Sema Marashli: Turmush o‘rtog‘imning tengi yo‘q

Bugungi kunga qadar oila, oilaviy munosabatlar to‘g‘risida juda ko‘p yozilgan. Kimdir oilani muqaddas deya ko‘klarga ko‘targan bo‘lsa, yana kimdir muhabbatni o‘ldiradi deya yerga urgan, boshqalar esa oila haqida ko‘pdan-ko‘p nasihatlar qilgan.

Men ham oila haqida hikoya yozishni istadim. «Nega hikoya?» deb so‘raydigan bo‘lsangiz, shunday izoh berishim mumkin: men hikoyalarning qudratiga ishonaman. Hikoyalar tuyg‘ularni tiniqlashtirishi, esda qoladigan qilishi mumkin. Hayotiy voqealar asosida yozilgan hikoyalarimda ko‘pchilik o‘z hayotiga oid nimadir topishiga ishonaman. Yozganlarim o‘zlarining dardlari va choralari bilan oilaviy hayotda baxtiyorlik sanʼatiga hissa qo‘shadigan hikoyalar bo‘lishi uchun urindim.

Bu kitobdagi hikoyalarda moddiy muammolar, fidokorliklar yoki yirik hodisalar yo‘q. Yong‘in emas, yong‘inga sabab bo‘ladigan uchqunlar haqida hikoya yozdim. Gul emas, gulni undiradigan suv to‘g‘risida hikoya yozdim. Sizga manzur bo‘ladi, degan umiddaman.

Hikoyalarimni yozish jarayonida juda ko‘p insonlar bilan uchrashdim. Samimiyatlari, tuyg‘ulari va boshdan kechirganlarini men bilan o‘rtoqlashgan hikoyalarimning yashirin qahramonlariga o‘z minnatdorligimni bildiraman.

© Sema Marashli