Biznesga oid 10 ta eng sara adabiyotlar

Kamida 100 yillik tajriba 499 000 soʻm!

Raqobat kuchli boʻlgan zamonda biznesni rivojlantirish tajriba asosidagi bilimlar va sinalgan usullar bilan osonroq kechadi. Bunday bilimlarning eng sarasini albatta oʻz sohasini mutaxassislari, muvaffaqiyatli biznes egalari va professorlar bir necha oʻn yillar davomida yigʻgan tajribasi asosida yozdan kitoblaridan topasiz.

Shunday kitoblarning eng sarasi jamlangan biznesga oid 10 adabiyotni biz sizga 499 000 soʻmdan taklif qilamiz. Oʻn yillar davomida yigʻilgan tajriba, xulosa va tavsiyalarga eng hamyonbop narxda ega boʻling.

Buyurtmangizni Oʻzbekistonning istalgan hududiga tezkor yetkazib beramiz.

Kitoblar roʻyxati va ular haqidagi maʼlumot bilan quyida tanishing:

1. Toni Shey: Baxt yetkazish. Milliard dollarlik internet do‘kon tarixi

• Ishdan boʻshash uchun yangi xodimlarga katta pul taklif qiling

• Mijozlarga xizmat koʻrsatishni faqat bir boʻlim emas, balki butun kompaniya masʼuliyatiga aylantiring

• №1 ustuvor vazifa sifatida korporativ madaniyatiga eʼtibor qarating

• Biznesni yuritishda baxt ilmidan olingan tadqiqotlarni qoʻllang

• Xodimlarga shaxsiy va kasbiy jihatdan oʻsishiga yordam bering

• Dunyoni oʻzgartirishga intiling

• Va pul ishlang. . .

Gʻayritabiiy eshitilyaptimi? Bu har yili 1 milliard dollardan ortiq yalpi tovar sotuvini amalga oshiruvchi onlayn-riteyler Zapposdagi standart ish tartibi. 2009-yilda Fortune jurnalining yillik “Ishlash uchun eng yaxshi kompaniyalar” roʻyxatida eng yuqori oʻrinni egallagandan soʻng Zappos Amazon tomonidan yopilish kunida qiymati 1,2 milliard dollardan ortiq boʻlgan shartnoma asosida sotib olindi.

“Baxt yetkazish” asarida Zappos bosh direktori Toni Shey LinkExchange, Zappos va boshqalar orqali chuvalchang yetishtirish fermasidan tortib pizza biznesini yuritishgacha boʻlgan biznes va hayotda olgan turli saboqlari bilan oʻrtoqlashadi. Bir nafasda oʻqib chiqiladigan ushbu kitob korporativ madaniyat muvaffaqiyat kaliti ekanligi, atrofingizdagi insonlarga baxt ulashish orqali yanada baxtliroq boʻlishingiz mumkinligini koʻrsatadi. Kitob “New York Times” hamda “Wall Street Journal”ning bestseller asarlar roʻyxatidan joy olgan.

2. Henri Ford: Mening hayotim

Dunyoning yuzlab mamlakatlarida minglab marta millionlab adadlarda nashr etilgan bu avtobiografik kitobni XX asrning buyuk menejerlaridan biri, ishlab chiqarishda oqim-konveyer yoʻlini joriy etgan, AQSH avtomobil sanoatining “otasi”, milliarder Henri Ford yozgan. Ford hayotining tilsimlari, muvaffaqiyatining sirlari haqida koʻplab asarlar bitilgan. Bu kitob uning oʻzi yozgan, yorqin, timsolli, qatʼiyat va ilhom bilan bitilgan asardir. Fordning bu hayotnomasi tarixiy qimmatidan tashqari, bugun ham islohotlar oʻtkazayotgan va oʻz ishi hamda hayotini ijodiy oʻzgartirishga chogʻlagan iqtisodchilar, injenerlar, konstruktorlar, ruhshunoslar, sotsiologlar, biznes tashkilotchilari va rahbarlari, hayotda muvaffaqiyatga erishaman degan har bir odam uchun dolzarb asardir.

Avtobiografiya Henri Fordning karyerasiga toʻxtaladi. Kitob davomida Ford oʻz hayoti va ayniqsa, muhim qarorlar qabul qilishda fikrlash jarayonlari haqida hikoya qiladi. Siz haqiqatan ham Fordning nafaqat muvaffaqiyatli biznesmen, balki ajoyib muhandis, taktik va strateg boʻlganini ham koʻrishingiz mumkin. Mutolaa jarayonida texnik bilimlar bilan birgalikda u odamlar bilan ishlash, jumladan, kundalik muloqot, marketing, savdo va boshqalarda ham mohir boʻlganiga guvoh boʻlasiz.

