Yomgʻirli kunda oʻqish mumkin boʻlgan 5 kitob

Yomgʻirli kunda oʻqish mumkin boʻlgan 5 kitob

Yomgʻirli kunda issiqqina choy yoki kofe ichib oʻqish mumkin boʻlgan 5 kitob:

1. Piter Hopkirk: Katta oʻyin. Ikki imperiya toʻqnashuvi

XIX asr ikkinchi yarmi va XX asr boshi. Dunyoning ikki yirik imperiyasi Buyuk Britaniya va Rossiyaning manfaatlari Markaziy Osiyodan Hindistongacha boʻlgan katta hududda toʻqnash keldi. Bu yashirin toʻqnashuvni tarixchilar “Katta oʻyin” deb nomlashdi. Josuslar orqali oʻyinlar, gilam osti diplomatiyasi, katta hududni oʻz taʼsiri doirasiga tushirish uchun xalqaro bosim qiziqarli va murakkab kechgan. Bular haqida Angliyalik professor Piter Hopkirk juda qiziqarli tilda soʻzlab beradi.

PS: Bu kitobni oʻqigan choyxonada hech kimga soʻz bermasligi aniq😁

asaxiy.uz/u/635e26231264e

2. Vikas Svarup: Xarobadan chiqqan millioner

Vikas Svarupning ajoyib debyut romani Hindistonning Mumbay shahridagi qamoqxona kamerasidagi sahnalar bilan boshlanadi. Chunki asar qahramoni Ram Muhammad Tomas mamlakatdagi eng katta viktorina boʻlmish “Kim milliard yutib oladi?” teleshousida 12 savolning barchasiga toʻgʻri javob bergach, shu yerga olib kelinadi. Umrida maktabga bormagan, loaqal biror gazeta oʻqimagan kambagʻal yetim bolaning bunday tanlovda gʻalaba qozonishiga aql bovar qilmaydi. Biroq Ram bir qator hayajonli hikoyalar orqali hayotida boshidan kechirgan hodisalar viktorina savollariga javob berishda qanday asqatganini advokatiga soʻzlab beradi.

asaxiy.uz/u/635e2642b1d19

3. Deniyel Kiz: Eljernonga atalgan gullar

“Ishonarli, hayajonga soluvchi va yurakni larzaga keltiruvchi asar”. – New York Times

Charli Gordon oʻzining aqlli emasligini biladi. Yoshi 32 da, novvoyxonada pol artuvchi boʻlib ishlaydi va arzimagan pul topadi. Haftada 3-marta oqshom payti aqliy rivojlanishdan ortda qolgan kattalar uchun ochilgan markazda dars oladi. Ammo endi bularning bari oʻzgarish boʻsagʻasida turibdi. Shifokorlar nozik bir tajriba oʻtkazmoqchi. Ular Charlining miyasini operatsiya qilmoqchi. Ular operatsiya va maxsus dori Charlining intellektini oshirishiga umid qiladi, chunki bu tajriba laboratoriya sichqonchasi Eljernon bilan oʻtkazilganda ijobiy natija berdi. Shu asnoda Charli har kuni nima his qilayotganini kundalikka yozib boradi. Bu uning miyasi va hayotida sodir boʻlgan hayratlanarli oʻzgarishlar bitilgan taʼsirli qaydlarga aylanadi...

asaxiy.uz/u/635e266848191

4. Choʻlpon: Kecha va Kunduz

Oʻzbek adabiyotining eng yorqin asarlaridan biri. Yaratilganiga qariyb 80 yil boʻlsada, ‎u hamon dolzarb va ahamiyatli. Kitobda jamiyatimizning turli xil illatlari chuqur savol ostiga qoʻyilgan. Asar kitobxonni chuqur mushohada yuritishga undaydi.‎

asaxiy.uz/u/635e26a813e04

5. Yona Berger: Yuqumlilik. Mahsulot va gʻoyalar qanday ommalashadi

Trendlar qanday shakllanadi? Mahsulot va gʻoyalarning tilga tushishi va ommalashuvi sababi nimada? Nega baʼzi maʼlumotlarni odamlar bir-biriga ulashadi? Nima uchun ayrim mish-mishlar epidemik xususiyatga ega? Gʻoyalar qanday omillar tufayli “virus” kabi keng tarqaladi? Nima uchun baʼzi mavzular haqida koʻproq suhbatlashamiz va unga oid maʼlumotlarni boshqalarga ulashamiz?

Ushbu kitobda professor Yona Berger ijtimoiy tarqaluvchanlik zamiridagi omillarni sodda va tushunarli tarzda bayon qilgan.

asaxiy.uz/u/635e25ca071f7

Yaxshi kitob sizga butunlay yangi dunyoni ochishi, yangi mulohazalarga kelishga koʻmak berishi yoki shunchaki maza qilib dam olishga sabab boʻlishi mumkin.

Esdan chiqarmaylik, kitob oʻqish uchun eng yaxshi kun aynan bugundir!

Sizning internet do'koningiz

asaxiy app image
Qo`llab-quvvatlash xizmati
Chat turini tanlang!