Антуан де Сент-Экзюпери: Кичкина шаҳзода (Юмшоқ муқова)
Дунёга болалар кўзи билан боқишни унутиб қўймадингизми? Уларнинг ўз олами - ўз сайёраси бор. Зотан ҳар биримиз қачонлардир бола бўлганмиз ва бизнинг ҳам ўз сайёрамиз, ўз орзуларимиз бўлган.

Кейинчалик эса биз ҳам сафарга чиқдик, бахтимизни изладик...

Балки бизнинг чин бахтимиз олис болаликдаги мўъжаз сайёрада қолгандир. Атиргулимиз ҳамон бизни кутаётгандир. Буни англаб етиш учун эса бир қанча сайёраларда меҳмон бўлишимиз лозим. Ушбу китоб сайёрангиз-га қайтиш билети бўлиши мумкин. Унутманг, бахт томон одимлаш ўз қўлингизда.

Ато Ҳамдам, Леонид Чигрин: Япон зобити. Ютаро Тоданинг асирликда бошдан кечирганлари

Роман 1904-1905 йиллардаги рус-япон уруши пайтида Корея қирғоқларида кема ҳалокатга учраган япон денгиз флоти офицери Ютаро Тода ҳақида ҳикоя қилади. У ҳаёти давомида турли оғир синовларни бошдан кечиради ва кучли иродаси, сабри, вазиятга тез мослашиб қарор қилиши, таслим бўлмаслиги билан китобхонга намуна бўлади. Роман Тоданинг ҳаётий тажрибалари ҳақида бўлиб, уруш, маданият тўқнашуви ва омон қолиш мавзуларини келтиради. Роман ўзининг тарихий аниқлиги, ҳаяжонли сюжети ва корейс манзарасининг ёрқин тасвири учун юқори баҳоланган.
 

Девид Николлс: Бир кун. Бир муҳаббат тарихи
Тўрт йил битта университетда ўқиган икки инсон келиб-келиб битирув куни танишиб қолиши мумкинми? Албатта, ахир чарх Эмма ва Декстернинг йўлларини айнан шундай ғаройиб тарзда кесиштирди. Тақдир улар учун атаган бу кун, тўртбурчак қалпоқлар осмонга отилган, дипломлар тантанали топширилган кун катта ҳаётнинг бошланғич нуқтаси бўлди. Битирувнинг эртаси ‒ 15 июль эса Эмма ва Декстерни янада кучли боғлаган, висол ва фироқни бирлаштирган мўъжизавий санадир. Янаги йил бу санада нималар юз беради? Ундан кейинги йиллардачи? «Бир кун» номли фильм учун асос бўлган ушбу китоб икки қаҳрамоннинг ҳар йили 15 июлда нималарни бошдан кечиришини тасвирлайди.
 

Эрве Ле Теллье: Аномалия. ПРЕМЬЕРА!
Китоб қисқа муддатда Францияда бестселлерга айланди ва нуфузли Гонкур мукофотини қўлга киритиб, жаҳон эътирофига эришди. Ўшандан бери роман 40 дан ортиқ тилларга таржима қилинган, ўзига хослиги ва кучли сюжети билан китобхонлар ва танқидчилар томонидан олқишларга сазовор бўлган.

Ушбу халқаро бестселлер мураккаб сюжети, жонли ҳикоялари ва чуқур инсоний характерлари билан китобхонни ҳайратлантиради. Шу билан бирга, ўзига хослик, танлов ва воқеликнинг табиатини чуқур ўйлашга чорлайди.