Mikroto‘lqinli pechlar

Mikroto‘lqinli pech – pazandalik tajribalari uchun keng maydon

Zamonaviy oshxonani mikroto‘lqinli pechsiz tasavvur qilish qiyin. Ushbu maishiy texnika jihozi allaqachon “must have” – ega bo‘lish shart hisoblanadigan buyumga aylangan. U taomni isitish, muzlagan masalliqni eritish va turli ovqatlar pishirish uchun bir qator funksiyalarga ega. Mazkur qurilma zamonaviy uy bekasining universal ko‘makchisiga aylangan, chunki u ortiqcha urinishlarsiz taom tayyorlash imkonini beradi. Masalliqlarni kameraga joylash va kerakli rejimni tanlash kifoya. Qolgan barcha ishni texnika o‘zi mustaqil bajaradi.

Mikroto‘lqinli pechlarning afzalliklari

Ushbu moslamalar quyidagi kuchli jihatlari bilan maqtana oladi:

• Avtomatlashtirilgan faoliyat – qurilmada har xil mahsulotlarni isitish, muzdan eritish va tayyorlashning bir qator dasturlari joriy etilgan. Bundan tashqari, unda rejim va vaqtni o‘zingiz belgilab qo‘ysangiz ham bo‘ladi.
• Ko‘pfunksionallik – o‘ta yuksak chastotali pechlarda pol va parranda go‘shtini, sabzavotlarni pishirish va omlet tayyorlash mumkin. Unda ishtahani qitiqlovchi qaylali ragu yoki pishloqli kartoshka pishirsa bo‘ladi. Bundan tashqari, mazkur qurilma muzlatilgan turli go‘shtlar va baliqlarni, sabzavotlarni tezkor eritib beradi. Masalliqlar bunda tarkibidagi mikroelementlari va vitaminlarini yo‘qotmaydi.
• Foydali taomlar – ovqatni yog‘ qo‘shmasdan tayyorlasa bo‘ladi. Pishirish jarayonida uning tayyorlik darajasini tekshirish uchun «Stop» tugmachasini bosish mumkin. Odatda masalliqlar kuyib ketmaydi va bir tekisda pishadi.
• Ixchamlik – bu moslama oshxonada ko‘p joyni band etmaydi. Mebelning ichiga o‘rnatiluvchi modellarda esa uning uchun stolda joy ajratish ham kerak bo‘lmaydi.
• Xavfsizlik – gaz plitasidan farqli ravishda mikroto‘lqinli pech ochiq olov hosil qilmaydi. Uning tuzilishidagi har bir detal puxta o‘ylangan; natijada kuyib ketish, qisqa tutashuv va boshqa avariya vaziyatlarining oldi olingan.
• Nafislik – bu jihoz o‘ziga xos uslubdagi zamonaviy tashqi ko‘rinishga ega. U har qanday interyer bilan uyg‘unlashadi.

Mikroto‘lqinli pechlarning turlari

O‘rnatilish usuliga ko‘ra bu qurilmalar ikkita yirik toifaga ajratiladi:

• Alohida turuvchi – oshxona tumbasida yoki stolida turuvchi klassik modellar. Shuningdek, bunday modifikatsiyalarni tokchaga ham qo‘ysa bo‘ladi. Ularni bir joydan boshqa joyga ko‘chirib o‘tqazish oson. Zarurat tug‘ilsa boshqa maishiy jihozlarga joy ochish uchun bu qurilmani olib qo‘yish mumkin.
• O‘rnatiluvchi – oshxona garnituri ichiga o‘rnatiladigan pechlar. Bunday modellarning bosh afzalligi – xonada foydali joyning tejalishi. Bundan tashqari, interyer tuzilishi oshxona jihozlarining joylanishi bo‘yicha muayyan tartiblarni talab etgan hollarda ham o‘rnatiluvchi modellar tanlanadi. Masalan, “Kantri” hamda “Provans” uslublarida ochiqda turuvchi moslamalar uncha mos tushmaydi. Ammo o‘rnatiluvchi mikroto‘lqinli pechlar oshxona mebelining ichidagi joyni band qiladi, bu esa hamisha qulay bo‘lmasligi mumkin.

Asosiy rejimlar

Funksiyalariga ko‘ra mikroto‘lqinli pechlarni quyidagi turlarga ajratish mumkin:

• Solo – bunday modellarda faqat mikroto‘lqinning o‘zi ko‘zda tutilgan bo‘ladi. Ular mahsulotlarni isitib va muzdan eritib beradi. Ammo ularda ham desertlar va ayrim taomlarni tayyorlasa bo‘ladi.
• Grilli – aksariyat brendlar naychali elektrda isitish tizimiga ega bo‘lgan mikroto‘lqinli pechlar ishlab chiqaradi. Ayrim hollarda qo‘zg‘aluvchi grilga ega variantlar ham uchraydi. Qanday bo‘lmasin, bu element ishtahani qitiqlovchi ustki qatlamli go‘sht va baliq pishirish imkonini beradi.
• Konveksiyali – bunday modellarning ichida ventilyator ham bo‘ladi. U qaynoq havoni kameraning butun hajmi bo‘ylab tarqatadi, natijada issiqlik masalliqlarning hamma yeriga teng taqsimlanadi.
• Bug‘ generatorli – mazkur qo‘shimcha sog‘lom turmush tarziga amal qiluvchilar uchun zarur. Parovarka foydali parhez taomlar tayyorlash imkonini beradi.
• Duxovka funksiyali – bunday mikroto‘lqinli pech biryo‘la ikkita oshxona jihozi o‘rnini bosadi. Bu esa joyni ham, mablag‘laringizni ham tejash imkonini beradi, chunki siz ikki dona qurilma sotib olishingiz shart bo‘lmaydi.
• Dudbo‘ronli – yana bir “ikkitasi bittada” variant. Bunday moslama oshxonadagi plita yuzasi tepasiga o‘rnatiladi. U ham klassik modellarga nisbatan kamroq joy egallaydi. Biroq bunaqa qo‘shma jihozning bitta jiddiy “minus” jihati bor – narxi baland.

