O‘tkir Hoshimov: Uzun kechalar (yumshoq muqova)

Elimizning atoqli va ardoqli adibi, O‘zbekiston xalq yozuvchisi O‘tkir Hoshimov XX asr adabiyoti rivojiga salmoqli hissa qo‘shganlardan biri hisoblanadi. Uning odob-axloq, maʼnaviy olam, milliy qadriyatlar, sho‘ro davri adolatsizliklarini ishonarli yoritgan ocherk va teleko‘rsatuvlari, qissa va romanlari hamda hikoyalarida oddiy inson taqdiri va qalbining kechinmalari zargarona ifoda etilgan. Uning «Dunyoning ishlari» asari Davlat mukofotini olgani bejiz emas. Bu asar ona haqidagi, ona qalbining cheksiz saxovati to‘g‘risidagi o‘ziga xos qasidadir. U ming-minglab o‘zbek onalarining timsoliga aylandi.

«Hikoyalar xazinasi» rukni ostida nashr etilgan mazkur «Uzun kechalar» to‘plamiga ham uning turli mavzulardagi hikoyalari jamlangan bo‘lib, adibning boshqa kitoblari kabi kitobxonlar tomonidan katta qiziqish bilan qabul qilinadi, degan umiddamiz. Taqdim etilayotgan hikoyalarda o‘sha davr ruhini saqlab qolish maqsadida shaharlar va ayrim atamalar nomi asliyatga asosan qoldirildi.