Robert Grin: Mahorat

Jamiyat va mamlakat taqdiri undagi mohirlar, haqiqiy professionallar, o‘z ishining ustalariga bog‘liq. 

Mohir va buyuk insonlarning buyukligi nimada? Ular qanday qilib hamma tan olgan mahoratga erishgan?

Inson o‘zidagi iste’dodlarni qanday rivojlantirsa, butun jamiyatga naf keltiradigan ijodkor, olim, shifokor, san’atkor yoki hunarmandga aylanadi? 

Robert Grin “Mahorat” kitobida shu savollarga javob berishga harakat qiladi. Kitobda chinakam professionalga aylanish uchun qanday ko‘nikmalar zarurligi tushuntiriladi. Iste’dodini o‘z vaqtida va to‘g‘ri yo‘naltirgan, boyita olganlarda mohirlar safidan joy olish imkoniyati bugun juda katta. Hatto bu borada ajdodlarimizdan ancha omadlimiz. Ishonmayapsizmi? 

“MAHORAT” — so‘zimizning yaqqol isboti. U qalbingizda yangi bir mohirni kashf etish, o‘z ishingizning haqiqiy ustasi bo‘lishingiz uchun ishtiyoq uyg‘otishiga ishonamiz!

Bolalikdagi qiziqishlaringiz yodingizdami? Beixtiyor qayta-qayta oʻziga tortadigan sevimli mashgʻulotingiz-chi? Bugun shu qiziqishlaringizga qay darajada sodiq qola oldingiz?

Ushbu kitob aynan oʻzidagi mayllar ortidan borib, bu boradagi bilimini tinimsiz rivojlantirgan va turli bosqichlardan oʻtib, chinakam mohirlik darajasiga yetgan insonlar haqida hikoya qiladi. Oʻrganish, amaliyot va mahorat bosqichlarini oʻz ichiga olgan bu jarayonda yashirin kuch – tabiat inʼom etgan iqtidorni tarbiyalab, yetuk darajaga olib chiqish oson kechmasligi aniq. Oʻylaganimizdek, ijodkorlik va daholik oʻz-oʻzidan paydo boʻlmaydi, u tugʻma isteʼdod, yaxshi kayfiyat yoki omadli vaziyat mevasi emas. Xoʻsh, unda bizni hayratga soladigan buyuk kashfiyot va ixtirolar, muhtasham bino va ajoyib sanʼat asarlari, texnologik yutuqlarning siri nimada?

AQSHlik yozuvchi Robert Grin oʻzining “Mahorat” kitobida mana shu sirlarni ochib beradi.

Ushbu kitob Xalq banki bilan hamkorlikda chop etildi.