Диёра Муродходжаева: Нозик оҳанг | Хрупкая мелодия

Asaxiy Books'да навбатдаги ПРЕМЬЕРА - 15 ёшли ўзбек ёзувчисининг китоби сотувда!
 

Аутизм ҳақида кўпчиликда нотўғри тушунча мавжуд, жамиятда бу ҳолат "нуқсон" деб қабул қилинади. Аммо ушбу китоб бутунлай бошқа ҳақиқатни - аутизмга чалинган болаларда ҳам ўзига хос, беғубор ва гўзал бир олам борлигини кўрсатиб беради. Шу билан бирга, аутист болаларнинг сукутда сўзлаши ва беғубор юраклари билан дунёни тушунишга қанчалик уринишларини акс эттиради.

Муаллиф ёш ва бу касалликни бошдан кечирмаган бўлишига қарамай, китобда аутист қизчанинг ички дунёсини маҳорат билан тасвирлайди. "Нозик оҳанг" - нафақат аутист болаларнинг, балки ҳар бир боланинг нозик қалбини тушунишга, уларни эътибор билан тинглашга ва қўллаб-қувватлашга чорлайди. Ушбу асар ҳар бир инсоннинг ўз дунёси мавжудлигини, унга билиб-билмай зарар етказиб қўймаслигимиз муҳимлигини англашимиз учун туртки бўлади.
 

15 ёшли ўзбек ёзувчиси Диёранинг китоби нафақат кичик ёшлилар, балки катталарга ҳам мўлжалланган асар ҳисобланади. Бу - ички олами бой, аммо ташқи дунё билан мулоқот қилишда қийналаётган бир қизчанинг юракдаги оҳангидир. Бу оҳангни ҳар биримиз эшитишимиз, ундаги беғуборлик, сокинлик ва ички курашни ҳис қилишимиз лозим.

"Нозик оҳанг" китоби бир аутист қизча тилидан ҳикоя қилинади. Унинг нигоҳи орқали биз нафақат аутизмга, балки атрофдаги ҳаётга бошқача назар билан қарашни ўрганамиз. Бу китобни ўқигандан сўнг болалар билан муносабатингизни тафтиш қиласиз ва эҳтимол, ўзингизни ҳам бошқача англашни бошлайсиз.

Китоб кимларга мос келади:

▪️Ота-оналарга ва болаларга

▪️Ўқитувчилар ва тарбиячиларга

▪️Самимий ва таъсирли адабиёт излаётганларга

▪️Психология ва болалар ривожланишига қизиққанларга

▪️Янги авлод ёзувчисининг китобини ўқишни истаганларга

▪️Ўзини ҳеч бўлмаса бир марта "тушунилмаган" ҳис қилганларга мос келади.

“Нозик оҳанг” сизни мулоҳаза қилишга, кейин эса ўзингизга савол беришга ундайди. Бу китоб мутолаасидан сўнг, эҳтимол сиз ҳам ўз қалбингиздаги нозик оҳангни эшитасиз...