3. Jon G. Miller: SOS! Savol ortidagi savol.

SOS! “Savol ortidagi savol” kitobi bugungi kunda biznes va jamiyatdagi eng muhim masala — shaxsiy javobgarlikka qaratilgan.

Shaxsiy javobgarlikning yoʻqligi ayblash, shikoyat qilish va kechiktirish epidemiyasiga olib keldi. Hech bir tashkilot yoki shaxs shaxsiy javobgarliksiz maqsadlarga erisha olmaydi, bozorda raqobatlasha olmaydi yoki odamlar va jamoalarni rivojlantira olmaydi.

Kitobda taklif etilgan yechim butunlay yangi yondashuvni oʻz ichiga oladi. Shunchaki berayotgan savollarimizni oʻzgartirish orqali vaziyatni va hayotimizni yaxshilashimiz mumkinligini koʻrsatadi. Endi “Kim bu ishni qildi?” ,“Nega ular oʻz ishlarini toʻgʻri bajara olmaydilar?” yoki “Nega biz bu oʻzgarishlarning barchasini boshdan kechirishimiz kerak?” deb soʻray olmaymiz. Buning oʻrniga, savol orqasida savol beramiz: “Men bu vaziyatni qanday yaxshilashim mumkin?” “Men qanday hissa qoʻshishim mumkin?” yoki “Qanday qilib oʻzgartirishim mumkin?”

Qisqa, tushunarli va foydali boʻlgan “SOS! Savol ortidagi savol” kitobi hayratlanarli natijalarga olib kelishi mumkin boʻlgan kundalik harakatlarga shaxsiy javobgarlikni qoʻllash usulini taqdim etadi: muammolar hal qilinadi, toʻsiqlar yoʻqoladi, xizmat yaxshilanadi, jamoaviy ish kuchayadi va odamlar oʻzgarishlarga moslashadi.

4. Yona Berger: Yuqumlilik. Mahsulot va g‘oyalar qanday ommalashadi.

Nima uchun baʼzi mahsulotlar va gʻoyalar virusga aylanadi? Baʼzi mahsulotlar boshqalardan koʻra koʻproq ogʻizga tushadi? Uorton professori Yona Berger mahsulot yoki gʻoyalarni yuqumli qiladigan oltita qadamni tushuntirish uchun oʻz tadqiqotiga tayanadi va bu haqida tushunarli va batafsil maʼlumotni ushbu kitobda keltirilib oʻtadi.

Mahsulotingiz yoki gʻoyangiz uchun ogʻizdan-ogʻizga oʻtuvchi soʻz yarata olasizmi? Bergerning soʻzlariga koʻra, mumkin. Mahalladagi restoranni, yuzlab xodimlarga ega korporatsiyani boshqarasizmi yoki birinchi marta mahalliy ofisda ishlayapsizmi, mahsulotingiz yoki gʻoyangiz yuqumli boʻlishiga yordam beradigan qadamlar bir xil boʻladi.

XXI asrda marketingning biznes uchun ahamiyati har doimgidan muhim. Lekin, mahsulotni tanitish uchun Coca-Cola yoki Apple kabi milliardlab dollar sarflash shart emas. Yona Berger biznes egalari va marketologlarga xarajatsiz qanday qilib mahsulot va g‘oyalarni ommalashtirish bo‘yicha tavsiya beradi.

“Yuqumlilik. Mahsulot va gʻoyalar qanday ommalashadi.“ kitobi Berger tadqiqotidan olingan qiziqarli maʼlumotlarga toʻla. Den Ariely va Den Gilbert tomonidan maqtovga sazovor boʻlgan va toʻqqizta mamlakatda sotilgan ushbu kitob oʻz loyihalari va gʻoyalari muvaffaqiyatli boʻlishini xohlaydigan insonlar uchun qatʼiy tavsiya etiladi.

5. Piter Til, Bleyk Masters: Noldan birga. Startaplar haqida qaydlar yoxud kelajakni qanday ko‘rish mumkin

«Ushbu kitob dunyoda qiymat yaratish bo‘yicha mutlaqo yangi va tetiklantiruvchi g‘oyalarni taqdim etadi»
— Mark Sukerberg, Meta bosh direktori

«Piter Til bir nechta ilg‘or kompaniyalarni qurdi va «Noldan birga» kitobi buni qanday qilishni ko‘rsatadi.»
— Ilon Mask, SpaceX va Tesla bosh direktori

Zamonamizning eng katta siri shundaki, hali o‘rganilmagan chegaralar va yaratilishi kerak bo‘lgan yangi ixtirolar mavjud. Afsonaviy tadbirkor va investor Piter Til «Noldan birga» kitobida yangi narsalarni yaratuvchi kompaniyalarni qurish usullarini qanday topishimiz mumkinligini ko‘rsatadi.

