Ilhom va motivatsiya to‘plami

Mey Mask: Rejali ayol. Baxtli hayot qoidalari (yumshoq muqova)
Ushbu kitobda mashhur milliarder Ilon Maskning onasi Mey Mask o‘zining murakkab, lekin mazmunli hayoti to‘g‘risida so‘zlaydi. Asarni o‘qib, Mey Mask naqadar mustaqil va jasur ayol ekanidan hayratlanasiz. U o‘zining boy hayotiy tajribasidan kelib chiqib, go‘zallik, sog‘lik, baxt va farzand tarbiyasi sirlarini biz bilan baham ko‘radi. Boy kasbiy va hayotiy tajribaga ega Mey Mask nafaqat ayollar, balki erkaklar uchun ham muvaffaqiyatli inson namunasidir. Uning hikoyasi bizni to‘kis va erkin yashashga, dunyo ko‘rishga hamda mudom yangi imkoniyatlar izlashga ilhomlantiradi. Ehtimol, turmushimizdagi ayrim to‘siqlarni yengishda, zerikarli bir xillikdan xalos qilishda Mey Maskning tajribasi asqatar... 

Frenk Bettjer: Muvaffaqiyat sirlari
Muallif garchi boshlang‘ich maktabda 6-sinfgacha ta’lim olgan, qator omadsiz tajribalar sohibi bo‘lsa-da, bular uning yozuvchilikda ham nom qozonishiga to‘sqinlik qila olmadi. Umidsizlik, muvaffaqiyatsizlik intihosi hamda yutuqlar debochasi haqida hikoya qiluvchi ushbu asar sizni yuksak cho‘qqilarni zabt etishga undaydi. Sodda va ravon uslubda yozilgan kitob sizga ko‘plab hayotiy masalalarda maslahatchi bo‘la oladi. Ilhombaxsh turfa hikoyalar esa omad kalitiga ega bo‘lish sirlarini o‘rgatadi. Kitobda muallifning qisqa vaqt ichida muvaffaqiyat qozongani turli-tuman voqealar misolida ochib beriladi. Shu asnoda har qanday kishi xuddi shu tarzda omad cho‘qqisiga chiqishi mumkinligi uqtiriladi.

Robert Grin: Mahorat
Jamiyat va mamlakat taqdiri undagi mohirlar, haqiqiy professionallar, o‘z ishining ustalariga bog‘liq.

Mohir va buyuk insonlarning buyukligi nimada? Ular qanday qilib hamma tan olgan mahoratga erishgan?

Inson o‘zidagi iste’dodlarni qanday rivojlantirsa, butun jamiyatga naf keltiradigan ijodkor, olim, shifokor, san’atkor yoki hunarmandga aylanadi?

Robert Grin «Mahorat» kitobida shu savollarga javob berishga harakat qiladi. Kitobda chinakam professionalga aylanish uchun qanday ko‘nikmalar zarurligi tushuntiriladi. Iste’dodini o‘z vaqtida va to‘g‘ri yo‘naltirgan, boyita olganlarda mohirlar safidan joy olish imkoniyati bugun juda katta. Hatto bu borada ajdodlarimizdan ancha omadlimiz. Ishonmayapsizmi?

«MAHORAT» — so‘zimizning yaqqol isboti. U qalbingizda yangi bir mohirni kashf etish, o‘z ishingizning haqiqiy ustasi bo‘lishingiz uchun ishtiyoq uyg‘otishiga ishonamiz!

Brayan Treysi: Samaradorlikning 21 yo‘li
Agar sizda :

— Rejalagan ishlaringizga yetarli vaqt topilmayotgan;
— Shaxsiy majburiyatlar, loyihalar, vaqt ortsa, o‘qiyman deganingiz talay jurnal va kitoblar yuki bosib qolgan. Biroq siz ularga ulgurmayotgan. Ishlaringizni to‘liq ado etishga umid ham qilmayotgan;
— Ko‘nglingizdagidek dam olishga vaqt orttira olmayotgan;
— Ishlaringizni samarali yo‘lga qo‘yish usullarini har qancha o‘rganmang, rejalagan yumushlaringiz ortib, baribir vaqt yetmay qolayotgan bo‘lsa, ushbu kitob aynan siz uchun!