Erkaklar uchun premium to'plam

Erkaklar uchun premium to'plam
Kitoblar ro‘yxati:

Jannat - Barchamiz Afrika qabilalari, ularning hayot tarzi, qit'adagi mustamlakachilik davri va uning oqibatlari, quldorlik davri haqida qayerdadir eshitganmiz, o'qiganmiz yoki ko'rganmiz.

Adabiyot bo'yicha Nobel mukofoti sovrindori Abdurazzoq Gurnaning "Jannat" romani inglizlar mustamlaka Afrikada mahalliy aholini o'z yerlaridan haydab chiqarayotgan va nemislar butun qit'a bo'ylab temiryo'l qurishni rejalashtirayotgan davrdagi voqealar asosida yozilgan. 

1984 -  Erkinlik ikki karra ikki to‘rt ekanligini ayta olishingdir.

Britaniyalik yozuvchi Jorj Oruellning antiutopik yo‘nalishda yozilgan «1984» romani dunyoning eng mashhur asarlari ro‘yxatiga kiritilgan. Asar o‘zbek tilida ham nashr qilingandan so‘ng o‘zbek kitobxonlari orasida tezda mashhur bo‘lib ketdi, asarni mutolaa qilish, u haqida fikr bildirish haqiqiy chellenjga aylandi. Harqalay, raqsga tushib, boshidan muzdek suv quyishdan ko‘ra, foydali va tartibli musobaqa boshlandi.

Mening hayotim - Dunyoning yuzlab mamlakatlarida minglab marta millionlab adadlarda nashr etilgan bu avtobiografik kitobni XX asrning buyuk menejerlaridan biri, ishlab chiqarishda oqim-konveyer yoʻlini joriy etgan, AQSH avtomobil sanoatining “otasi”, milliarder Henri Ford yozgan. Ford hayotining tilsimlari, muvaffaqiyatining sirlari haqida koʻplab asarlar bitilgan. Bu kitob uning oʻzi yozgan, yorqin, timsolli, qatʼiyat va ilhom bilan bitilgan asardir.

Mahorat -  Jamiyat va mamlakat taqdiri undagi mohirlar, haqiqiy professionallar, o‘z ishining ustalariga bog‘liq. 

Mohir va buyuk insonlarning buyukligi nimada? Ular qanday qilib hamma tan olgan mahoratga erishgan?

Inson o‘zidagi iste’dodlarni qanday rivojlantirsa, butun jamiyatga naf keltiradigan ijodkor, olim, shifokor, san’atkor yoki hunarmandga aylanadi? 

Robert Grin “Mahorat” kitobida shu savollarga javob berishga harakat qiladi. Kitobda chinakam professionalga aylanish uchun qanday ko‘nikmalar zarurligi tushuntiriladi. Iste’dodini o‘z vaqtida va to‘g‘ri yo‘naltirgan, boyita olganlarda mohirlar safidan joy olish imkoniyati bugun juda katta. Hatto bu borada ajdodlarimizdan ancha omadlimiz. Ishonmayapsizmi? 
“MAHORAT” — so‘zimizning yaqqol isboti. U qalbingizda yangi bir mohirni kashf etish, o‘z ishingizning haqiqiy ustasi bo‘lishingiz uchun ishtiyoq uyg‘otishiga ishonamiz!

Savdo san'ati - Ushbu kitobda savdo boʻyicha mutaxassis Grant Kardon sotish tamoyillarini, ishontirish yoki koʻndirish usullarini va savdoning hayotimizdagi oʻrnini koʻrsatib beradi. U hatto iqtisodiyot yomonlashgan payti ham sotishni, savdo rekordlarini yangilashni koʻrsatib beradi. Eng muhimi mijozni tushunishni, muammosiga mos yechim berishni va rad javoblar sonini kamaytirish usullarini oʻrgatadi.

