Марғулан Сейсембой: Уддаласа бўладиган вазифа: Бахтли ҳаёт технологияси

Ер юзида бахтли бўлишни истамайдиган бирорта одам бўлмаса керак. Хўш, бахт нима ўзи? Унга аниқ бир таъриф бериш мумкинми?
Пул бахт келтирадими? Муваффақият-чи?

Бугун илғор фан ва техника ютуқлари маиший эҳтиёжларимизни қондириб, ҳаётимизни осонлаштирганига қарамай, тушкунлик, лоқайдлик, сусткашлик, мотивация ва эътибор етишмаслиги, ҳаётимиздан маъно йўқолиши каби психологик муаммолар олдида ҳамон ожизмиз. Марғулан Сейсембойнинг фикрича, бунинг сабаби нима учун яшаётганимиз ва зиммамизда қандай вазифа борлигини англамаётганимиз билан боғлиқ.

Дунёдаги энг бой ва таъсирли тадбиркорлар рўйхатидан жой олган, Қозоғистонда бизнес империялар асосчиси бўлган Марғулан Сейсембой ушбу китобида ўзининг ҳаётий тажрибаси, муваффақият сари йўли ва ҳаётдаги миссияни топиш жараёнини самимий ва очиқ тарзда ўртоқлашади.

Ҳаётингиздаги вазифалар - уддалаб бўлмайдиган эмас. Бунинг учун олдингизга тўғри мақсадлар қўя олишингиз зарур. Муаллиф таклиф этадиган ҳаётий тавсиялар зиммангиздаги вазифани топишда ва мақсадларингизга эришишда катта ёрдам беради.

Китоб нима ҳақида?

"Уддаласа бўладиган вазифа" - шунчаки мотивацион китоб эмас. У ҳар қандай қийин вазиятни енгиб ўтиш мумкинлигини, тўсиқлар ортида имкониятлар яшириниб ётганини ва инсон ўз иродаси, дунёқарашини ривожлантириб бориш орқали ҳаётини бутунлай ўзгартира олиши учун жонли исбот, чунки муаллиф бунинг сирини илмий қоидалар эмас, балки ўз ҳаётий тажрибаси асосида содда қилиб тушунтириб беради.

Китобда муаллиф:
 • Руҳий тушкунликни қандай енгганини;
 • Қандай қилиб банкротликдан кейин ўзини йўқотмасликни;
 • Ҳаётда "кўринмас" куч - ният ва онг қудратини қандай ишга солишни;
 • Ва энг муҳими, инсон ўз устида қандай ишлаши кераклигини ҳаётий мисоллар билан ёритади.

Кимлар учун фойдали?
 • Тадбиркорлар ва етакчиларга;
 • Шахсий ривожланишни истаганларга;
 • Ўз йўлини топишга ҳаракат қилаётган ёшларга;
 • Қийинчиликларга дуч келган, лекин таслим бўлишни истамайдиганларга фойдали бўлади.

Нега бу китобни ўқиш керак?
 • Чунки бу китоб реал инсоннинг реал воқеалар асосидаги ҳикояси;
 • Сиз бу китобда мураккаб назарияларни эмас, ҳаёт синовларидан ўтган амалий билимларни топасиз;
 • Китоб ҳаётий вазифамизни уддалаш ўйлаганимиздан осонроқ эканини англашга ва муваффақият сари қадамни оддий нарсалардан бошлашга, ҳаётга бошқача назар билан қарашга ундайди.

Муаллиф ҳақида:

Марғулан Сейсембой - Қозоғистонлик таниқли инвестор, миллиардлаб долларлик бизнес лойиҳалар асосчиси, халқаро миқёсда машҳур бўлган мотивацион спикер ва фикр етакчиси. У нафақат бизнесда, балки инсонийликда, ўзини англаш ва ўз устида ишлаш мавзуларида ҳам илҳом манбаи бўла олган шахсдир.

Бугунги кунда у турли давлатларда тренинглар ўтказади, ёш тадбиркорларга менторлардан бири сифатида ёрдам беради ва ўз тажрибасини баҳам кўриб келмоқда.