Til o‘z asarini mobil qurilmalarga mukkamizdan ketib, buni sezmayotgan bo‘lsak ham, aslida texnologik turg‘unlik asrida yashayotganimizni ko‘rsatish bilan boshlaydi. Axborot texnologiyalari tez surʼatda rivojlandi, ammo taraqqiyot faqat kompyuterlar yoki Silikon vodiysi bilan cheklanib qolmasligi kerak. Har qanday sanoat yoki biznes sohasida taraqqiyotga erishish mumkin. Bunda xar bir lider o‘zlashtirishi kerak bo‘lgan eng muhim mahorat — mustaqil fikrlashni o‘rganishdir.

6. Uolter Ayzekson: Stiv Jobs

Benjamin Franklin va Albert Eynshteynning eng koʻp sotilgan biografiyalari muallifidan Stiv Jobsning eksklyuziv tarjimai holi.

Ikki yil davomida Jobs bilan oʻtkazilgan 40dan ortiq intervyularga, shuningdek, yuzdan ortiq oila aʼzolari, doʻstlari, raqiblari, raqobatchilari va hamkasblari bilan boʻlgan intervyularga asoslanib, Uolter Ayzekson Stiv Jobs hayotining hayratlanarli hikoyasini yozgan va mukammallikka boʻlgan ishtiyoqi tufayli oltita sohada inqilob qilgan ijodiy tadbirkorning shaxsiyati: shaxsiy kompyuterlar, animatsion filmlar, musiqa, telefonlar, planshet va raqamli nashriyot haqida maʼlumotlar keltirib oʻtgan.

Amerika oʻzining innovatsion ustunligini saqlab qolish yoʻllarini qidirayotgan bir paytda va butun dunyo boʻylab jamiyatlar raqamli asr iqtisodiyotini qurishga harakat qilayotgan bir paytda, Jobs ixtirochilik va amaliy tasavvurning yakuniy belgisi boʻlib turibdi. U XXI asrda qiymat yaratishning eng yaxshi usuli ijodkorlikni texnologiya bilan bogʻlash ekanligini bilardi. U xayolot olami muhandislikning ajoyib yutuqlari bilan birlashtirilgan kompaniya qurdi.

Jobs ushbu kitob bilan hamkorlik qilgan boʻlsa-da, u yozilgan narsalarni nazorat qilishni soʻradi. U hech narsani cheklab qoʻymadi. U oʻzi bilgan odamlarni halol gapirishga undadi. Jobs esa oʻzi ishlagan va raqobatlashgan odamlar haqida ochiqchasiga, baʼzan shafqatsizlarcha gapiradi. Uning doʻstlari, dushmanlari va hamkasblari uning biznesga boʻlgan yondashuvini va natijada innovatsion mahsulotlarni shakllantirgan perfektsionizm, ijodkorlik va nazoratga majburlash haqida aniq tasavvur beradi.

7. Allan Dib: Bir varaqli marketing reja

Oʻzining “Bir varaqli marketing reja” kitobida tadbirkor va marketolog Allan Dib marketing reja qanday qilib oson va tez bitkazishni oʻrgatadi. U birgina sahifaga sigʻadi, toʻqqiz katakdan iborat boʻladi. Uning yordamida siz murakkab marketing rejangizni tuzib, boshlovchidan soha ustasiga aylanishingiz mumkin.

Ushbu yangi kitobda siz quyidagilarni bilib olasiz:

• Qanday qilib yangi mijozlar topish va mavjudlaridan koʻproq foyda olish;

• “Katta biznes”larga moʻljallangan marketing kichik va oʻrta biznes strategiyalarini oʻldirishi sabablari;

• Tom maʼnoda bir sahifali shaxsiy marketing reja tuzishdagi oddiy bosqichli jarayon. Shunchaki kitobni oʻqib, boblar soʻngidagi bir varaqli marketing rejaning kataklarini toʻldirib keting.

• Qanday qilib raqiblarni yengish va oʻzingizni mijoz uchun yagona tanlovga aylantirish;

• Qanday qilib toʻgʻridan toʻgʻri javob marketing sirlaridan foydalangan holda, kichik byudjet bilan katta natijalarga erishish;

• Qanday qilib mahsulot va xizmatlaringizga yuqori narx qoʻyish va mijozlar roziligini olish.