Zukkolar va landavurlar - yuqori darajadagi muvaffaqiyatga hissa qoʻshadigan omillarni oʻrganadigan ajoyib kitob. Muallifning taʼkidlashicha, biz koʻpincha imkoniyat va vaziyatning roliga emas, balki shaxsiy isteʼdodga juda koʻp eʼtibor qaratamiz. Kitobda berilgan yana bir tushuncha — bu “Metyu effekti”. Bu boylar boyib boradi, kambagʻallar esa qashshoqlashadi, degan fikr. Gladuellning taʼkidlashicha, bu hodisa nafaqat pulga, balki imkoniyatlarga ham tegishli. Imtiyozli sharoitlarda tugʻilganlar muvaffaqiyatga erishish uchun zarur imkoniyatlarga ega boʻlish ehtimoli koʻproq boʻlar ekan.

Yapon zobiti - Roman 1904-1905 yillardagi rus-yapon urushi paytida Koreya qirgʻoqlarida kema halokatga uchragan yapon dengiz floti ofitseri Yutaro Toda haqida hikoya qiladi. U hayoti davomida turli ogʻir sinovlarni boshdan kechiradi va kuchli irodasi, sabri, vaziyatga tez moslashib qaror qilishi, taslim boʻlmasligi bilan kitobxonga namuna boʻladi. Roman Todaning hayotiy tajribalari haqida boʻlib, urush, madaniyat toʻqnashuvi va omon qolish mavzularini keltiradi. Roman oʻzining tarixiy aniqligi, hayajonli syujeti va koreys manzarasining yorqin tasviri uchun yuqori baholangan.

Sarmoyador - amerikalik yozuvchi Teodor Drayzerning eng mashhur romanlaridan biri. Adibning “Istak trilogiyasi” dan joy olgan ushbu asari 1912-yilda nashr etilgan. Unga amerikalik temir yoʻl korchaloni, millioner Charlz Yerksning hayot yoʻli asos qilib olingan. Kitobda konkret inson misolida tadbirkor qanday fikrlashi, xayolidan qanday oʻylar kechishi, muammolarga qanday yechim topishi tasvirlangan. Bu asar chinakam tadbirkor xarakteriga berilgan chizgidir.

Tadbirkor - Biznes faqat tadbirkorni boy qiladimi? Davlat va jamiyat farovonligida uning o'rni qanchalik muhim? Keyin paytda o'zbek tilida ham tadbirkorlik va biznes haqidagi kitoblar, motivatsiya berish ko'zlangan biznes-treninglar ancha ko'paydi. Lekin ular ko'proq umumiy-nazariy bilim berish bilan cheklanadi. Firuz Allayev "Tadbirkor" nomli kitobida mavzuni sodda tilda, taniqli tadbirkorlar hayotidan olingan va o'z tajribasida duch kelgan amaliy misollar yordamida tushuntirib bergan. Kitobdan muallifning sohani yanada rivojlantirishga doir taklif va mulohazalari, yuqoridagi savollarga javoblari ham o'rin olgan.

Yalang'och iqtisotiyot - Charlz Uilanning “Yalangʻoch iqtisodiyot” nomli kitobida iqtisodiyotning mohiyati hamda dolzarb masalalari sodda va tushunarli, barchamizga tanish hayotiy misollar bilan yoritilgan. Kitobda murakkab chizmalar yoki sirli formulalar yoʻq, balki moddiyat dunyosida qanday qonuniyatlar hukmronlik qilishi va davlatlar nimaning hisobiga boyishi tushuntirilgan. Asarni oʻqiy boshlaganimizda muallif ulkan iqtisodiyot olamidagi yoʻlboshchimizga aylanib, bu olamning eng chekka burchaklarigacha biz bilan sayohat qiladi. Uilan ‒ ishonchli yoʻlboshchi, uning biz bilan olib boradigan suhbati esa samimiy va doʻstona ruhda kechadi.