Asaxiy.uz tahrir siyosati

1. Tahrir faoliyatining maqsadi

1.1. Asaxiy.uz tahrir faoliyati mijozlarni tovarlar, texnologiyalar va xizmatlar haqida dolzarb, amaliy va ishonchli ma’lumotlar bilan ta’minlashga qaratilgan. Biz mahsulot tanlashda asosli qarorlar qabul qilishga ko‘maklashadigan foydali kontent yaratishga intilamiz.

2. Tahrir yondashuvi tamoyillari

2.1. Xolislik va ishonchlilik

− Barcha materiallar asosiy tahrir va faktologik tekshiruvdan o‘tkaziladi.

− Tekshirilmagan yoki chalg‘ituvchi ma’lumotlarni e’lon qilishdan qochamiz.

− Ma’lumotlar ochiq manbalar, texnik hujjatlar, ishlab chiqaruvchilarning tavsiflari va foydalanish tajribasi asosida taqdim etiladi.

2.2. Mustaqillik

− Asaxiy.uz kontenti ichki tahrir qarorlari asosida yaratiladi.

− Mahsulot sharhlari va tavsiflari yetkazib beruvchilar va brendlarning ta’siridan mustaqil ravishda ishlab chiqiladi.

3. Kontent turlari

3.1. Asaxiy.uz tahrir bo‘limi quyidagilarni o‘z ichiga olishi mumkin:

− tovarlarning qisqacha sharhlari va tavsiflari;

− tanlov bo‘yicha qo‘llanmalar;

− mavzuli to‘plamlar;

− yangilik xabarlari;

− tez-tez so‘raladigan savollarga javoblar (FAQ);

− foydalanuvchi sharhlari.

4. Til siyosati

4.1. Asaxiy.uz saytining barcha materiallari ikki tilda e’lon qilinadi:

− o‘zbek tili (lotin alifbosida) - saytning asosiy tili;

− rus tili - saytning ikkinchi asosiy tili.

5. Foydalanuvchi kontenti bilan ishlash

5.1. Mijozlarning fikr-mulohazalari va sharhlari odob-axloq qoidalariga rioya qilingan holda ochiq e’lon qilinadi.

5.2. Asaxiy.uz quyidagi hollarda foydalanuvchi kontentini moderatsiya qilish huquqini o‘zida saqlab qoladi:

− uyatsiz so‘zlar,

− kamsituvchi yoki tajovuzkor fikrlar,

− qonunni buzishga chaqiriqlar mavjud bo‘lganda.

6. Tahririyatning mas’uliyati

6.1. Asaxiy.uz tahririyati kompaniya ichida yaratilgan va e’lon qilingan kontent uchun mas’uldir.

6.2. Nashr etilgan materialda xato yoki noaniqlik aniqlangan taqdirda, tahririyat darhol tuzatishlar kiritish majburiyatini oladi.

7. Huquqiy asos

7.1. Asaxiy.uz tahrir faoliyati quyidagilarga muvofiq amalga oshiriladi:

− O‘zbekiston Respublikasining "Ommaviy axborot vositalari to‘g‘risida"gi Qonuni;

− O‘zbekiston Respublikasining "Reklama to‘g‘risida"gi Qonuni;

− hamda axborotni ochiq raqamli manbalarda e’lon qilishni tartibga soluvchi boshqa amaldagi me’yoriy hujjatlar.

8. Siyosatni yangilash

8.1. Tahrir siyosati quyidagi hollarda qayta ko‘rib chiqilishi mumkin:

− qonunchilikdagi o‘zgarishlar,

− nashrning yangi bo‘limlari yoki kanallarini ishga tushirish,

− mavzu yoki auditoriyani kengaytirish hollarida.