Мэй Маск: Режали аёл. Бахтли ҳаёт қоидалари (юмшоқ муқова)

Ушбу китобда машҳур миллиардер Илон Маскнинг онаси Мей Маск ўзининг мураккаб, лекин мазмунли ҳаёти тўғрисида сўзлайди. Асарни ўқиб, Мей Маск нақадар мустақил ва жасур аёл эканидан ҳайратланасиз. У ўзининг бой ҳаётий тажрибасидан келиб чиқиб, гўзаллик, соғлик, бахт ва фарзанд тарбияси сирларини биз билан баҳам кўради. Бой касбий ва ҳаётий тажрибага эга Мей Маск нафақат аёллар, балки эркаклар учун ҳам муваффақиятли инсон намунасидир. Унинг ҳикояси бизни тўкис ва эркин яшашга, дунё кўришга ҳамда мудом янги имкониятлар излашга илҳомлантиради. Эҳтимол, турмушимиздаги айрим тўсиқларни енгишда, зерикарли бир хилликдан халос қилишда Мей Маскнинг тажрибаси асқатар... 

Фрэнк Беттжер: Муваффақият сирлари

Муаллиф гарчи бошланғич мактабда 6-синфгача таълим олган, қатор омадсиз тажрибалар соҳиби бўлса-да, булар унинг ёзувчиликда ҳам ном қозонишига тўсқинлик қила олмади. Умидсизлик, муваффақиятсизлик интиҳоси ҳамда ютуқлар дебочаси ҳақида ҳикоя қилувчи ушбу асар сизни юксак чўққиларни забт этишга ундайди. Содда ва равон услубда ёзилган китоб сизга кўплаб ҳаётий масалаларда маслаҳатчи бўла олади. Илҳомбахш турфа ҳикоялар эса омад калитига эга бўлиш сирларини ўргатади. Китобда муаллифнинг қисқа вақт ичида муваффақият қозонгани турли-туман воқеалар мисолида очиб берилади. Шу аснода ҳар қандай киши худди шу тарзда омад чўққисига чиқиши мумкинлиги уқтирилади.

Роберт Грин: Маҳорат

Жамият ва мамлакат тақдири ундаги моҳирлар, ҳақиқий профессионаллар, ўз ишининг усталарига боғлиқ.

Моҳир ва буюк инсонларнинг буюклиги нимада? Улар қандай қилиб ҳамма тан олган маҳоратга эришган?

Инсон ўзидаги истеъдодларни қандай ривожлантирса, бутун жамиятга наф келтирадиган ижодкор, олим, шифокор, санъаткор ёки ҳунармандга айланади?

Роберт Грин «Маҳорат» китобида шу саволларга жавоб беришга ҳаракат қилади. Китобда чинакам профессионалга айланиш учун қандай кўникмалар зарурлиги тушунтирилади. Истеъдодини ўз вақтида ва тўғри йўналтирган, бойита олганларда моҳирлар сафидан жой олиш имконияти бугун жуда катта. Ҳатто бу борада аждодларимиздан анча омадлимиз. Ишонмаяпсизми?

«МАҲОРАТ» — сўзимизнинг яққол исботи. У қалбингизда янги бир моҳирни кашф этиш, ўз ишингизнинг ҳақиқий устаси бўлишингиз учун иштиёқ уйғотишига ишонамиз!

Брайан Трейси: Самарадорликнинг 21 йўли

Агар сизда :

— Режалаган ишларингизга етарли вақт топилмаётган;
— Шахсий мажбуриятлар, лойиҳалар, вақт ортса, ўқийман деганингиз талай журнал ва китоблар юки босиб қолган. Бироқ сиз уларга улгурмаётган. Ишларингизни тўлиқ адо этишга умид ҳам қилмаётган;
— Кўнглингиздагидек дам олишга вақт орттира олмаётган;
— Ишларингизни самарали йўлга қўйиш усулларини ҳар қанча ўрганманг, режалаган юмушларингиз ортиб, барибир вақт етмай қолаётган бўлса, ушбу китоб айнан сиз учун!