Gi De Mopassan: Hayot

Qo'lingizdagi ushbu kitob fransuz adibi Gi de Mopassan (1850-1893) qalamiga mansub "Une vie" romanini rus tili orqali (fransuz tilidan rus tiliga A. N. Chebotarevskaya "Жизнь" nomi ostida tarjima qilgan) Erkin Nosirov tomonidan "Hayot" nomi ostida tarjima qilingan ko'rinishidir.

Adibning ushbu romani Yevropa nasrining eng yaxshi asarlari qatoriga kiradi. Rus adibi Lev Tolstoy ushbu kitobni Gyugoning «Xo'rlanganlar» romanidan keyingi eng yaxshi fransuz romani deb maqtagan.

Mazkur asarida monastirni tark etgan qizning hayoti haqida hikoya qiladi. Yosh, xayolparast va maftunkor Jannaning boshiga tushgan ofatlar qahramonning fe'l-atvorini butunlay o'zgartiradi. Qarilik esa uni hayot qanday ekanligi haqida o'ylashga majbur qiladi. Asar davomida Janna hayot o'zining orzu qilgandek juda adolatli ham emas va juda ham shafqatsiz emasligini anglaydi.

Ushbu kitob ilk bor o'zbek tilida 1986-yilda chop etilgan. Bu davrdagi nashrida ayrim so'z va jumlalarning ma'nosi izohlanmagan yoki ruscha soʻzlar, yoki baynalmilal jumlalar orqali berilgan edi. Bu holat bilan biz tarjimonlarni yoki o'sha davr nashriyoti xodimlarini kamsitish fikridan yiroqmiz. Faqat hozirgi davr kitobxonlarining talab va iltimoslariga asosan asar tarjimasiga qoʻshimcha iqtiboslar kiritildi va hozirgi o'zbek adabiy tili qoidalari asosida qayta tahrirlandi.