Deyl Karnegi: To‘plam

Bu kitob ancha mashhur bo‘lib, millionlab kishilarning yaqin hamrohiga aylangan. Uni o‘qish uchun maxsus ixtisoslik talab qilinmaydi. Kitobdagi tamoyillarni har qanday kishi o‘z hayotida qo‘llashi mumkin.

Muallif mashhur kishilarning hayotiy tajribalari, og‘ir damlarda qo‘llagan usullari nechog‘lik foyda berganini misollar yordamida keltirib o‘tadi. Samimiylik, yaxshi suhbatdosh bo‘lish, odamlarni qiziqtirish, xushmuomalalik va boshqa oddiy tamoyillar ulkan marralarni egallashda samarali taʼsir ko‘rsatishini bayon etadi.

Kitob o‘zida ishonch uyg‘otishni istagan kishilar uchun ham kerakli manbadir. Undagi tamoyillarni egallasangiz, shaxsiy fikringizni o‘zgalarga ochiq-oydin yetkaza olasiz. Shuningdek, xotirani mustahkamlash, qatʼiyatli, jasur bo‘lish usullari, dovruqli insonlarning umr yo‘lidan ibratli lavhalar havola etilgan.

Kitobni o‘qish asnosida xavotirsiz yashash mumkinligiga ham amin bo‘lasiz. Hayotiy faoliyatingiz va kayfiyatingizni yuqori darajada tutishni o‘rganasiz.

Alalxusus, qayta ko‘rib chiqilgan va tuzatilgan nashr asosida tayyorlangan bu kitob hayotda muvaffaqiyatga erishishni xohlaganlar uchun.