O‘tgan asr boshlarida yangi tuzum maktablarining tashkil etilishi nafaqat davr farzandlarining, millat bolalarining maʼnaviyatida tub burilish yasadi, desak xato bo‘lmaydi. Zamon maʼrifatparvarlari o‘quvchilar uchun qator darsliklar yaratishdi, risolalar chop etishdi, gazeta va jurnallar ochishdi.
Bugungi o‘quvchilar aynan o‘sha maqolalarni, asarlarni, kitoblarni qayta-qayta o‘qishi lozim, chunki ustozlarimizni, boringki ustozlarimizning ustozlarini maʼrifatga chorlagan, ilmga oshno qilgan, ziyoli qilgan asarlar bugungi davr uchun ham qadrli, ham zarur.
Mazkur kitobda XX asr boshlaridagi adabiyot, ilm-fan va chin insoniylikka chorlovchi asarlar jamlanadi.