Brayan Treysi: Samaradorlikning 21 yo‘li

Agar biz undan toʻgʻri foydalana olsak, bizda hamisha yetarlicha vaqt topiladi.
“Samaradorlikning 21 yoʻli” — Brayan Treysi


Agar sizda :

— Rejalagan ishlaringizga yetarli vaqt topilmayotgan;
— Shaxsiy majburiyatlar, loyihalar, vaqt ortsa, oʻqiyman deganingiz talay jurnal va kitoblar yuki bosib qolgan. Biroq siz ularga ulgurmayotgan. Ishlaringizni toʻliq ado etishga umid ham qilmayotgan;
— Koʻnglingizdagidek dam olishga vaqt orttira olmayotgan;
— Ishlaringizni samarali yoʻlga qoʻyish usullarini har qancha oʻrganmang, rejalagan yumushlaringiz ortib, baribir vaqt yetmay qolayotgan boʻlsa, ushbu kitob aynan siz uchun!

 
Kitob vaqtni toʻgʻri taqsimlash, ish yoki oʻqish jarayonini tashkillashtirish, hayot tarzini oʻzgartirish, natijada qanday qilib samaradorlikka erishish haqida nazariyadan uzoq, aniq maʼlumot va qoʻllanmalarni beradi.

Kitob talabalar, tadbirkorlar, ishchilar, rahbarlar, kuni va vaqtini tartibni solishni xohlaydigan hatto uy bekalariga ham tavsiya qilinadi.

Kitob haqida OAV va mashhurlar fikri:
“Agar siz ishni ortga surishni hayotingizdagi doimiy muammo deb bilsangiz, “Samaradorlikning 21 yoʻli” sinab koʻrish uchun kichik va qimmatli taktikalar toʻplamini taklif etadi. Har bir insonning kechiktirish sabablari har xil, shuning uchun Treysining taktikasi juda xilma-xil boʻlib, kechiktirishning turli sabablariga qarshi kurashadi.“
- The Simple Dollar

“Samaradorlikning 21 yoʻli”, sahifalari kam, ammo mazmuni katta, zamonaviy hayotning kasalligiga davo taklif qiladi: kechiktirish. Garchi dori ogʻriqli boʻlib tuyulsa ham, unday emas. Siz kabi men ham millionlab kitoblarni oʻqidim va koʻpincha oʻqiganlarimni eslay olmayman. Ammo bunisi bilan unday emas. Men har kuni maslahatlarga amal qilaman va oʻzimni yaxshi his qilaman! Men bu kitobni taʼriflashga soʻz ham topa olmayman.
-Korinna Richards, Murabbiylik akademiyasi

“Samaradorlikning 21 yoʻli” — bu mening mahsuldorlik haqidagi eng sevimli kitobim va men kelgusi yilda amal qilmoqchi boʻlgan koʻnikmalarni eslatish uchun yanvar oyida uni tez-tez qayta oʻqib chiqaman. Har safar kitobni oʻqiganimda men unumdorlik oltinining yangi parchalarini topaman.“
-Liz Gooster, Change for the Better

“Ushbu kitob menga qilinadigan ishlar roʻyxatini tuzish, kunlarimni rejalashtirish, samaradorroq boʻlish va diqqatimni jamlashim uchun zarur boʻlgan qoʻllanmani berdi.“
-Bet Anne Shvamberger, Ajoyib Biznes Onalar

“Samaradorlikning 21 yoʻli” — bu vaqtni boshqarish va shaxsiy samaradorlik boʻyicha eng ajoyib kitob — har qanday taym-menejment tizimini oʻrganishdan oldin uni oʻqishni tavsiya qilaman. Kitobda siz darhol qoʻllab koʻrishingiz mumkin boʻlgan juda koʻp mashqlar va texnikalar mavjud, va bu kitobda eng yoqqani — bu sizga darhol boshlashingiz uchun amaliy maslahatlar berilishidir.
-Thanh Pham, Osiyo samaradorligi

“Taʼsirli tanlov. Treysi baham koʻradigan 21 usul haqiqatdan hayotingizni oʻzgartiradi, agar siz shaxsiy rivojlanish va oʻzgarish qilish niyatida oʻqisangiz. Men bu kitobdan katta foyda oldim va sizga ham bugun kitobni olishingizni tavsiya qilaman.“
-Kris Mur, Reflect on This

Muallif haqida:
Brayan Treysi — “Brayan Treysi xalqaro tashkiloti” raisi va bosh direktori. Asosiy maʼruzachi va seminar rahbari sifatida u har yili 250 000dan ortiq odamga maʼruza qiladi. U oʻnlab tillarga tarjima qilingan saksondan ortiq kitoblarning bestseller muallifi. U yetmish beshdan ortiq mamlakatda 1000dan ortiq korporatsiyalar va 10 000dan ortiq korxonalarda maslahatchi va trener boʻlib ishlagan.

Tarjimonlar:
Hikmatjon Tolibjonov,
Surayyo Majidova
Shuhrat Aliqoʻziyev
Jasurbek Toʻlqinov

Muharrir: Xurshid Yoʻldoshev
Musahhih: Gulasal Qodirova

Asaxiy Books yil bestsellerlari 2024: 5-o‘rin
Asaxiy Books yil bestsellerlari 2023: 3-o‘rin
Asaxiy Books yil bestsellerlari 2022: 7-o‘rin