8. Stiven R. Kovi: Muvaffaqiyatli insonlarning 7 ko‘nikmasi

Muvaffaqiyatli insonlar muammolar bilan emas, balki imkoniyatlar bilan yashaydilar. Ular imkoniyatlardan oziqlanib, muammolarni ochlikda qoldiradilar

«Muvaffaqiyatli insonlarning yetti ko‘nikmasi» kitobi mashhur amerikalik biznes konsultant Stiven Kovi tomonidan yozilgan.

Kitob birinchi bor 1989 yilda nashrdan chiqadi. Oradan 15 yil o‘tib, 2004 yil kitob 38dan ortiq turli tillarga tarjima qilingan. 2011 yil avgustda “Time” jurnali ushbu kitobni asosiy biznes kitoblarning 25talik ro‘yxatiga kiritgan. Kitob bugungi kunga qadar butun dunyo bo‘ylab 40 milliondan ortiq nusxada sotilgan.

Kitob doimo muvaffaqiyatga intiluvchilar uchun. U insonning rivojlanishi, hayot mazmuni va voqea-hodisalarga reaksiyasi, ya’ni javobi haqida. Stiven Kovi juda ko‘plab liderlik, muvaffaqiyat, samaradorlik mavzusidagi kitoblarni nafaqat o‘qigan, balki tahlil ham qilgan. Asarda ko‘plab mashhur (shunchaki mashhur emas, balki o‘zini maksimal darajada rivojlantirib, ichki xotirjamlikka erishgan)lardan misol keltiriladi. Ulardan eng yorqini - Viktor Frankl, “Hayotga «Ha» deyish: konslager Psixologi” kitobi muallifidir.

9. Brayan Treysi: Samaradorlikning 21 yo‘li

Kitob vaqtni toʻgʻri taqsimlash, ish yoki oʻqish jarayonini tashkillashtirish, hayot tarzini oʻzgartirish, natijada qanday qilib samaradorlikka erishish haqida nazariyadan uzoq, aniq maʼlumot va qoʻllanmalarni beradi.

Kitob talabalar, tadbirkorlar, ishchilar, rahbarlar, kuni va vaqtini tartibni solishni xohlaydigan hatto uy bekalariga ham tavsiya qilinadi.

10. Jeyms Klir: Atom odatlar

Agar odatlaringizni o‘zgartirishni uddasidan chiqa olmayotgan bo‘lsangiz, muammo sizda emas. Muammo tizimda. Yomon odatlar takrorlanaverishining sababi siz ularni o‘zgartirishni xohlamayotganingizda emas, balki o‘zgarish uchun noto‘g‘ri tizim tanlaganingizda. Siz maqsadlaringizning darajasiga ko‘tarilmaysiz, bilʼaks tizimlaringiz darajasiga tushib qolasiz. Mazkur kitobda esa sizni yangi cho‘qqilarga olib chiquvchi sinashta tizim bilan tanishasiz.

Klir murakkab mavzularni ham kundalik hayotga va ishga osongina tatbiq qilsa boʻladigan oddiy odatlarga bogʻlab, yechim bera olishi bilan tanilgan. Kitobda u yaxshi odatlarni muqarrar, yomonlarini esa ilojsiz qilish boʻyicha tushunishga oson yoʻriqnoma yaratar ekan, biologiya, psixologiya va neyroilmdagi eng ishonchli gʻoyalarga suyanadi. Mutolaa davomida kitobxon Olimpiadadagi oltin medal sohiblari, yetakchi biznesmenlar, inson hayotini saqlab qolgan shifokorlar oʻz kasbini ustasi boʻlishda mitti odatlar ilmidan foydalangani hamda sohada eng zoʻriga aylangani haqidagi hayotiy hikoyalarini oʻqib, ruhlanadi.

Qanday qilib:

- yangi odatlar uchun vaqt ajratishni (hatto qiladigan ishlaringiz oshib-toshib ketganda ham);

- ishtiyoqsizlik va irodasizlikni yengishni;

- atrof-muhitni muvaffaqiyatga erishishni osonlashtiradigan qilib tartiblashni;

- yoʻldan adashganda ortga qayta olishni va boshqa koʻplab narsalarni oʻrganing.

“Atom odatlar” oʻsish va muvaffaqiyat haqidagi fikrlaringizni oʻzgartiradi hamda sizga odatlaringizni oʻzgartirishda zarur boʻlgan qurol va strategiyalarni taqdim etadi. Xoh chempionatda gʻalaba qozonishni istayotgan jamoa boʻling, xoh sohaga qayta jon berishga umid qilgan tashkilot, yoki shunchaki chekishni tashlashni, ozishni, stressni kamaytirishni yoki yana boshqa bir maqsadga erishishni xohlayotgan oddiy inson boʻling, bu kitob sizga naf keltirmay qolmaydi.