Diyora Murodxo'jayeva: Nozik ohang

Asaxiy Booksda navbatdagi PREMYERA - 15 yoshli o‘zbek yozuvchisining kitobi sotuvda!

Autizm haqida ko‘pchilikda noto‘g‘ri tushuncha mavjud, jamiyatda bu holat "nuqson" deb qabul qilinadi. Ammo ushbu kitob butunlay boshqa haqiqatni - autizmga chalingan bolalarda ham o‘ziga xos, beg‘ubor va go‘zal bir olam borligini ko‘rsatib beradi. Shu bilan birga, autist bolalarning sukutda so‘zlashi va beg‘ubor yuraklari bilan dunyoni tushunishga qanchalik urinishlarini aks ettiradi.

Muallif yosh va bu kasallikni boshdan kechirmagan bo‘lishiga qaramay, kitobda autist qizchaning ichki dunyosini mahorat bilan tasvirlaydi. "Nozik ohang" - nafaqat autist bolalarning, balki har bir bolaning nozik qalbini tushunishga, ularni e’tibor bilan tinglashga va qo‘llab-quvvatlashga chorlaydi. Ushbu asar har bir insonning o‘z dunyosi mavjudligini, unga bilib-bilmay zarar yetkazib qo‘ymasligimiz muhimligini anglashimiz uchun turtki bo‘ladi.
 

15 yoshli o‘zbek yozuvchisi Diyoraning kitobi nafaqat kichik yoshlilar, balki kattalarga ham mo‘ljallangan asar hisoblanadi. Bu - ichki olami boy, ammo tashqi dunyo bilan muloqot qilishda qiynalayotgan bir qizchaning yurakdagi ohangidir. Bu ohangni har birimiz eshitishimiz, undagi beg‘uborlik, sokinlik va ichki kurashni his qilishimiz lozim.

"Nozik ohang" kitobi bir autist qizcha tilidan hikoya qilinadi. Uning nigohi orqali biz nafaqat autizmga, balki atrofdagi hayotga boshqacha nazar bilan qarashni o‘rganamiz. Bu kitobni o‘qigandan so‘ng bolalar bilan munosabatingizni taftish qilasiz va ehtimol, o‘zingizni ham boshqacha anglashni boshlaysiz.

Kitob kimlarga mos keladi:

▪️Ota-onalarga va bolalarga

▪️O‘qituvchilar va tarbiyachilarga

▪️Samimiy va ta’sirli adabiyot izlayotganlarga

▪️Psixologiya va bolalar rivojlanishiga qiziqqanlarga

▪️Yangi avlod yozuvchisining kitobini o‘qishni istaganlarga

▪️O‘zini hech bo‘lmasa bir marta "tushunilmagan" his qilganlarga mos keladi.

“Nozik ohang” sizni mulohaza qilishga, keyin esa o‘zingizga savol berishga undaydi. Bu kitob mutolaasidan so‘ng, ehtimol siz ham o‘z qalbingizdagi nozik ohangni eshitasiz...