Isoqjon Nishonov: Afg‘on shamoli (1-2 kitoblar)

«Afg‘on shamoli» roman-seriali o‘tkir syujetlarga boy va voqealar ketma-ketligi o‘quvchini doimiy hayajonda ushlab turadi. Narkobiznes olami, narkokuryerlarning jirkanch qilmishlari kitobxonda ularga nisbatan nafrat tuyg‘usini uyg‘otmay qolmaydi. Beshinchi kitobda voqealar asosan Istanbul, Samangan, Moskva, Bishkek hamda yurtimizda yuz beradi. Asarda kamikadzelarning qanday ruhiy tayyorgarliklardan o‘tishi, hayotining oxirgi kunlarida vatanga, xalqiga qilgan xiyonatidan afsus chekayotgan Chervon xonimning chegaraga yetganda Ergashning odamlari tomonidan vahshiylarcha o‘ldirilishi, Sharifning Ergash boshchilik qilayotgan to‘dadan qochib ketishi kabi hayajonga boy sahnalarni o‘qiysiz.

Romanning oltinchi kitobida Mehmed Chegechi hamda rus mafiya otasi - Vadim Volfovichning o‘ldirilishi, "Adolat lashkarlari"ning qabohatga to‘la nohaqliklari, o‘zbek razvedkachisi - Bo‘ronning erta-indin dunyoning turli burchaklariga jo‘nab ketishi kutilayotgan kamikadzelarni tunda portlatib yuborishi kabi qiziqarli va qaltis voqealar eʼtiborini tortadi.