Chiroyli muqova ixlosmandlari uchun to‘plam

Antuan de Sent-Ekzyuperi: Kichkina shahzoda (Yumshoq muqova)
Dunyoga bolalar ko‘zi bilan boqishni unutib qo‘ymadingizmi? Ularning o‘z olami - o‘z sayyorasi bor. Zotan har birimiz qachonlardir bola bo‘lganmiz va bizning ham o‘z sayyoramiz, o‘z orzularimiz bo‘lgan.

Keyinchalik esa biz ham safarga chiqdik, baxtimizni izladik...

Balki bizning chin baxtimiz olis bolalikdagi moʻjaz sayyorada qolgandir. Atirgulimiz hamon bizni kutayotgandir. Buni anglab yetish uchun esa bir qancha sayyoralarda mehmon bo‘lishimiz lozim. Ushbu kitob sayyorangiz-ga qaytish bileti bo‘lishi mumkin. Unutmang, baxt tomon odimlash o‘z qo‘lingizda.

Ato Hamdam, Leonid Chigrin: Yapon zobiti. Yutaro Todaning asirlikda boshdan kechirganlari
Roman 1904-1905 yillardagi rus-yapon urushi paytida Koreya qirg‘oqlarida kema halokatga uchragan yapon dengiz floti ofiseri Yutaro Toda haqida hikoya qiladi. U hayoti davomida turli og‘ir sinovlarni boshdan kechiradi va kuchli irodasi, sabri, vaziyatga tez moslashib qaror qilishi, taslim bo‘lmasligi bilan kitobxonga namuna bo‘ladi. Roman Todaning hayotiy tajribalari haqida bo‘lib, urush, madaniyat to‘qnashuvi va omon qolish mavzularini keltiradi. Roman o‘zining tarixiy aniqligi, hayajonli syujeti va koreys manzarasining yorqin tasviri uchun yuqori baholangan.

Devid Nikolls: Bir kun. Bir muhabbat tarixi
To‘rt yil bitta universitetda o‘qigan ikki inson kelib-kelib bitiruv kuni tanishib qolishi mumkinmi? Albatta, axir charx Emma va Deksterning yo‘llarini aynan shunday g‘aroyib tarzda kesishtirdi. Taqdir ular uchun atagan bu kun, to‘rtburchak qalpoqlar osmonga otilgan, diplomlar tantanali topshirilgan kun katta hayotning boshlang‘ich nuqtasi bo‘ldi. Bitiruvning ertasi ‒ 15 iyul esa Emma va Deksterni yanada kuchli bog‘lagan, visol va firoqni birlashtirgan moʻjizaviy sanadir. Yanagi yil bu sanada nimalar yuz beradi? Undan keyingi yillardachi? «Bir kun» nomli film uchun asos bo‘lgan ushbu kitob ikki qahramonning har yili 15 iyulda nimalarni boshdan kechirishini tasvirlaydi.

Erve Le Tellye: Anomaliya. PREMYeRA!
Kitob qisqa muddatda Fransiyada bestsellerga aylandi va nufuzli Gonkur mukofotini qo‘lga kiritib, jahon e’tirofiga erishdi. O‘shandan beri roman 40 dan ortiq tillarga tarjima qilingan, o‘ziga xosligi va kuchli syujeti bilan kitobxonlar va tanqidchilar tomonidan olqishlarga sazovor bo‘lgan.

Ushbu xalqaro bestseller murakkab syujeti, jonli hikoyalari va chuqur insoniy xarakterlari bilan kitobxonni hayratlantiradi. Shu bilan birga, o‘ziga xoslik, tanlov va voqelikning tabiatini chuqur o‘ylashga chorlaydi.