan bilan qoplangan bo‘lishi mumkin.
  • Keramika – o‘tkirligini uzoq vaqt saqlab turadi va va har qanday soch turi bilan ishlay oladi. Ular hatto qattiq sochlarni olganda ham asl xususiyatlarini yo‘qotmaydi. Biroq, keramika pichoqli soch olish mashinasi juda mo‘rt, ular qo‘ldan birinchi tushib ketishdayoq sinishi mumkin.

Brendlar

Ishlab chiqaruvchi katta ahamiyatga ega. Asaxiy internet-do‘konida siz quyidagi brendlarning soch olish mashinalarini xarid qilishingiz mumkin:

  • Braun;
  • Philips;
  • Panasonic;
  • Polaris.

O‘zbekiston bo‘ylab yetkazib berish bir necha kun ichida amalga oshiriladi. Toshkent shahrida esa buyurtma berilgan kunning o‘zidayoq, butunlay bepul eltib beriladi.

 

Qo`llab-quvvatlash xizmati
Chat turini tanlang!