Deyl Karnegi: O‘z-o‘ziga ishonch hosil qilish va omma oldida so‘zlash san’ati

Eʼtibor berganmisiz, aksariyat hollarda ko‘pchiligimiz ikkilanamiz, "fikr bildirishga ojizlik qilamiz. Hadeganda yakuniy xulosaga kelavermaymiz. Bu esa o‘zimizga nisbatan ishonchsizlikni namoyon etadi. Shuningdek, omma oldida hayajon bosib, shaxsiy nuqtai nazarini ifodalay olmaydiganlar bor. Ularda jo‘yali fikr, istiqbolli takliflar bo‘lsa-da, ko‘pchilik huzurida buni bayon etishga ojizlik qiladilar. Mashhur ruhshunos Deyl Karnegining mazkur kitobi o‘z-o‘ziga ishonch hosil qilish va omma oldida so‘zlashning turli yo‘llarini ochib beradi. Chunonchi, siz tinglovchini qiziqtirish, yaxshi maʼruza o‘qish, xotirani mustahkamlash va boshqa mavzularda ham boy maʼlumot olasiz. Ushbu kitob hayot yo‘lingizda doimiy hamrohingizga aylanadi, degan umiddamiz.