Erkaklar uchun jiddiy to'plam
Kitoblar ro‘yxati:

Yalang'och iqtisodiyot - Charlz Uilanning “Yalangʻoch iqtisodiyot” nomli kitobida iqtisodiyotning mohiyati hamda dolzarb masalalari sodda va tushunarli, barchamizga tanish hayotiy misollar bilan yoritilgan. Kitobda murakkab chizmalar yoki sirli formulalar yoʻq, balki moddiyat dunyosida qanday qonuniyatlar hukmronlik qilishi va davlatlar nimaning hisobiga boyishi tushuntirilgan. Asarni oʻqiy boshlaganimizda muallif ulkan iqtisodiyot olamidagi yoʻlboshchimizga aylanib, bu olamning eng chekka burchaklarigacha biz bilan sayohat qiladi. Uilan ‒ ishonchli yoʻlboshchi, uning biz bilan olib boradigan suhbati esa samimiy va doʻstona ruhda kechadi.

Katta o'yin - Ushbu kitob mintaqada qariyb bir asr davom etgan siyosiy oʻyinlar, gilam osti diplomatiyasi, qonli janglar va katta hududni oʻz taʼsiri doirasiga tushirish uchun xalqaro bosim haqida qiziqarli tilda hikoya qiladi. Hikoya boʻlganda ham voqealarni oʻz koʻzlari bilan koʻrgan shohidlarning hikoyalari.
Geosiyosiy bir oʻyin tarzida kechgan bu kurashda tomonlar kim koʻproq va kattaroq hududni egallash payida edi. Chor Rossiyasi Hindistonga chiqish, inglizlar tasarrufidagi hududni oʻziniki qilishni koʻzlasa, Britaniya imperiyasi bunga goh bufer davlatlar yaratish, goh Hindiston mulki chegaralarini kengaytirish orqali qarshi turadi. Rossiya ham inglizlar egallab olmasidan burun xonliklarni oʻz imperiyasiga qoʻshib olishga oshiqadi.

Farovonlik paradoksi - Qanday qilib mamlakatlar farovonlikka erishishi mumkin? Farovonlikning asl kaliti nimada? Ko‘plar bu savollarga turli javoblarni taklif qilsa-da, dunyodagi eng taniqli universitet -  Harvard professori Kleyton Kristensen boshchiligidagi tadqiqotchilar "Farovonlik paradoksi" kitobida boshqalardan farq qiladigan, lekin dalillarga asoslangan amaliy yechimlarni taqdim etishgan.

 

Mamlakatlar tanazzuli sabablari - Ajoyib va qiziqarli yozilgan “Mamlakatlar tanazzuli sabablari” asari asrlar davomida mutaxassislarni hayratda qoldirgan savolga ishonchli va izchil asoslangan yangi nazariya bilan javob beradi: Nega baʼzi mamlakatlar boy va boshqalar kambagʻal, boylik va qashshoqlik, sogʻliq va kasallik, oziq-ovqat va ocharchilik boʻyicha boʻlingan?

Bank 4.0 -  Bank kelajagi allaqachon shu yerda — siz tayyormisiz?

Naqd pul allaqachon eskilik sarqitiga aylangani koʻpchiligimizga sir emas. Biroq plastik kartaning davri ham oʻtganini bilasizmi? Toʻlov tizimlari va bank sohasida inqilobiy oʻzgarishlar yuz bermoqda. Kelajakda mahsulot sotib olish uchun gʻishtday keladigan hamyonimizni chiqarib, banknotalarni sanab oʻtirmaymiz, hatto choʻntagimizdagi kartani kassirga uzatishga ham hojat boʻlmaydi. Ehtimol, telefonimizdagi ilova ham kerak boʻlmas. Unda qanday toʻlov qilamiz?