Marg'ulan Seysemboy: Uddalasa bo'ladigan vazifa: Baxtli hayot texnologiyasi. PREMYERA!

Yer yuzida baxtli bo‘lishni istamaydigan birorta odam bo‘lmasa kerak. Xo‘sh, baxt nima o‘zi? Unga aniq bir ta’rif berish mumkinmi?
Pul baxt keltiradimi? Muvaffaqiyat-chi?

Bugun ilg‘or fan va texnika yutuqlari maishiy ehtiyojlarimizni qondirib, hayotimizni osonlashtirganiga qaramay, tushkunlik, loqaydlik, sustkashlik, motivatsiya va e’tibor yetishmasligi, hayotimizdan ma’no yo‘qolishi kabi psixologik muammolar oldida hamon ojizmiz. Marg‘ulan Seysemboyning fikricha, buning sababi nima uchun yashayotganimiz va zimmamizda qanday vazifa borligini anglamayotganimiz bilan bog‘liq.

Dunyodagi eng boy va ta’sirli tadbirkorlar ro‘yxatidan joy olgan, Qozog‘istonda biznes imperiyalar asoschisi bo‘lgan Marg‘ulan Seysemboy ushbu kitobida o‘zining hayotiy tajribasi, muvaffaqiyat sari yo‘li va hayotdagi missiyani topish jarayonini samimiy va ochiq tarzda o‘rtoqlashadi.

Hayotingizdagi vazifalar - uddalab bo‘lmaydigan emas. Buning uchun oldingizga to‘g‘ri maqsadlar qo‘ya olishingiz zarur. Muallif taklif etadigan hayotiy tavsiyalar zimmangizdagi vazifani topishda va maqsadlaringizga erishishda katta yordam beradi.

Kitob nima haqida?

"Uddalasa bo‘ladigan vazifa" - shunchaki motivatsion kitob emas. U har qanday qiyin vaziyatni yengib o‘tish mumkinligini, to‘siqlar ortida imkoniyatlar yashirinib yotganini va inson o‘z irodasi, dunyoqarashini rivojlantirib borish orqali hayotini butunlay o‘zgartira olishi uchun jonli isbot, chunki muallif buning sirini ilmiy qoidalar emas, balki o‘z hayotiy tajribasi asosida sodda qilib tushuntirib beradi.

Kitobda muallif:
 • Ruhiy tushkunlikni qanday yengganini;
 • Qanday qilib bankrotlikdan keyin o‘zini yo‘qotmaslikni;
 • Hayotda "ko‘rinmas" kuch - niyat va ong qudratini qanday ishga solishni;
 • Va eng muhimi, inson o‘z ustida qanday ishlashi kerakligini hayotiy misollar bilan yoritadi.

Kimlar uchun foydali?
 • Tadbirkorlar va yetakchilarga;
 • Shaxsiy rivojlanishni istaganlarga;
 • O‘z yo‘lini topishga harakat qilayotgan yoshlarga;
 • Qiyinchiliklarga duch kelgan, lekin taslim bo‘lishni istamaydiganlarga foydali bo‘ladi.

Nega bu kitobni o‘qish kerak?
 • Chunki bu kitob real insonning real voqealar asosidagi hikoyasi;
 • Siz bu kitobda murakkab nazariyalarni emas, hayot sinovlaridan o‘tgan amaliy bilimlarni topasiz;
 • Kitob hayotiy vazifamizni uddalash o‘ylaganimizdan osonroq ekanini anglashga va muvaffaqiyat sari qadamni oddiy narsalardan boshlashga, hayotga boshqacha nazar bilan qarashga undaydi.

Muallif haqida:

Marg‘ulan Seysemboy - Qozog‘istonlik taniqli investor, milliardlab dollarlik biznes loyihalar asoschisi, xalqaro miqyosda mashhur bo‘lgan motivatsion spiker va fikr yetakchisi. U nafaqat biznesda, balki insoniylikda, o‘zini anglash va o‘z ustida ishlash mavzularida ham ilhom manbai bo‘la olgan shaxsdir.

Bugungi kunda u turli davlatlarda treninglar o‘tkazadi, yosh tadbirkorlarga mentorlardan biri sifatida yordam beradi va o‘z tajribasini baham ko‘rib kelmoqda.