Omina Shenliko‘g‘li: Muslima ayol Yevropada

Hurmatli kitobxon!

Sizga “Nasroniy atirguli", "Imomning Maneken qizi", "Mariya" kabi asarlari bilan tanish bo‘lgan turkiyalik adiba Omina Shenliko‘g‘lining yana bir mashhur asari — "Muslima ayol Yevropada" romanini o‘zbek tilida armug‘on etmoqdamiz.

Qo‘lingizdagi asarni — "Muslima ayol Yevropada" romanini mutolaa qilar ekansiz, Islom olamidagi ayollarning butun dunyo ahliga nechog‘li o‘rnak bo‘la olganligiga o‘zingiz guvoh bo‘lasiz.

Mazkur asarning bosh qahramonlari nafaqat yozuvchining shaxsi hamda u tasvirlagan muslima ayollar, balki mutolaa jarayonida siz ham asar qahramonlaridan biriga aylanasiz.Yozuvchi bilan birgalikda Belgiya, Gollandiya, Germaniyaga yo‘lga chiqasiz.

Mazkur yozuvchini necha yillardan buyon G‘arb dunyosida musulmonlarga noto‘g‘ri baho berilayotgani, ularning Sharq haqidagi noxolis fikrlari qiynab kelar edi. Shu sababli yozuvchi adolat qalamini qo‘lga olishga majbur bo‘ldi.

Islom olamidagi ayollar, haqiqatan ham, zulm ko‘radilarmi? Ularga bunday tamg‘a bosishdan kimlar manfaatdor?

Yozuvchi Belgiyada nega ushlanib qoldi? Bu yerda uni nima hayratga soldi?

Kristel ismli ayol kim va u asar syujetida qanday o‘rin tutadi? Nega u o‘zini o‘ldirmoqchi edi?

Semaga nima uchun qayta turmush qurmasligi maslahati berildi? Bu ayol uchun zulm emasmi?

Gurbuz nega yozuvchiga tanbeh beradi yoki u haqmidi?

Nodiraning ota-onasi qiziga nima uchun turmushga chiqish masalasida yon bosishmadi? Ular haqmidi?

Rafet xotini Nodirani yoqlab o‘z onasiga qarshi chiqib to‘g‘ri qiladimi?

Nodira o‘z qaynonasi va qaynsinglisiga qilgan munosabatida haqmidi?

Nodira Belgiyada uy masalasida bo‘lgan sudda yutib chiqadimi yoki uysiz ko‘chada qoladimi?

Ushbu savollarga asarni o‘qish davomida javob topasiz