Mikroto‘lqinli pechlarning alohida toifasi – invertorli modifikatsiyalardir. Ularning klassik modellardan asosiy farqi boshqaruv bloki mavjudligidadir: u quvvatni avtomatik tarzda belgilashga va mahsulotlarni bir tekis isitishga qodir. Invertor qurilmaning korpusida joyni tejaydi. Shuningdek, u elektr energiyasi xarajatini ham pasaytiradi.

Tanlash mezonlari

Mikroto‘lqinli pech xaridida quyidagi parametrlarni inobatga olish lozim:

• Quvvat – isitish tezligi va harorati shunga bog‘liq. Zamonaviy texnikalarda bu ko‘rsatkich 1000 Vt va undan yuqoriroqqacha yetadi. Quvvatli jihoz tanlashda uyingizdagi elektr simlarining holati yaxshi ekaniga e’tibor qarating, chunki bunday jihozlar elektr tarmog‘iga katta yuklama soladi.
• Boshqaruv tizimi – mikroto‘lqinli pechlar mexanik pereklyuchatelli, elektron unsurli va sensor panelli bo‘ladi. Bulardan birinchi variantdagi – eng oddiy va arzonlari, ularda funksiyalarning almashuviga rele va tugmachalar mas’ul. Elektron boshqaruvda esa tugmachalar va displey ko‘zda tutilgan. Bu holat rejimni maksimal darajada aniq belgilash imkonini beradi. Sensorli boshqaruv – bu eng yangi texnologiya, uning evaziga dasturni yengil barmoq tekkizish orqali ishga tushirsa bo‘ladi. Uning salbiy jihati – narxi balandligidir. Shu boisdan, agar pulni tejamoqchi bo‘lsangiz, tugmachali boshqaruvga ega pech tanlang.
• Ichki qoplamasi – odatda zanglamas po‘lat, emal yoki keramika qo‘llanadi. Zanglamaydigan po‘lat yuqori harorat ta’siriga bardoshli, lekin unga qarab turish qiyinroq. Emal – eng arzon variant, ammo ehtiyotkorlik bilan muomalada bo‘lishni talab etadi. Emalning shikastlanishi, tirnalishi oson. Hozirda keramik ichki qoplamali mikroto‘lqinli pechlar ommalashgan – bu material mustahkam va mexanik yuklamalarga bardoshli. So‘nggi avlod pechlar biokeramik qoplama bilan chiqarilyapti.

Mikroto'lqinli pechlarning boshqa xususiyatlari

Mikroto‘lqinli pechlar kamera o‘lchamiga ko‘ra farqlanadi. Quyidagi variantlar taklif etiladi:

• 10-12 litrlik;
• 15-20 litrlik;
• 23-25 litrlik;
• 30 litrlik.

Hajm bu gadjetni ishlatishdan ko‘zlangan maqsaddan va oila a’zolari sonidan kelib chiqib tanlanadi. Bir-ikki kishi uchun taomlarni isitishga 10 litrlik kichkina modeli ham yetarli. Umumiy ovqatlanish tashkiloti uchun kamida 20 litrlik variant tanlash kerak bo‘ladi.

Ushbu texnika narxi faqat quvvatiga va kamera hajmigagina bog‘liq emas. Unga pechning funksionali ham ta’sir qiladi. Zamonaviy mikroto‘lqinli pechlar quyidagi singari imkoniyatlarga ega:

• avtooshpaz;
• ovozli signal;
• bolalardan himoya;
• o‘zini tozalash;
• tezkor start;
• ishga tushish vaqtini belgilab qo‘yish;
• hidlarni yo‘qotish.

Mikroto‘lqinli pech – interyerning bir qismidir, shu sababli korpus rangi ham yetarlicha rol o‘ynaydi. Quyidagi tuslar ko‘proq talabgir:

• oq;
• sarg‘ish;
• qora;
• zanglamas po‘lat rangi.

Asaxiyda mikroto'lqinli pechni sotib oling

Maishiy texnika jihozi xaridida markani tanlashga e’tibor bilan yondashish kerak. Mahsulot narxi, tarkibiy qismlarning sifati va yaxshi terilishi, kafolat muddati va xizmat ko‘rsatish aynan shunga bog‘liq. Asaxiy internet-do‘konida siz dunyoga mashhur ishlab chiqaruvchilarning mikroto‘lqinli pechlarini hamyonbop narxlarda sotib olishingiz mumkin:

• Samsung;
• LG;
• Bosch;
• Candy;
• Daewoo;
• Smeg;
• Panasonic.

Qurilmaning xususiyatlariga diqqat qarating. Masalan, katalogda aylanuvchi stolchasiz mikroto‘lqinli pechlar ham taqdim etilgan. Ya’ni, ularda kamera ichida harakatlanuvchi elementlar bo‘lmaydi.

Asaxiy do‘koni O‘zbekiston bo‘ylab eltib berishni bir necha kun ichida amalga oshiriladi. Toshkentda esa bu xizmat tezroq bajariladi. Bu boradagi batafsil ma’lumotni saytning tegishli bo‘limidan olish mumkin.