Эркаклар учун жиддий тўплам

Эркаклар учун жиддий тўплам
Китоблар рўйхати:

Яланғоч иқтисодиёт - Чарлз Уиланнинг “Яланғоч иқтисодиёт” номли китобида иқтисодиётнинг моҳияти ҳамда долзарб масалалари содда ва тушунарли, барчамизга таниш ҳаётий мисоллар билан ёритилган. Китобда мураккаб чизмалар ёки сирли формулалар йўқ, балки моддият дунёсида қандай қонуниятлар ҳукмронлик қилиши ва давлатлар ниманинг ҳисобига бойиши тушунтирилган. Асарни ўқий бошлаганимизда муаллиф улкан иқтисодиёт оламидаги йўлбошчимизга айланиб, бу оламнинг энг чекка бурчакларигача биз билан саёҳат қилади. Уилан ‒ ишончли йўлбошчи, унинг биз билан олиб борадиган суҳбати эса самимий ва дўстона руҳда кечади.

Катта ўйин - Ушбу китоб минтақада қарийб бир аср давом этган сиёсий ўйинлар, гилам ости дипломатияси, қонли жанглар ва катта ҳудудни ўз таъсири доирасига тушириш учун халқаро босим ҳақида қизиқарли тилда ҳикоя қилади. Ҳикоя бўлганда ҳам воқеаларни ўз кўзлари билан кўрган шоҳидларнинг ҳикоялари.
Геосиёсий бир ўйин тарзида кечган бу курашда томонлар ким кўпроқ ва каттароқ ҳудудни эгаллаш пайида эди. Чор Россияси Ҳиндистонга чиқиш, инглизлар тасарруфидаги ҳудудни ўзиники қилишни кўзласа, Британия империяси бунга гоҳ буфер давлатлар яратиш, гоҳ Ҳиндистон мулки чегараларини кенгайтириш орқали қарши туради. Россия ҳам инглизлар эгаллаб олмасидан бурун хонликларни ўз империясига қўшиб олишга ошиқади.

Фаровонлик парадокси - Қандай қилиб мамлакатлар фаровонликка эришиши мумкин? Фаровонликнинг асл калити нимада? Кўплар бу саволларга турли жавобларни таклиф қилса-да, дунёдаги энг таниқли университет -  Ҳарвард профессори Клейтон Кристенсен бошчилигидаги тадқиқотчилар "Фаровонлик парадокси" китобида бошқалардан фарқ қиладиган, лекин далилларга асосланган амалий ечимларни тақдим этишган.

Мамлакатлар таназзули сабаблари - Ажойиб ва қизиқарли ёзилган “Мамлакатлар таназзули сабаблари” асари асрлар давомида мутахассисларни ҳайратда қолдирган саволга ишончли ва изчил асосланган янги назария билан жавоб беради: Нега баъзи мамлакатлар бой ва бошқалар камбағал, бойлик ва қашшоқлик, соғлиқ ва касаллик, озиқ-овқат ва очарчилик бўйича бўлинган?

Банк 4.0 -  Банк келажаги аллақачон шу ерда — сиз тайёрмисиз?

Нақд пул аллақачон эскилик сарқитига айлангани кўпчилигимизга сир эмас. Бироқ пластик картанинг даври ҳам ўтганини биласизми? Тўлов тизимлари ва банк соҳасида инқилобий ўзгаришлар юз бермоқда. Келажакда маҳсулот сотиб олиш учун ғиштдай келадиган ҳамёнимизни чиқариб, банкноталарни санаб ўтирмаймиз, ҳатто чўнтагимиздаги картани кассирга узатишга ҳам ҳожат бўлмайди. Эҳтимол, телефонимиздаги илова ҳам керак бўлмас. Унда қандай тўлов қиламиз?